طورطات و كيك

[طورطات و كيك][bsummary]

حلويات الصابلي

[حلويات الصابلي][twocolumns]

حلويات اللوز

[حلويات اللوز][bleft]

اروع ما في السلطات

[اروع ما في السلطات][bsummary]

العناية بالجسم والبشرة

[العناية بالبشرة و الجسم][bleft]

العناية بالشعر

[العناية بالشعر][bleft]

اسرار حلويات اللوز من مطبخ مريم الزهراء

السلام عليكم و رحمة الله و بركاته

موقع بسمة لكل ما يهم المرأة العربية يقدم اسرار حلويات اللوز من مطبخ مريم الزهراء


اسرار حلويات اللوز من مطبخ مريم الزهراء


عجين حلويات اللوز :
كل ما كانت رقيقة بزاف كلما كتبان وزينة وعاطيا منظر غزال اللي فيها ماتدلك دلك علا قلبها واللي عندها الماكينة أيكون أحسن بالنسبة اللي غاتدلك بالمدلك ديما العجينة نعملوها بين زوج ميكات أو ورقات السولفريزي نحاولو ما أمكن مانوصلوش للدقيق باش ماتقصاحش معانا العجينة وتبقى طرية وأحسن حجا نستعملو هو النشا ملي كذلك نقطعو بالمريشمات تاهما ندوزاهم فيه باش يسهل علينا ومايلصقش معانا. 

عقدة اللوز:
وهي الأهم هي اللي كتخلي مذاق الحلوة عموما عندو مذاق رائع مثلا إلا كنا غادي نعملو من كيلو نتاع اللوز أشكال متعددة فيستحسن كل شكل نخصص ليه نكهة تميزو علا بقية الأشكال (روح اللوز،البنان،الڤاني،الفريز،البيستاش،قشور الليمون أو الحامض،،،،) المهم اللي متوفر ثانيا اللوز نفسخوه ونخليوه حتي ينشف من الماء كنخليه يوماين عاد نطحن وٍ حتى يلين ويولي غبرة المرة الأولى بوحدو والثانية مع السكر واللي بغات تزيد التالتة أيكون أحسن

بالنسبة ليا مثلا فهاد الحلويات استعملت 1/2 kg لوز وطحن تو مع 200g سنيدة رقيقة باش مايجي حلو والسر اللي تيخلي العقدة تجئ معلكة وبنينة هو نضيفو ملعقة كبيرة كونفتير مشماش مطحون لكل نص كغ لوز طبعا .


أما العجينة فكن عمل واحد الطريقة زوينة كندخل الزبدة الكونجيلاتور تجمد شوية ونكحها فالحكاكة د ماطيشة من بعد كنعبر قياس الفورص ونأمل معاه ديك الزبدة حتا تندمج معا الدقيق وناخدو غربال ولا صفاية عيونها كبار شوية ونغربلو داك الشي هاد الطريقة مزينة تتخلي العجينة لينة ورطبة حاجة أخرى كتعلق بماء الزهر نستعمل وٍ نوعية جيدة وايكون بارد باش نجمعو بيه العجينة والاهم من دالك منزربوش علا العجينة بالما حقاش رآه الزبدة كافية باش تجمعها غير ألما الزهر تيعطيها النسمة ويجمعها مزيان وندلكوها حتا تشد رأسها ونسد وٍ عليها فيكس بلاستيكي ورآها غاترطلب غير وحدها وتولي رطبة ولينة،

نخليوها ترتاح فالثلاجة شئ ساعة أو أكثر عاد نخدموها وأدبا غادي نحط المقادير اللي كنستعمل :

عجين حلوياتا للوز: 500g دقيق فورص +125g زبدة + 2 مع ك سكر گلاصي + شوية ملح + ماء الزهر لجمع العجين 

عقدة حلويات اللوز: 500g لوز ً+ 200g سنيدة وشوية المسكة الحرة مانكتروش منها باش متطلقش المر ديالها +50& 100 زبدة بحسب نوعية اللوز واش ميدم ولا ناشف أنا استعملت 90g + مع ك كونفتير مشمش مطحون ويكون ساىل



نجيو دأبا لشرح حلوة من ابسط ما يكون بحيت صورتها مع المراشم المستعملة فيها تعملي دائرة من العجين وتوضع فوقها أصبع من عقدة اللوز بعد مانكونو دهنا بأبيض البيض نجمعه الجوانب ونقطعو وريدات تاهما قبل مانوضعوهم نده نو بلاصتهم بأبيض البيض وهذا ماكان 



دأبا هاد الشكل سميتو الثويمة أنا كنس تعمل المرشم نتاعو اللي معندهاش تحاول تعمل دوك الشرطات غير بالسكين غير هو حاولو ما أمكن باش ايجيو مقادين هاد المرشم تنحدد بيه ومن بعد تنزيد نفلحهم المهم نعملو دائرة من العجين نضع كويرة من العقدة نجمعو الأطراف باش نديرو كرة هاداك الشي اللي جمعناه هو اللي أيكون التحت باش مايبانش التكماش من الفوق ورآه مصورة الطريقة بالتفصيل


دأبا نوري لكم هاد الكموصة فالصراحة يمكن لكن تعملو غير دائرة وحدة من العجين ولكن أنا بغيت نجرب. نعمل زوج عجبني منظرها هاكا تنقطعو زوج دوائر نلصقو بعضهم بالبيض. نححطو كويرة من العقدة ونجمعوها بحال الصرة وصافي مفهومة وهادي صورة تطبيقه


ساهلة تيخص غير المنقاش الصورة كتوضيح تنقطع دائرة من العجين نعمل وسطها كويرة من العقدة تدهن بأبيض البيض نلفوها بحال الكورة داك التكماش نعملوه التحت نبركو عليها شوية نقطع وريدات بالمرشم نلصقهم بالبيض وننقش بالمنقاش 


الحلوة الموالية هي القرن نفس الطريقة المتبعة تنشملو العقدة بهاد الشكل باش تولي معانا كي القرن ونجمعو ليها الأطراف ونقادوها مزيان ونلصقو فيها وريدات ملي طيب نغطسو رأسها فالشكلاط أو العسل أو النباج الحاجة اللي تلصق لينا اللوز محمر وهدايا صورة الشكل



نمرو دأبا للشكل الموالي من أسهل ما يكون تنعمللو قضيب من عقدة اللوز نكونو مسرحين العجينة ندهنوها بالبيض ونلفو عليها القضيب ونبدأ نقطعو فيها علا داك الشكل المبين فالصورة ونلصقو لوريدات


هادي تتسما حلوة العرايش تاهيا منظرها زوين صورتها بالتفصيل الممل والطريقة باينة
تعملوا زوج دوائر وحدة أكبر من الأخري وتلصق بالبيض نحذو العقدة علا شكل حرفY نجمعو غير العجينة من الوسط ونوضعو وريدات بعد مانكونو لصقناهم بالبيض



دأبا شكل حلوة الياسمينة. فالحقيقة تايلزمو المرشم ديالو ولكن اللي بغات تعمل الشكل تنقل عليه فالورق المقوى البلاستيكي ايجيها مزيان غير هو ماغايكونش مسربي بحال المرشم على أي شوفو الصور






وهكذا نكون كملت معاكم جميع الأشكال اللي فلبلاطو نتمنى يعجبكم هاد الشي اللي قدمت لكم 
لازم هاد الحلوة تبقي ليلة كاملة عاد نطيبوها مانخليوهاش تحمر غير تشد فراسها وصافي هادي اول مرة استغنيت عن الألوان الاصطناعية وقضيت غير بغبرة الكاكاو فالصراحة عجبتني وغانبقا هي اللي ندير إلا بغيتو تعملوها بحالي نعطيكم الطريقة
ملي خلطت جميع المقادير النشفة مع الزبدة وترمل الدقيق ودخل من الزبدة نقصت حولي ثلث الخليط وضفت عليه شئ زوج معالق كاكاو مر نوع جيد وبقيت نضيف الماء الزهر حتا جمعت العجين



هناك 45 تعليقًا:

  1. غير معرف4/11/13

    salam khti meryem bkol saraha chapeau pour toi ollah odehti kolchi bdi9a osalasa obasata makhliti li mangol awal ohda 3jbatni fcherh dyalha rebi ihfdek lina jtm

    ردحذف
  2. غير معرف4/11/13

    لا يسعني الا ان اقول جزاك الله خيرا الله يعطيك الصحة على التبسيط

    ردحذف
  3. غير معرف4/11/13

    TBARKLAH 3LIK O CHOKRAN

    ردحذف
  4. غير معرف4/11/13

    lah i3tik saha , al3jina lakhra darti liha chaklt rabra ola almolawin

    ردحذف
  5. غير معرف4/11/13

    Kathma9 allah ya3tikom saha

    ردحذف
  6. mashalah 3lik lah ya3tik saha hadchi kayhamk tbarklah radi nchri lmarachm wnhawl ntabk had lhliwat

    ردحذف
  7. غير معرف5/11/13

    lah ye3tik sehha hal momkin lmazid men achekal

    ردحذف
  8. غير معرف5/11/13

    achkal ra2i3a tastahi9o lmadh baraka llaho fiki 3ala tawdih

    ردحذف
  9. غير معرف5/11/13

    Merci c tres joli

    ردحذف
  10. ماشاءالله عليك اختي وجزاك الله خيرا على التوضيح

    ردحذف
  11. غير معرف6/11/13

    شكرا بزاف زوينين و طريقة مشروحة جزاك الله الله الف خير

    ردحذف
  12. غير معرف6/11/13

    achkal rai3a tbarak lah 3lik rak fanana

    ردحذف
  13. غير معرف6/11/13

    hadchi zwin bzaf walakalin akher chkal mafhatch kifach tsayb ila kan momkin chi wa7da tchra7lya pllllllllllllllllllllz

    ردحذف
  14. غير معرف7/11/13

    chofi rwisat dyal l3jina tlaskihom flkora dyal l3akda wdak 2 jnibat li kaybkaw tkalbihom wtlaskihom m3a ba3dhom whakda tstamri m3a koul tarf dyal l3jina hta tchakl lik lwarda raha sahla hta ana jarbtha awl mara wraha sdkatli

    ردحذف
  15. غير معرف9/11/13

    salam ya3tikom saha

    ردحذف
  16. غير معرف9/11/13

    Merci okhti 3la koulchi et bravo 3lik wi3tik shihtk

    ردحذف
  17. غير معرف11/11/13

    hadchi rzaal tbarklah 3lik

    ردحذف
  18. غير معرف4/12/13

    had chi zwin bzaf alah y3tik saha

    ردحذف
  19. غير معرف13/12/13

    mashaallah tbarklah 3lik o allah ijazik bel kheir ya rab

    ردحذف
  20. غير معرف13/12/13

    des gâteaux algériens 100%, c'est du copie-coller

    ردحذف
  21. sa ces belle et merci

    ردحذف
  22. غير معرف19/12/13

    sa ces belle et merci

    ردحذف
  23. غير معرف19/12/13

    cette etonnante et merveilleux desserts

    ردحذف
  24. غير معرف22/12/13

    tebarekeleah "3LIKE WE REBI LI YEJAZIKE MEN 3ANEDOU 3ELA AYE HAJA 3ELAMETIHA LINA BE3EDA GHIRE NECHEGHELOU NEFOUSENA

    ردحذف
  25. غير معرف28/12/13

    تبارك الله عليكم

    ردحذف
  26. ما شاء الله رائعة سلمت يمناك اختي مريم

    ردحذف
  27. غير معرف5/1/14

    *
    بغيتك غير تسمحيلي الغلطة مني، و عليها راني ندمان, و إلى كنتي تبغيني عليا حنّي، نعوض ليك ڭاع اللي كان / بغيتك غير تفهميني ڭاع ما فهميتني, بغيتك غير تعذريني ڭاع ما عذرتيني / مرة عليك مرة عليا تعاديني و ما تكلمني يزيد عذابي، الدنيا تظلم عليا, تدير كأن لا تعرفني تبدّل حالي، و هي ما حاسة بيا / بغيتك غير تفهميني ڭاع ما فهميتني, بغيتك غير تعذريني ڭاع ما عذرتيني, مرة عليك مرة عليا / كنتي تقولي نموت عليك و إنت العمر، تقولي عندك غير أنا ما تلقاي كيفي يبغيك و ديما يصبر، و علاش ولّي غضبانة

    ردحذف
  28. غير معرف5/1/14

    *
    بغيتك غير تسمحيلي الغلطة مني، و عليها راني ندمان, و إلى كنتي تبغيني عليا حنّي، نعوض ليك ڭاع اللي كان / بغيتك غير تفهميني ڭاع ما فهميتني, بغيتك غير تعذريني ڭاع ما عذرتيني / مرة عليك مرة عليا تعاديني و ما تكلمني يزيد عذابي، الدنيا تظلم عليا, تدير كأن لا تعرفني تبدّل حالي، و هي ما حاسة بيا / بغيتك غير تفهميني ڭاع ما فهميتني, بغيتك غير تعذريني ڭاع ما عذرتيني, مرة عليك مرة عليا / كنتي تقولي نموت عليك و إنت العمر، تقولي عندك غير أنا ما تلقاي كيفي يبغيك و ديما يصبر، و علاش ولّي غضبانة

    ردحذف
  29. hind tadla9/1/14

    makhaliti lina mangolo siwa allah yi3tiiiiiiiiiiiik asaha 3la chhiwa o3la basatat atakdim

    ردحذف
  30. غير معرف13/1/14

    شكرا بزاف على هده الحلويات الرائعة
    الى جات على خاطرك عندي سؤال
    واش لعجينة الي لونها مارو واش هدا شكلاط او ملون غدائي ؟والله يجازيك ألف خير ويجعلك من أهل الجنة

    ردحذف
  31. slm lah ya3tik sa7a b4it 4ir nsawlak banasba liya ana b4it nzid nokha ch7al nzid ta9riban bachn tjini hiya hadik

    ردحذف
  32. غير معرف1/2/14

    llah i3tik saha merci hit charktina hadchi kolo

    ردحذف
  33. غير معرف8/2/14

    ana basma kay3jabni bzaf had lmaw9i3

    ردحذف
  34. غير معرف20/2/14

    سلام معرفتش علاش العجين من كنبغي نقشها بالمنقاش كتقطع عفاك جابني اختي

    ردحذف
  35. غير معرف20/2/14

    سلام مني كندير لكعاب كتقطع ليا العجينة من كنقش بالمنقاش

    ردحذف
  36. غير معرف20/2/14

    شكرا بزاف على شرحك المبسط انا كتقطع ليا لعجين مني كنقشها بالمنقاش عفاك لما قوليلي السباب اختي مريم

    ردحذف
  37. غير معرف3/3/14

    شكرا بزاف على الوصفة جربتها وجات زوييييينة بارك الله فيك

    ردحذف
  38. غير معرف11/4/14

    chokran arla nasiha

    ردحذف
  39. غير معرف15/5/14

    الله يجازيك بألف خير على هذه النصائح المفيدة كفيتي ووفيتي

    ردحذف
  40. تبارك الله عليك اختي الله يسلم ايديك ويعطيك الصحة , مرة مرة برعينا بشي جاجة جديدة فحال هذا الوصفات

    ردحذف
  41. الله يعطيك الصحة تبارك الله عليك بلاطو من ديك شي الرفيع الحداكة كاينة الله يسترك

    ردحذف
  42. غير معرف22/7/14

    Salam khti Meriem allah ya3tik saha makhaliti lui mangol tbarkallah 3lik almazid man al3ataa

    ردحذف
  43. غير معرف14/8/14

    bravo 3lik khti si c possible wrina hta lka3ba

    ردحذف
  44. غير معرف14/11/14

    llah yrhm lik al walidin akhti w llah isahal 3lik w lah la ykhtina nas bhalk llllllllllah irham lik walidik f had nhar akhti lllllllllllllah irham lik walidik w 2isahal 3lik choookran bzaaaaaaaaaf bzaaaaaaf bzaaaaaaf llah yrhm walidik

    ردحذف
  45. غير معرف20/11/14

    Salam aikoum choukran ala charh lmoubasat radi njarabha ou natmana tasdak lia bon continuation

    ردحذف