طورطات و كيك

[طورطات و كيك][bsummary]

حلويات الصابلي

[حلويات الصابلي][twocolumns]

حلويات اللوز

[حلويات اللوز][bleft]

اروع ما في السلطات

[اروع ما في السلطات][bsummary]

العناية بالجسم والبشرة

[العناية بالبشرة و الجسم][bleft]

العناية بالشعر

[العناية بالشعر][bleft]

فطائر مغربية بالصور

السلام عليكم و رحمة الله و بركاته

موقع بسمة لكل ما يهم المرأة المغربية يقدم فطائر مغربية بالصور
فطائر مغربية بالصور

مقادير و طريقة تحضير فطائر مغربية بالصور
للاخت امة الله بديعة جزاها الله عنا كل خير



حشوة فطائر مغربية : الاولى بالكفتة

الكفتة البقر (ولكن حتى ديال الديك الرومي كتجي زوينة شحال من مرة عملتها بيه كتعطي نفس النتيجة)
البصلة مشلضة على حساب الكمية اللي عندك ديال الكفتة
ملح واخا ماكيناش في الصورة
البزار 
سكنجبير
الخرقوم البلدي
القرفة بزياد شوية
شوية السنيدة
الزيت البلدية والى بغتي تزيدي شوية من زيت المائدة 
شوية الكوزة للامانة انا ماستعملتهاش كنبغي نتفدى الشبهات 

طريقة تحضير حشوة فطائر مغربية : الاولى بالكفتة
في مقلاة على نار نضف الزيت مع البصل والتوابل ونترك الكل يتشحر
ملي تدبال البصلة نضيف ليها الكفتة ونحركها حتى تتفتت وطيب
ملي تقرب طيب نضيف ليها شوية السنيدة ونحركها مدة دقيقة نزولها من فوق النار

حشوة فطائر مغربية : الثانية بالبصل و اللوز و البيض
2 بصلات متوسطين مشلضين
50 غ بودرة اللوز
2 بيضات
ملح
سكنجبير 
قرفة
زيت الزيتون
رقائق اللوز للتزين 

طريقة تحضير حشوة فطائر مغربية : الثانية بالبصل و اللوز و البيض

في نفس المقلاة نعمل البصل مع الملح والزيت ونخلي البصلة حتى تتشحر مزيااااااااان 
ملي طيح البصل وتقرب الطيب نضيف السكنجبير والقرفة ونحرك شوية
ثم نضيف البيض ونحرك بالزربة

ملي نحرك البيض ويقرب يطيب نزولو من فوق النار ونضيف ليه اللوز بودرة

وهاهوما الحشوات وجدو 

نخليهم على جنب حتى نعجن عجينة الرغايف العادية غير هو مايكون فيها لا خميرة ولا اي شيء من غير الملح دقيق الفورص ودقيق القمح وتعجن بالماء دافي الى كان الجو بارد والماء البارد الى كان الجو سخون

كنورق العجين بشوية الزيت الزبدة وتكون كورة كبيرة باش بلاما نكثرو الخدمة ههههه ملي تورق مزيان نجيب قطاعة البيتزا ونحيد الجناب العوجين المهم نحصلو على مربع كبير بدورو نقطعوه الى مربعات صغيرة ونعمروها بحشوة البيض مع اللوز وهاكدا حتى نكملو


نفس الشيء مع السيكارات غير هو في بلاصت مانقطع العجين الى مربعات نقطعهم مستطيلات ونعمرهم


ملي نكمل ندهنهم بالبيض مطرب واللي عمرتهم باللوز والبيض نعمل فوقهم لوز ايفيلي


ندخلهم الفرن حتى يتحمرو وملي نخرجهم دوك اللي بالكفتة نزينهم بالسكر صقيل والقرفة وبالصحة والراحة




هناك 47 تعليقًا:

  1. غير معرف14/3/14

    salam lah ya3tik saha had chi zwin. om anass

    ردحذف
  2. غير معرف14/3/14

    Tbarkllah alik

    ردحذف
  3. ام بديعة14/3/14

    ماشا الله عليك فكرة رايعة هدي يا بديعة الله يرزقكم جنة الفردوس يا الموقيمين علي الموقع الجميل ........ ام بديعة

    ردحذف
  4. غير معرف14/3/14

    tebarkelah 3elik jak rezal om ramzi

    ردحذف
  5. غير معرف14/3/14

    Ghadi njarb had fataer lah ytek saha

    ردحذف
  6. غير معرف14/3/14

    rzalin tbarklah 3lik radi njarabhom

    ردحذف
  7. غير معرف14/3/14

    Tbark ellah kayshahiw

    ردحذف
  8. غير معرف15/3/14

    tbarkllah 3lik kaychahiw bzaf tari9a sahla wlmndar zwin bsaf tbarkllah 3la afkar dyalkom llah yhfdkom

    ردحذف
  9. غير معرف15/3/14

    lai3tik'saha

    ردحذف
  10. غير معرف15/3/14

    lai3tik'saha'ana'giadida'flmw9i3'wa3cha9'tabkh''lo5t'nadia'mn''italia

    ردحذف
  11. غير معرف15/3/14

    لبنات عفاكم ساعدوني مشيت لصالون باش ندير بدكير درتو وهداك ضفر لكيكون دخل في اللحم حيدتو ليا وعدبتني فيه ودابا كيدرني بزاف وتنفخ ليا شوية مكنقدش نلبس صباط الله يخاليكم اللي كتعرف شي حاجة تقولها ليا ام فهد من السعودية

    ردحذف
  12. غير معرف15/3/14

    Zwinin tbrkalah 3lik dairin bhal lbraiwat in cha allah njarbha (om anas(

    ردحذف
  13. غير معرف15/3/14

    ana maarfa wlo ala dakchi li waka lik ldfr ghangolk llah ichafik omaykon andk bas

    ردحذف
  14. غير معرف15/3/14

    ila oum fahed diri lsebe3ek l7ena bichifaa

    ردحذف
  15. غير معرف16/3/14

    شكرا اختي بزاف ضفر ديال صبع لكبير هو اللي كيضرني معرفتش شنو ندير ليه مشيت لطبيب وعطاني دوا ومفاتنيش قلت نسول لبنات لا تكون شي حيلة مغربية ههههه

    ردحذف
    الردود
    1. ختي الله يشافي .. كنظن هذا الي فيك بودحاس كنقولو ..كيتنفخ الصبع و كتنوض عليه السخانة و.كيقيح و كيبد يزدح بالحريق .. انا كنت كنعاني منو بزاف فصبعاان يدي .. تلاقيت واحد الاخت ريفية و عطاتني وصفة.كنرحمها عليها.. كتشدي صابون الكف وتقكعيه طريفات و تجيبي البصلة و تاهيا تقطعيها طريفات و دقيهم فالمهراز بجوج و تجيبي داك الخليط معلك و تسخنيه فوق البوطة فشي مقلة .. و ديره فوق صبعك غدي يضرك بزاف حيت سخون ولكن عنداكي تحرقي راسك مهم للسخونية الي تحمليها و لوي عليه شي شريوطة ولا فاصمة الي عندك و باتي بيه.. فالصباح غدي تلقاي صبعك خوا من داك القيح.. الا مخواش غي عاودي ديريه.. فاش يخوا غدي تبقا البلاصة محلولة ديري ليها شي دوا ديال الجرح و.من الافضل ديري ليها غبرة ديال الجرح.. الله يشافي كنتما نكون فدتك

      حذف
  16. غير معرف17/3/14

    Llah i3tik saha hadchi aktar min ra2i3

    ردحذف
  17. غير معرف17/3/14

    tbarkllah 3lik

    ردحذف
  18. غير معرف17/3/14

    tbarklah alike merci

    ردحذف
  19. غير معرف18/3/14

    سﻻم عليكم اختي لصبعها ضرها دهنيه زيت الزيتون الله اشفيك ياختي

    ردحذف
  20. غير معرف18/3/14

    ﺟﺎﻭ ﻭﺍﻋﺮﻳﻦ ﺍﻟﻠﻪ ﻳﻌﻄﻴﻚ ﺍﻟﺼﺤﺔ

    ردحذف
  21. غير معرف18/3/14

    شكرا اختي ربي يخاليك لبنات مكيناش شي وحدة ساكنة في الرياض الغربة قهرتني

    ردحذف
  22. غير معرف18/3/14

    Merci boucoup

    ردحذف
  23. غير معرف18/3/14

    امبن اختي الله احليك حتى انتي حتى انا في الغربة لكن انا في بلجيكا اما انتي ياختي في اطهر البقاع يا ليت لو كنت هناك في بﻻد الحرمين احنا هنا في بﻻد الله احفظ اختي اصافي ( ام فاطمة )

    ردحذف
  24. غير معرف19/3/14

    هههه ام فاطمة الحمد الله هنا مخاصنا والو درت عمرة شحال من مرة وكلشي مزيان الحمد الله ولكن القنط كنخروج ولكن فحلا مخرجتش ولكن الحمد الله على كل حال انا يالاه عام دابا باش تزوجت ومعنديش صحابات كنتما تكوني صحبتي ونتواصلو ديما ام فهد

    ردحذف
  25. غير معرف19/3/14

    الله يعطي الصحة لكل القائمات على تطوروتقدم هدا الموقع ام سعاد

    ردحذف
  26. غير معرف19/3/14

    جزاك الله خير يا بسمة اسم على مسمى

    ردحذف
  27. غير معرف20/3/14

    Lah y3tik sha hadchi ldid bzaf ou kichhi

    ردحذف
  28. غير معرف21/3/14

    tbarkalaah 3lik a hbiba hadchi 3andak sda3 o kayftah chahiya hhh....

    ردحذف
  29. غير معرف23/3/14

    lah i3tek saha ahbiba salimat yadok nchae lah radi njrbhom

    ردحذف
  30. غير معرف30/3/14

    أعجبني واتمني لك دوام ااصحة

    ردحذف
  31. غير معرف6/4/14

    tat3jbni lbstila tbarkllah3lik

    ردحذف
  32. غير معرف16/4/14

    Jarabthom b lfi3l ra2i3in

    ردحذف
  33. الغربة صعيبة فين ماكنت خصّ غير شوية د الصبر

    ردحذف
  34. غير معرف14/5/14

    Mmmmm allah ya3tik saha

    ردحذف
  35. غير معرف3/6/14

    3jboni bzaf wjrabtom jaw rzalin w3ajbo malin dar lah y3tik saha wykhalilak ma3az 3lik

    ردحذف
  36. غير معرف7/6/14

    ana 3jboni bzaf

    ردحذف
  37. غير معرف7/6/14

    salam akhawati le fe hgourba hata ana fe hgourba hgourba s3eba bzaffffffff ana ma3di la abi wla emi wal sadikat jarbt sadikat hgdroune lah samhlihoum dakch ana wahida 3ndi zawje talatatou awlad lakhlihoumlia hadakch dkhalt nt3arf 3lekoum wen koune bhal akhawat enchaelah yarab salam le jami3

    ردحذف
  38. غير معرف18/6/14

    يعطيك الصحة

    ردحذف
  39. غير معرف18/6/14

    8adi njarabhoum zwinin bzaf w sahlin
    inchalah 8adi ndirhoum framdan

    ردحذف
  40. الله يعطيك صحة زوينة بزاف

    ردحذف
  41. غير معرف3/7/14

    Salam okhti chokran 3la al wasfa ', lakin ana mli jarabtha majatnich ratba', jatni yabsa w m9arwcha ma3raft 3lach, lakin mada9 al hachwa zwin fidini fin momkin kayin al ghalat chokran

    ردحذف
    الردود
    1. غير معرف8/7/14

      السﻻم عليكم شكرا على هاد الموقع الرائع والي فعﻻ تنستافدو منو انا من الرياض وفعﻻ الغربة صعيبة وبزاف وتتقهر واخا عايشين مزيان هنا ولكن تيبقى البعد على اﻻهل واﻻحباب معانات لينا والله يصبرنا

      حذف
  42. غير معرف21/7/14

    chokeran 3ela alafkar

    ردحذف
  43. غير معرف24/7/14

    chokran

    ردحذف
  44. ام ايمن22/8/14

    انا متافقةمع الي كتعاني من للغربة انا في اسبانيا عندي 3اولاد ديما جالسة بوحدي كنبكي راني تقهرت

    ردحذف
  45. غير معرف31/1/15

    وفقك الله أختي أتبركله عليك جاو تايشاهو غيهوا انا عاندي فرن عادي نشعليه التحت هو الول ولى بزوج

    ردحذف