طورطات و كيك

[طورطات و كيك][bsummary]

حلويات الصابلي

[حلويات الصابلي][twocolumns]

حلويات اللوز

[حلويات اللوز][bleft]

اروع ما في السلطات

[اروع ما في السلطات][bsummary]

العناية بالجسم والبشرة

[العناية بالبشرة و الجسم][bleft]

العناية بالشعر

[العناية بالشعر][bleft]

كلمار معمر بالخطوات المصورة


السلام عليكم و رحمة الله و بركاته

موقع بسمة لكل مل يهم المرأة العربية يقدم كلمار معمر بالخطوات المصورة

كلمار معمر بالخطوات المصورة

كلمار معمر بالخطوات المصورة



مقادير الكلمار معمر


كلمار على حسب الاشخاص يكون منقي مزيان ومغسول ومستقطر
ميرلا بطبيعة الحال منقية ومغسولة ونزولوا ليها الجلدة خدمتها تماما بحال السردين ونطحنوها
الا مكانتش متوفرة عندكم يمكن ليكم تعملوا فبلاصتها السردين او الروز بوحدو حت هما تيجيو زوينين
روز منقي ومغسول ومستقطر
مطيشه منقية ومقطعة بالزريعة ديالها
قزبور ومعدنس مكرد
توم
انتوما غتعملوا المقدار على حساب الاشخاص لي عندكم يعني عينكم ميزانكم والعطرية طبعا





ناخد كاسرونة ونعمل فيها الروز لي نقيناه وغسلناه وخليناه يستقطر ونزيدعليه جميع العطرية لي عندي
م.صغيرة كمون
م.ص ابزار
م.ص خرقوم بلدي
م.ص ملح
م.ص تحميرة
م.ص سكينجبير

الربيع مكرد والتوم وزويتة مخلطة يعني رومية وبلدية

وورقة سيدنا موسى

نخليهم يتشحروا غي شوية ونزيدو عليهم الماء الكافي ونخليو الروز يطيب مزيان حت يشرب المرق ويولي ناشف



تناخدو الكوكوت ديالنا ونحطوا فيها مطيشة لي قطعنا ونعملوا فيها نفس العطرية لي عملنا فالروز من قبل ونزيدو الزيت ونخليوها تطيب مزيان حت تهبط مطيشة الا بانت ليكم نشفات زيدوا كويس تاع الما وخليو فيها شوية المرق فاش يطيب الكلمار ديالنا


ملي طاب الروز خليتو حت برد وزدت عليه هبرة الميرلا لي طحنت من قيل وخلطت كلشي مزيان


تناخد الكلمار وناخد معلقة صغيرة من الحشوة ونبدا نعمر حت نحس بيه عمر ونحبس مخصش الحشوة تفوت فم الكلمار باش ميخرجش لينا فالمريقة بهاكا متنحتاجش نجمعوا بخيط او نسدوا بعود اسنان


ملي عمرت الكلمار وضعتوا فوق لمريقة وشعلت عليه تقريبا 20 دقيقة فوق البوطة وعلى عافية مهيلة غي تنحس بيه طاب والمريقة تشربات مزيان تنطفي عليه





و بالصحة و الراحة





هناك 5 تعليقات:

  1. غير معرف30/5/13

    laykhlik abasma bryt jami3 lhrira dyal ramdan olahrira dyal djaj olkhdara bch3rya laykhlik lmohim chorba dyal rmdan khfifa 3lahsab shd likaykon frmdan lykhlikom jawbini obsowar chokran bizzzzzzzoooouuuuuu mah

    ردحذف
  2. غير معرف31/5/13

    Bonjour basma j'espère que tu va bien vraiment je sais quoi faire sans toi et je sais pas quoi dire je peux dire que bravo et bonne contuiation ma sœur .. C'est hasna

    ردحذف
  3. غير معرف31/5/13

    had chi zwiiin bazzaf wach na9adro n3awdo babrat mirla wsardin balkafta dyal albagri aw la
    wa chokran

    ردحذف
  4. غير معرف31/5/13

    macha alah jamil jazaki alahkola khayr

    ردحذف
  5. غير معرف20/5/14

    تبارك الله

    ردحذف