طورطات و كيك

[طورطات و كيك][bsummary]

حلويات الصابلي

[حلويات الصابلي][twocolumns]

حلويات اللوز

[حلويات اللوز][bleft]

اروع ما في السلطات

[اروع ما في السلطات][bsummary]

العناية بالجسم والبشرة

[العناية بالبشرة و الجسم][bleft]

العناية بالشعر

[العناية بالشعر][bleft]

سفوف او سلو رمضان بطريقة ام اسامة و ايمان

السلام عليكم و رحمة الله و بركاته

موقع بسمة لكل ما يهم المرأة المغربية يقدم سفوف او سلو رمضان بطريقة ام اسامة و ايمان

سفوف او سلو رمضان بطريقة ام اسامة و ايمان

مقادير و طريقة تحضير سفوف او سلو رمضان بطريقة ام اسامة و ايمان


من الاخت ام اسامة و ايمان جزاها الله عنا كل خير
مقادير سفوف او سلو رمضان : 2 كيلو دقيق محمر ملي غربلتو زوج مرات عطاني 1 كيلو و 650 غ 

500 غ زبدة دايبة ومحيدة ليها الكشكوشة والحليب حتى هي عطاتني زلافة وخديت منها غير الزبدة لي صافية مزيان 

400 غ عسل مسخن باش يخفاف 

سكر كلاصي حسب الدوق + نصف م ص ملح + م ك قرفة + نصف م ص مسكة + 125 غ زريعة الكتان محمصة ومطحونة ومغربلة + 50 غ نافع محمص ومطحون ومغربل 

700 غ زنجلان محمص ومطحون + 300 غ زنجلان نخليه على جنب + 1 كليلو لوز مسلوق ومفسخ ومقلي كنحيد منو تقريبا 250 غ والباقي نطحنو النص خشين والنص مطحون مزيان 

الزيت لي نقلي فيه اللوز غادي نضيف منه القياس لي بغيت للسفوف 

طريقة سفوف او سلو رمضان : نسلق اللوز وكنقشرو بهاد الطريقة كتسهل عليا وسريعة 

كنعمل اللوز فصريرة ونبقى نعرك فيه بيدي ونحيد لي تقشرو ونكرر العملية حتى نساليه ونزلو على فوطة نقية باش ينشف مزيان 

كنقلي اللوز فزيت يكون سخون وغير نزلو فيه كننقص شوية من العافية باش يتكرمل مزيان 

في نفس الوقت عملت الزبدة تدوب على عافية مهيييلة وغير تدوب كنخليها تبرد على خاطرها ومنبعد نحيد ديك الكشكوشة وناخد غير الزبدة لي صافية مزيان 


فالوقت لي كانت الزبدة كتبرد حمصت 700 غ الزنجلان وزريعة الكتان والنافع وطحنتهم 

وطحنت اللوز كيف قلت النص خشين شوية والنص محطووووون مزيان


كنعمل الطحين في بانيو كبير باش ناخد راحتي فالتخلاط وميبقاش شي يهرق من هنا وشي من لهيه ههههههههه

ونضيف عليه كلشي إلا الزيت والزنجلان واللوز لي خليت صحيح 

وحيت البانيو كبير كنعمل الشغل د المعكازين هههههههه الزبدة والعسل كنعملهم حتى هما فوحد الجهة 

ونبدا نخلط النواشف وعاد نجمع لعندهم الزبدة والعسل 

منين كنكون كنخلط كنعمل الزنجلان لي احتفضت بيه يتحمص وكنضيفو وهو سخون للدقيق ونخلط مرة أخرى مزيااااان وندلك باش النكهات تنساجم مع بعضها 

وريحت الزنجلان سخون طالعة امممممم 

فالأخير كنبدا نضيف الزيت ونقيس من الحلاوة إدا لقيت باقي خصني يكون حلو نضيف السكر كلاصي وهاهو واجد 

هاد القياس عطاني 5 كيلو ديال السفوف + 50 غ 


إقتراح التقديم : كناخد الغطا دالطاجين ونغسلو ونشفو مزيااااان ونقلبو ونعمرو بالسفوف وانا كنضغط عليه حتى نعمرو كامل 

ونغطي بالطبسيل ونقلب ونزين باللوز والسكر كلاصي 

ممكن تحتافضو بيه بهاد الطريقة كتغطيه بفيلم أليمونطير وتغلف بورق الألمنيوم 

وملي تبغيه كتغرف منه القياس لي بغيتي وكيبقى شاد راسو بلا ما يطيح 


نتمنى ينال إعجابكم بالصحة والراحة 







هناك 32 تعليقًا:

  1. oum sofia29/5/14

    Lan i3tek sa7a ma chérie o3wachrek mabrouka inchalah

    ردحذف
  2. غير معرف29/5/14

    razal tbarklah 3lik chahitini ndiro

    ردحذف
  3. غير معرف29/5/14

    lahyhafdak oyakilak shtak had chi hail.andi wahd soal kidarti hamarti farina???

    ردحذف
  4. غير معرف29/5/14

    Hadouk lqchour dyal louz homa li fihom l lvitaminat ana kanhammer louz f lferran o kantahno b qchouro o hakda kanerbeh lwaqt o lvitaminat

    ردحذف
  5. غير معرف29/5/14

    تبارك الله عليك وعواشركم مبروكة

    ردحذف
  6. غير معرف29/5/14

    السﻻم عليكم تبارك الله عليك و على جميع الاخوات وخصوصا ل بسمة. مبروك عواشركم و الله ادخا عليكم سيدنا رمضان بصحة و الهناء وباش تمنيتو ,وخصوصا بمغفرة دنوب ان شاء الله .
    تبارك الله عليك باين هاد ياو بنين غاد نجربو merci
    ام اية de france

    ردحذف
  7. ام ملك30/5/14

    Zewine tebarkallahe 3ilkr

    ردحذف
  8. ام ملك30/5/14

    tebarekallahe 3like tachahi

    ردحذف
  9. غير معرف30/5/14

    السلام عليكم كنتمنا اخت بسمة ماتنسايناش فالموضوع ديال الالتحاق بالزوج نستافدوا جميع ولك جزيل الشكر

    ردحذف
  10. اطلسية وافتخر31/5/14

    عواشرك مبروكة سيدتي متمنياتي لك بالصحة والعافية
    سلو واعر اما المكب فتسلمي انت فعﻻ شاف تبارك الله عليك وعلى طريقتك الرائعة في الشرح واتساع الخاطر في التحميل
    وكنشكر الاخت على طريقة اللوز الي بقشور انا فعﻻ محتاجة هذه الطريقة لاني عندي مشكل في يدي منقدرش نفرك اللوز الله يرحم ليك الوالدين

    ردحذف
  11. غير معرف31/5/14

    layrham waldik akhti ,bghit nsouwlak ahbiba ,ana fima kanlka chi tarika dial salou kanlka koula kilou dkik ,fiha 2 kilou zrara3 onti darti ghi kilou ,wach kijik zwin ;3afak lama roudi 3lia hit ana dartou dak 3am okant awal marra okhsart fih flous ghi houkak ,omabghitch n3awad nafs ghalat,wafa

    ردحذف
  12. غير معرف1/6/14

    ما شاء الله كيشهي الله يعطيك الصحة

    ردحذف
  13. من فضلك واش الكوزة ماشي ضرورية

    ردحذف
  14. من فضلك واش الكوزة ماشي ضرورية

    ردحذف
  15. من فضلك واش الكوزة ماشي ضرورية

    ردحذف
  16. غير معرف3/6/14

    الله يعتيك الصحة وحفضك عبد اللطيف من كلميم

    ردحذف
  17. غير معرف5/6/14

    Tbarkellah 3lik a khti

    ردحذف
  18. غير معرف8/6/14

    تبارك لله عليك وشكرا على المجهود وعواشرك مبروكة

    ردحذف
  19. غير معرف8/6/14

    السلام عليكم ورحمة الله :
    تبارك الله على الاخوات الله يعطيكم الصحة
    عواشر مبارك تدخل عليكم باش ماتمنيتوا يااارب

    ردحذف
  20. غير معرف9/6/14

    yatik asaha

    ردحذف
  21. غير معرف9/6/14

    haja hyla

    ردحذف
  22. غير معرف10/6/14

    بسم الرحمان و حروف القراان اهنئكم كلكم يا اخوات بشهر المغفرة ( رمضان ) الله يعطيك الصحة غير من الصورة باين العربون باين لذيذذذ يا اخت ام اسامة الله ينورك

    ردحذف
  23. zohra12/6/14

    allah ye3tiksaha

    ردحذف
  24. غير معرف17/6/14

    merci

    ردحذف
  25. غير معرف18/6/14

    machalahe LIKE

    ردحذف
  26. غير معرف19/6/14

    Allah y 3tik saha.

    ردحذف
  27. هاجر27/6/14

    الله اعطيك الصحة انا هاجر

    ردحذف
  28. هاجر27/6/14

    الله اعطيك الصحة

    ردحذف
  29. هاجر27/6/14

    الله اعطيك الصحة انا هاجر

    ردحذف
  30. غير معرف30/6/14

    Ana jarebto jani ghzal chooookran likom 3la had lmaw9i3 

    ردحذف
  31. majache zwine jani khayeb mchi li kant kadirou mama lhbiba tyabek khayeb allala ghir kandhak m3ak ja zwine w wa3er lay khelilik had tyab zwine

    ردحذف
  32. غير معرف23/8/14

    خاصك ديري فيه كيلو دالسكر و10كيلو دالملحة االحمقة

    ردحذف