طورطات و كيك

[طورطات و كيك][bsummary]

حلويات الصابلي

[حلويات الصابلي][twocolumns]

حلويات اللوز

[حلويات اللوز][bleft]

اروع ما في السلطات

[اروع ما في السلطات][bsummary]

العناية بالجسم والبشرة

[العناية بالبشرة و الجسم][bleft]

العناية بالشعر

[العناية بالشعر][bleft]

كيكة بفلان الشكلاط و مسقية بالكراميل

السلام عليكم و رحمة الله و بركاته

موقع بسمة لكل ما يهم المرأة المغربية يقدم كيكة بفلان الشكلاط و مسقية بالكراميل

كيكة بفلان الشكلاط و مسقية بالكراميل



من الاخت فرح و مرح جزاها الله عنا كل خير
اهلا حبيباتي كيكة اليوم خاصها قصيدة باش نوصف لذتها كانت صاوباتها لينا ماما رقم 2 خديجة كانت عملاتها لينا في رمضان اوا ما نعاودش ليكم كي كاتحط كاطير لانها فعلا لا تقاوم البارح طاحت لي فبالي وعيطت خديت المقادير واليوم صبحت عليها وبغيت غا فوقاش نكمل وتوجد باش نتلذذ ههههه وراني تلذذت مزيان وطلعت فوق السحاب وهبطت نبارطاجي معاكم 

مقادير كيكة بفلان الشكلاط و مسقية بالكراميل 
4 بيضات
كاس سكر سنيدة
كاس ماعامرش زيت
دانون ڤاني
فلان شوكولا (79غرام)
معلقة كبيرة كاكاو
خميرة الحلوة (15غرام)
2 كيسان دقيق


كيف ماجرات العادة نطربو البيض والسنيدة هما الاولين 


من بعد نزيد دانون والزيت
وفلان شوكولا والكاكاو


وفي الاخير الخميرة د الحلوى والدقيق


وفي التالي نعملهم في المول والى الفرن لي مسخن على 200 درجة مدة نصف ساعة تقريبا



على مايطيب الكيك نوجد الكاراميل غانحتاج

كاس سنيدة
معلقة كبيرة زبدة
دانون ڤاني



كاندير الزبدة والسنيدة في كاسرونة ونديرهم فوق عافية مهيلة بلا مانحرك ماوالو راه الخليط بوحدو غا يتكاراميليزا


هاكيف ولا


نطفي عليه ونضيف ليه دانون ونحرك مزيا ا ا ا ا ان
هنا الكيك مني طاب


نحيدو من المول ونخوي فوقو الكاراميل كامل وخا يكون فائض ماشي مشكل لانه غايشرب


انا زدت حبيبات الشكلاط هادا كان اختياري لامابغيتوش خليوه غي بالكاراميل


يالاه لي بغات ذوق تهز صبعها هههه








هناك 6 تعليقات:

  1. اممممم كنحماق على كيكة بالشكلاط تبارك الله عليك

    ردحذف
  2. غير معرف17/5/14

    salam tbarkalah 3lik bayna rai3a

    ردحذف
  3. غير معرف22/5/14

    الكراميل جاني قاصح بزاف بحال لحجر

    ردحذف
  4. غير معرف12/6/14

    wach lkaramil kaywalli mli kaytib hakak 9ahwi wakha mafih la chokolat la walo ghi zebda osanida

    ردحذف
  5. غير معرف1/7/14

    Bayna katchhi nmchi db njrbha w nred 3likom lkhbar

    ردحذف
  6. غير معرف24/2/16

    Grazie

    ردحذف