آخــــر المواضيع

ضيافتي لأخي

السلام عليكم و رحمة الله و بركاته

موقع بسمة لكل ما يهم المرأة المغربية يقدم ضيافتي لأخي 

ضيافتي لأخي 
من الاخت ايمان جزاها الله عنا كل خير
السلام عليكم ورحمة الله 
هدو بعض اطباقي وجدتهم هاد الاسبوع كان جا عندي الاخ ديالي ووليداتو فهاد العطلة من باريس وعملتلو شي شهيوات وفنفس الوقت قلت نشارك بيهم معاكم هههههههه الله ينجيكم من البلية ولينا لطيبنها نصوروهاا 
اول نهار عملت لبسطيلة تلحوت و دجاج مشرمل 





























الدجاج محمر بطريقة الاخت ام اسامة و ايمان

السلام عليكم و رحمة الله و بركاته

موقع بسمة لك ما يهم المرأة المغربية يقدم الدجاج محمر بطريقة الاخت ام اسامة و ايمان

الدجاج محمر بطريقة الاخت ام اسامة و ايمان


مقادير و طريقة تحضير الدجاج محمر



مقادير الدجاج محمر
 دجاجة متوسطة + 2 حبات بصل 1 متوسطة و 1 كبيرة + ربيطة معدنوس + 4 حبات ثوم + نصف م ص ماعمراش سمن + زعفران + شوية زعفران شعرة + نصف م ص سكنجبير + ربع م ص إبزار + ربع م ص كمون + ربع م ص قرفة مطحونة + رشة خرقوم + عويدات قرفة + نصف كأس تقريبا زيت بلدية + ملح حسب الدوق + حفينة زيتون أخضر مقطع + قشرة نصف حامضة مصيرة

طريقة تحضير الدجاج محمر

 كنطحن البصلة المتوسطة مع الثوم والمعدنوس ونضيف عليهم جميع التوابل ونشرمل بيهم الدجاجة وندخل 
الشرمولة بين الجلد واللحم وفالفراغ بين الفخد والجوانح وكنعمل ثقوب باش تتشرب مزيان 

نخليها تترقد أطول وقت ممكن ونهار كنكون مزروبة كنطيبها مباشرة 

كنقلي الدجاج من جميع الجهات ونعمل فيها ثقوب مرة أخرى ونضيف بصلة مشنفة وغير تدبال نضيف الماء غليان ونخليها تطيب على خاطرها 




غير تطيب الدجاجة نضيف الزيتون و الحامض ونغطيها ونخلي الدجاجة تتشرب طعم الزيتون والحامض ونحيدها ونخلي المرش تتشرب وتختر مزيان

ندخل الدجاجة للفرن تتحمر مزيان 




رافقت الدجاج بالسفرجل معسل والبيض مسلوق 

طريقة السفرجل : 1 حبة سفرجل + من 3 إلى 4 م ك سكر حسب دوقكم + ربع م ص قرفة + قبصة رشة ملح + ماء 

كنعمل كلشي فخطرة ونغطيه ونخليه يطيب منين نتأكد أنه طاب كنحيد الغطا ونخليه يتعسل الما لي كنعمل كيجي هو هدا مع الطياب مع التعسيل يعني مكنضطرش ننقص من الما 


وهاهي وصفتنا جاهزة نتمنى تنال إعجابكم




بعض الملاحظات والنصائح : فجميع وصفات اللحم أو الدجاج أو أي حاجة كيخصها تتمرق كنضيف الماء غليان كيساعد باش تغلي بسرعة والأهم أنه من الأفضل الحاجة لي سخونة تتمرق بماء ساخن

كيف سبق وقلت في وصفة سابقة أنا مكندهنش الدجاج باش يتحمر بل كنعتامد على الدهن الموجود فالجلد 

وكيف كتشوفو الدجاجة محمرة مزيان وهاد الصور كلها طبيعية يعني ماكنعملتش عليها تأثيرات بالفطوشوب أو بيكاسا 

الدجاج منين كنكون مزروبة كنطيبو فالكوكوط كنسد عليه من 20 ل 30 دقيقة حسب حجم الدجاجة وحسب الوقت لي خليتها تتقلى 

الصدرة دائما تكون لتحت 

وباش الرجيلات يبقاو مجموعين وقت تتحمر كنطيب الدجاج بوقت كافي قبل ما نبغي نقدمها ونهزها من المرق ونخليها تنشف مزيان ودائما تكون منزلة الصدرة لتحت 

وهي غير كتنشف كتبقا شادة راسها مزيان

والأفضل الإناء لي نعملها تنشف فيه يكون إناء ضيق شوية باش يخليها مجموعة وهو نفسه لي ندخلها فيه للفرن 


سلطة إيطالية بلمسات مغربية

السلام عليكم و رحمة الله و بركاته

موقع بسمة لكل ما يهم المرأة المغربية يقدم سلطة إيطالية بلمسات مغربية

سلطة إيطالية بلمسات مغربية

من الاخت كزاوية جزاها الله عنا كل خير

هده سلطة كنت ديما كنشوفها في محلات الإيطاليةكتعجبني
في الشكل ديالها بزاف خصوصابلي كيكونو فيها انواع وأحجام مختلفة من لبات جربتها بطريقتي وبعطريتي وجات فنة ووليت مدمنة عليها

مقادير سلطة إيطالية بلمسات مغربية
طبعا المقادير على حسب الآشخاص انا ماعبرت حتى حاجة كلشي عشوائي ههههه
درت شوية روز 
شوية لبات من كل نوع حفينة وعلى حسب الموجود 
حك طن 
فلفلة الوان
بصلة 
كنور ولعطرية لبزا سكنجبير خرقوم عرق وربيع حك درة معلبة 

طريقة تحضير سلطة إيطالية بلمسات مغربية
درت لماء يغلى في طنجرة مع شوية لملح 
ضفت الروز من بعد لبات شي 5 دقائق وطفيت عليهم
زدت عمرت طنجرة ماء بارد وخليتهم ماصفيتهمش شي 10 دقائق عاد صفيتهم وطلقت عليهم الماء بارد مزيان وخليتهم يتسقطرو



خديت مقلة درت فيها شوية زيت ولملح وخرقوم وقطعت لبصلة رقيقة وخليتها تتشحر 


ضفت عليها لفلفلة مقطعة وخليتها تتشحر 

تم كنور وربيع ولعطرية


تم درة وطون خلطتهم مزيان


وطفيت البوطة وبديت كنضيف روز ولبات بشوية بشوي ونخلط 





و بالصحة و الراحة





بطاطة صغيرة مقلية لكن بغيرررر شكل واكيد بالصور

السلام عليكم و رحمة الله و بركاته

موقع بسمة لكل ما يهم المرأة المغربية يقدم بطاطة صغيرة مقلية لكن بغيرررر شكل واكيد بالصور

بطاطة صغيرة مقلية لكن بغيرررر شكل واكيد بالصور

من الاخت الهام ام سعد جزاها الله عنا كل خير
نتمنى من الله تكونو جميعكن بالف خير وفي اثم الصحة وسعادة كفما هو واضح من العنوان طبق اليوم هو لبطاطة صغرة مقلية بشرمولة الحوت كتجي ررائعة وناااشفة 
بسم الله
مكونات 
بطاطة صغيرة
البيض 
قزبر ومعدنوس مقطعين رقاق
ثومة
الطحين
وميزينا
وعطرية الحوت كاملة(ابزار/خروقم البلدي/سكنجبير/تحميرة/ كامون/شوش د لهريسة/ملح 
طريقة 

كنغسل لبطاطة ونسلقها بالماء وملح ومن بعد ما كتسلق كنزول ليها ماء سخون ونعوضه بالماء باااارد باش يسهل علينا تقشرها 





في اناء كنعمل جميع مكونات ونطربهم بالفرشيطة مزيان حتى يضاعف حجمهم





من بعد كنضفو لبطاطة 


ونخلطو جميع عناصر مزيااان 



ونترك لبطاطة منقوعة في شرمولة لمدة ساعة على الاقل 



من بعد كنخد بلاستيكة ونعمل فيها الطحين +الميزينا+شوش د ملح 



ونخلطهم مزياان 

كنخدو لبطاطة ونصفوها من شرمولة 



ونزلها مباشرة في خليط الطحين و.... ونحرك البلاستيكة في جميع التجهات 


حتى تصبح فحال هاكا 



ونتركها 10دقايق 

واخيرا كنزول الطحين زائد




ونقلوها في حمام زيت ساااخن جدا 

كتجي نااااااشفة ولديدة 


وبالصحة وراحة 



 
Contact : Votre annonce sur 01Basma : adsbasma@gmail.com
Copyright © 2013.