طورطات و كيك

[طورطات و كيك][bsummary]

حلويات الصابلي

[حلويات الصابلي][twocolumns]

حلويات اللوز

[حلويات اللوز][bleft]

اروع ما في السلطات

[اروع ما في السلطات][bsummary]

العناية بالجسم والبشرة

[العناية بالبشرة و الجسم][bleft]

العناية بالشعر

[العناية بالشعر][bleft]

طريقة تشواط راس الحولي و طريقة تقسيمه و طهيه بالصور

السلام عليكم و رحمة الله و بركاته

موقع بسمة لكل ما يهم المرأة العربية يقدم طريقة تشواط رأس الحولي و طريقة تقسيمه و طهيه بالصور

طريقة تشواط راس الحولي و طريقة تقسيمه و طهيه بالصور




شوطي الراس وقسميه وطيبيه بوحدك بلا ميعاونك راجلك أو باباك أو خوك ههههه

لمهم كنستعمل البوطة وممكن تستعملوا المجمر ديرو فيه العود من الأحسنكنحيدو ل الراس دوك السوالف الزايدين ماكين لاش يبقاو ياكلو لينا في البوطة هههه 


وكنبدا نشوط وفي نفس الوقت خدامة بالموس كنكرط




وكنبقا هكدا نشوط و ندور في الراس ونحك بالموس بش يتحرق الشعر مزيان وكيعونوني الودنين عندو طوال بش منتحرقش هههه 

شفتوه هاهو كيضحك مسكين


وحتى رجيلات منسوهومش 
من بعد كنرقدو في الماء ، يعني يكون غارق نيت ، شوفو مسكين شحل ديال العذاب كيدوز عليه وكيتكال في الأخير هههه هى تشواط ها حريق ها حسانة ، ..........المهم مني كنرقدو كنخليه يبات ليلة إلا درتو في العشية وإلا في الصباح كنرقدو في الماء وكنغسلو في الليل ، كنحكه نيت بالبونجا ديال الماعن وشوية التيد إلا زعمتو دروه إلا خفتو منو بلاش ، مكبقش فيه نهائياً لا ريحة لا ولو حيت كيتسلق هههه إو غادي نقبلو غي هاد الراس المشوط نهار كامل 



من بعد مني كنجبدوه من الماء بش نغسلوه تيكون مبلل أكيد وإلا كانو شي شعرات فكيسعب علينا نحيدوهم ، ادن كنحسنو ليه ، ومنخلو حتى شعرة

ماشي بلاسير غير بالماكينة تسمعني شي مبتدئة فالطبخ و تنوض ديرليه لاسير هههههههههه





من بعد وهادي الزوينة بزاف في الأمر كتعجبني بزاف حيت كتبرد لغديد ، كنوجدو واحد الموس كبير يعني جنوي وواحد العود وشي عتبة ، وكنركزو الموس على النصف ديال الراس وكنزلو عليه بالعود واحد الخبطة مزيانة ، و كنبقو بهاد الطريقة حتى نكملو ونقسموه على جوج 



المهم من بعد كنخرج المخيخ هههه وكنزيد نقسمو من مكان الفك يعني تيولي الراس مقسوم على 4 ، كين الناس لكيدروه على جوج وحنا في الدار كنقسموه على 4 
من بعد كنسلقو بالماء غي شوية وشوية الملح ، تطلع غي الغلية واحد 5 الدقايق ونحيدو ، الصراحة كنفضل يتسلق حيت تيحيد داك اللزاجة لفيه ، كنعرف أنه الناس مكسلقوهش ولكن مكنرتاحش نطيبو نيشان وكيبقى الطبخ أدواق


من بعد ما تنكون صفيتو ، كنزيد عليه البصلة بزاف والتومة والربيع والملح والكمون بالزايد والبزار والخرقوم والتحميرة والسكين جبير وكنسد عليه الكوكوت ونخليه يطيب على رحتوا ويطيب مزيان حتى يتملخ 


وأكيد نرووه بالماء ، من بعد فش تنحل الكوكوت كنزيد الزبيب والحمص ، الحمص درتو مع الزبيب حيت كان عندنا غي المعلب أما إلا كان ديال الدار دروه مع الراس يطيب ، المهم كنرجعو نخلوه يطيب مازال بش يتشربوا نكهة الراس وتختار المرقة شوية 


وهاهو وجد بالصحة والراحة ، بعد تعب طويييل ههههه 



او لي بغا إفور عليه

باسم الله


الكسكس بلحم الراس

مقادير و طريقة تحضير الكسكس باللحم الراس بالصور 




هناك 27 تعليقًا:

  1. Hanan018/10/13

    Mmmmmmem binine lah 3tik sa7a

    ردحذف
  2. Lah ya3tik saha 3ala had tamara lidrabti

    ردحذف
  3. غير معرف8/10/13

    الله يعطيك الصحة شحال كيبان بنين غادي نجربها ان شاءالله عواشر مبروكه.

    ردحذف
  4. غير معرف8/10/13

    ya3tik saha emal ahssan mali yatchawat rass kobi lmae eramdih farmad hadi tari9a zuina e3idkom mabrok

    ردحذف
  5. omo hedaifa8/10/13

    wa9ila akhti nti chimsmoma katjam3i ssam dyalk htalnhar l3id otatbrdi ghdaydak fras lholi mskin okhososan ila chritoh bkri otat3alfi fih hhhhhhhhhhhhh 3jabni l2oslob dyalk fcharh

    ردحذف
  6. غير معرف8/10/13

    ماشاءالله طريقة ساهلة الله يعافيك
    ان شاءالله نجربها فالعيد خاصة طريقة تقطيع راس
    حيت انا كل عيد تنرمي الراس
    ولكن القرون كيف يمكلي نزولهم
    وجزاك الله خيرا
    وشكرا لبسمة على كل ماتقدم لنا
    ام محمد من السعودية

    ردحذف
  7. غير معرف9/10/13

    allah ya3tik saha chahitina fih

    ردحذف
  8. غير معرف9/10/13

    walkin bota rah fiha gaz hana ahsan tari9a kandiro chalimo dgya kytchwat o mkyb9awch 3od yhr9ak fi 3ayniq

    ردحذف
  9. غير معرف9/10/13

    alahe ya3tik sha tbarklahe 3lik rah chhitini bzaf ghda njarbo

    ردحذف
  10. تبارك الله عليك اختي
    وقتلتيني بالضحك

    ردحذف
  11. غير معرف9/10/13

    الأخت اللي قالت تستعمل الشاليمو ممكن توضيح اكثر اشنو هو الشاليمو وشكرا

    ردحذف
  12. omo hedaifa9/10/13

    ana dayman haka ndir lih hir tanfar9o 3la 2 otanfowro flkaskas matandirech mar9a

    ردحذف
  13. غير معرف9/10/13

    hhhhhh zuina tari9ata tayban ldid wakha tan3aif erass lakin ghadi njarbo w de7aktini akhti b ousloubk f tfssir allah i3tik sa7a

    ردحذف
  14. غير معرف10/10/13

    ghzal rabi ikhlik ghezal hadchi

    ردحذف
  15. tbarkellah 3lik ochokraaan bzaaaf 3la had tarika mzyana lia ana 3aycha f la france odima mehromin men had ras hit makanl9aw kindiro lih chokran bzaf okantmna diro lina tari9a d lgeddid hit hna l3id kayji lina fwa9t chta w lberd olah iwafa9kom

    ردحذف
  16. merci bcp 3la had tarika hit fsaraha hna li 3aychin f la france mhromin mn bhal had ch7iwat d l3id kna ras ghi kanlohoh hit ma3ndna kindiro lih nsawboh okantmna diro lina tarika d lgeddid hit hna kayji l3id fwa9t chta olberd omakayna chems et merci

    ردحذف
  17. غير معرف12/10/13

    ana m9adra ta3abak akhti alah ya3tik asaha

    ردحذف
  18. غير معرف12/10/13

    tbarklh 3lik had chi rzal

    ردحذف
  19. غير معرف14/10/13

    شكرا بزاف على هاد تمارة اللي ضربتي معانا الله يجازيك.انا تنعطي للراجلي كيشوطو في الزنقة ب 10 دراهم و من بعد كنغسلو مزيان و تنبخرو كيجي زوين

    ردحذف
  20. تبارك الله عليك أختي بسمة

    ردحذف
  21. غير معرف3/6/14

    SARAHA CHOKRAN DAHKTINI RA W3NDK LKHATRKI FRIJA

    ردحذف
  22. غير معرف12/7/14

    ما شاء الله عليك و سخسختيه مسكين الله يسمح ليك منو تشوفك بريجيت بارذو تدعيك

    ردحذف
  23. غير معرف29/9/14

    الله يعطيك الصحة

    ردحذف
  24. غير معرف29/9/14

    الله يعطيك الصحة هذا العيد غنطيب الراس نهار تا ني عيد

    ردحذف
  25. غير معرف2/10/14

    tbarklmlah 3lik wssafe mais ila bghit wman l27ssan anaki tna9ssi 3lik nasss tamara lhmdollah daba wlaw drary fzn9a kaychwiw lik raaas ùnha ytrz9o wmnha thnaaay mali tjibi ghssssalih wkamli tari9tak

    ردحذف
  26. تبارك الله عليك زعمة الله يخلي ليك صحيحتك

    ردحذف
  27. غير معرف13/10/14

    الله يعطيك الصحة شحال زوين خاصة الضحيكة ديالو.

    ردحذف