طورطات و كيك

[طورطات و كيك][bsummary]

حلويات الصابلي

[حلويات الصابلي][twocolumns]

حلويات اللوز

[حلويات اللوز][bleft]

اروع ما في السلطات

[اروع ما في السلطات][bsummary]

العناية بالجسم والبشرة

[العناية بالبشرة و الجسم][bleft]

العناية بالشعر

[العناية بالشعر][bleft]

تجمع الاخوات المطلقات الجزء الثالث

السلام عليكم و رحمة الله و بركاته

موقع بسمة لكل ما يهم المرأة المغربية يقدم تجمع الاخوات المطلقات الجزء الثالث

تجمع الاخوات المطلقات الجزء الثالث


ما جاء في الجزء الاول



ما جاء في الجزء الثاني
http://www.01basma.com/2014/02/blog-post_6675.html


و الان بإذن الله افتتاح الجزء الثالث




هناك 133 تعليقًا:

  1. غير معرف19/5/14

    السلام عليكم ورحمة الله وبركاته .اول حاجة شكرا للاخت بسمه على افتتاح الجزأ التالت .وكنتمنى من الاخوات كلهم يدخلوا بكتافة ونتبادلوا اراء بعضنا البعض وحتى تجارب بعضنا البعض ونخويوا قلوبنا على بعضياتنا علاش لا.ونناقشوا سلبيات وحتى ايجابيات الطلاق.وشكرا لادارة المنتدى وكنتسنى دخول البنات.ام البنوتة

    ردحذف
  2. غير معرف19/5/14

    wach makayna hta wahda mtl9a fyla kan hakda ferahtonè wolah

    ردحذف
  3. ام محمد رضا20/5/14

    سلام ام ندير كنضن مشكلتك فالمحامي ما قايمش بشغلو مزيان حينت الى كان محامي واعر وماكاين حتى خطا الامور كتتيسر سواء الاطراف تافقو اولا يكفي ان واحد من الطرفين قدم دعوة هاد الشي ابعدا لي حصل مع اختي بدلي المحامي وعاودي كتبي مقال جديد وسرعي بالاجراءات باش تستافدي الوليد ما بقا ليه والو ويدخل للمدرسة باش غتكوني معاه وزايدون هداك حقك وحق ولدك لاش تسمحي فيه او تتهاوني بالعكس باش تزيدي للقدام خاصكي تقادي امور النفقة وتطوي هاد الملف نهائيا باش نهار ارزقك الله بشي زوج تكوني مرتاحة وتريحيه ماشي تبغي تنساي وتعيشي ايامك ابقا بالك مشطون بالمحكمة ومالمصاريف الزايدة وراكي عارفة الولد ما بقا ليه والو ويدخل للمدرسة ويد وحدة ما كتصفق وعارفة بانك كتمناي تشوفيه في احسن حالة كجميع الامهات ياكي شديتي محامي مختص فالاسرة وكاع باش تتهناي سولي غير اي كاتب ضبط او عمومي يوريك اش تديري وينصحك بشي محامي كفء يا اختي سمحيلي راني انا حاسة بحال المطلقة تكفيها نضرة المجتمع وخا تكون شريفة حتى تعيا غير ديك مسكينة ومالكي تطلقتي او يا المطلقة كتدمر النفسية ديالها ادن راه ممكن اكون الجانب المادي ينفس شوي المهم الى عرفتيه عندو مناش اخلص ديري الاعياد والسكن والطبيب وكيجي التنفيد مزيان اما الى معندوش غيقولولو خلص او الحبس وانت اش غيفيدك حبسو المحامي داختي دار كل هاد الشي ولكن الطليق مخلاو ليه الكريديات ما يعطي بقى كيطلب ويزاوك وسمحات ليه من غير النفقة راه كيعطيها

    ردحذف
  4. om nadir25/5/14

    khwatati salam llah 3likom twahachtkom wakha eakom rbarto 3lina bzaf okht om mohamed reda raki katrabri 3lina wkantwahchok kanchakrak hit htammiti bmawdo3i wbassah 3andak lha9 fkolchi wrani hawalt ntfak mn lmohami wgoltlo i3tini lmilaf diali wtalabni na3tih 10000 dh 3ad itnazalli 3la lmilaf wchaft htta 3it wkhallitlo lmilaf ikamlo mais kitowal liya bzaf mafih maykhdam wlla mtafa9 m3a tali9i ana makanfhamch fl9anon wlli kansowlo kigolli hadchi machi 3adi w ana 3iiit wlkhadma makansalich bach no9af 3lia chorli biddiya mais amali fllah kbiir raki 3arfa akhti had zman ida ma3andakch lma3arif wlojoh olfloss maradich it9da lik ha9ak howa ha9ak wday3a fih iwa hamdollah 3la kolchi d3iw m3aya akhawati

    ردحذف
  5. om nadir25/5/14

    iwa alakhawat bano rah twahachtkooooom bzaaaaaaaaaaaaaaf

    ردحذف
  6. غير معرف3/6/14

    سلام عليكم أخواتي، أني مطلقة مدة سنتين عمري 50 سنة وعندي بنتين وحدة مزوجة والثانية في عمرها 18 سنة والنفقة مرة مرة تيعطيها بالبريد وما تيسولش في البنت اللي باقة كتقرا المهم أنا خدامة على قد الحال يالله تانكمل الشهر بالسيف وبعض المرات نضطر نتسلف صراحة تقهرت. تعرفت على واحد السيد وطلبني للزواج ولكن انا حايرة ما بين البنات والعائلة وهضرت الناس وما بين الزمان لي خاصني شي واحد ايعاوني عليه المهم راكم عارفين الوقت غلات وحرت. نتمنى تفيدوني شنو ندير.

    ردحذف
  7. غير معرف3/6/14

    السلام عليكم شوفي اختي الى كان هد الراجل مازيان وحسة بيه كيتحمل المسؤلية صلي صلاة الاستخارة واتوكلي اعلى الله والناس راه كما درتي راه كيهضرو إلا من رحم ربي وانتي خاصك تعرفي غير لراجل واش مزيان, والله اكمل ليك بالخير اختكي في الله نورة

    ردحذف
  8. الحائرة4/6/14

    عفاكم ألحببات عاونوني راني متأزمة بزاف بغيت نرفع دعوى التطليق للشقاق وما عرفت فين نتحرك:لي كتعرف شي محامي مزيان في كازا تعاوني الله يسهل عليكم

    ردحذف
  9. غير معرف4/6/14

    salam ou lbintayn . saraha ghir twekel 3la lah akhti wmatdihax f hadra d nas. ayi wahd fdonya kayhtaj n xrik lhayat ... wa lah ykeml 3lik blkhir. kantmna trod 3lina xi khbar mziwna. m3akom tanjawiya

    ردحذف
  10. ام محمد رضا5/6/14

    السلام عليكم ورحمة الله تعالى وبركاته عراشر مباركة الله يدخل عليكم شهر رمضان بالكثير من الخير والرزق تحية كبيرة لكل الاخوات بدون استثناء فين غبرتو يكما كتوجدو لسيدنا رمضان ههه الله يعاون كل وحدة ويكمل ليها مرادها اختي ام البنوتة ما بقيتيش بنتي اش من جديد عندك فالقضية ديالك

    ردحذف
    الردود
    1. ikram7/6/14

      Salam khti om mohamad rida tw7chtk bzaf nti wlakhwat ghbrt hit wldt o tlhit kidayra nti cv

      حذف
    2. ikram7/6/14

      Salam khti om mohamad rida tw7chtk bzaf nti wlakhwat ghbrt hit wldt o tlhit kidayra nti cv

      حذف
  11. ام محمد رضا5/6/14

    سلام الحائرة اولا يا اختي الله يفك ازمتك على خير وثانيا قبل ما تتلخدي قرار الطلاق استاخري الله حاولي ما تتسرعيش حينت الطلاق ماشي ساهل بالاخص مع الوليدات والى ما كنتي خدامة يعني مستقلة بحياتك شوفي ديري ورقة وستيلو وكتبي الايجابيات قبل السلبيات فزواجك وحاولي تبركي على نفسك وتصبري مثلا الى على الفقر او بعض الاخطاء الصغيرة ما عدا الى كان لراجل غير مسؤول بالمرة وكيضرب وكيهين ومامهلي فاولادو وانت قادة بتحمل مسوولية اولادك وعندك شخصية باش تتحاربي ايه الحرب مع نفسك يعني ميجيش واحد النهار وتقولي كنحس بالوحدة وووو وتتغلبي على كلام ونضرة المجتمع لي كلها اما شفقة او اهانة راه الناس والشارع مكيرحم الى حصنت نفسك يقولو مسكينة ما عندك زهر والى خرجت من الجنب يقولو يا لطيف بغات تاكل راسها وهو فكل الحالات خاصنا نرحمو ونقدرو ضعف وضروف كل واحد قاليك ما كاين لي كيهرب من دار العرس المهم مسطرة الشقاق ساهلة الى كنت بفمك وواعية ما كاين لاش للمحامي بالاخص الى تلاقيتي بشبي واحد عيان وياكلك من الفوق اما الى العكس سيري لاي كاتب ضبط وسوليه على محامي دالاسرة يكون واعر وهو بسهولة يدلك عليه اش نقوليك نكرر كلامي ونعاود التمسي الاعدار لراسك ولراجلك باش سفينتكم تمشي للقدام خاصة مع الابناء صلي ودعي والله المعين

    ردحذف
  12. ام محمد رضا5/6/14

    بالنسبة للسيدة لي عندها 50 عام يا اختي شوفي الى بناتك فصفك ومغيلوموكش وهاد السيد متاكدة منو ومن اخلاقو وكتعرفيه مزيان مثلا متحمل المسؤولية وغيعوضك على مافات وتعيشي معاه بقية العمر فالهناء والراحة ما يهمك المجتمع لي يهمك هو مصلحتك ومصلحة بناتك اما الباقي لا معنى له من الاعراب حينت بنادم والمجتمع عموما معمرك غتحصلي على رضاه يشد فيد يشد فيك سواء بالهضرة او النضرة اللهم ندير لي مسلكني طبعا باش نرضي راسي وربي استاخري الله عدة مرات وميكون الا الخير بادنه يقول تعالى ومن يتقي الله يجعل له مخرجا و نفتحو النيت قوس راني معولة نكتب فهاد الموضوع وهو المراة المطلقة او الارملة حشومة اننا نحكمو عليها بالوحدة تصور وحدة طلقات او ترملات مابين 20 و 40 ادن نحكمو عليها بالموت وهي حية بدعوة حرام وعيب وياويلي مالكي تتزوجي اش بغيتي من الزواج علاش الزواج ما عيب لي عيب هو الفساد يعني نبقى ندخل ونخرج سواء مع واحد او اكثر بلا قانون ونرتكب المعصية وماشي حشومة ملي كل الناس سادين عليهم بابهم وعايشين الالفة والمحبة مع رجالهم بصورة او باخرى والمطلقة لي باقة شابة تبقى بوحدها بالاخص فاش تكبر وتزوج الاولاد وكل واحد يتلهى حتى هو بدنيتو وهي مسكينة على من عارها راه اصعب احساس ممكن اعيشو الواحد هو الوحدة والغربة ماشي دالوطن ولكن دالنفس والاهل والاحباب اشد قساوة يا اخواتي راه نهار طرحات ام البنوتة هاد الاحساس بالوحدة عاد تمعنت فيه مزيان حينت لي عايش مرتاح وشبعان قليل فين يحس بلي مقهور وهاد القهرة راه ماشي دائما مادية داكشي علاش كنقول خاصنا نغيرو قناعاتنا احيانا ونلتامسو العدر للناس ياك والعياد بالله كاع لي انتحر اكيد كنلوموه وكنقولو مصيرو لجهنم ولكن راه مسكين الله لي عالم بيه وباحوالو وقس على دلك عدة امور

    ردحذف
  13. الحائرة5/6/14

    سلام؛ أختي لحبيبة أم محمد رضى شكراً على اهتمامك ونصائحك ؛الله يبارك لك فوليدك ويخليه لك ؛راني محتارة وتالفة بيا دنيا ؛أنا خدامة ولله الحمد قادة براسي عندي بنية عمرها 5 سنين وراني حاملة دبا.مشكلتي أنا وراجلي تنبغيو بعضنا بزاف وزاعمين على بعضنا بزاف .تنتخصمو على أتفه الأسباب ونتقاتل وشوية نرجعو كيف كنا وحسن.ولكن مؤخراً مبقتش قادرة نتحمل؛ولا تيضربني ونفسيتي مبقتش متحملة .وتيقول ليا سيري غضبي بحال كيف تيديرو لبنات.تنقول ليه يطلقني وكانترجاه والو.لمشكلة لكبيرة هي بنتي متتبغش تخرج معايا وخى نفكر نغضب.حيت تتموت على باباها.والله إلى عييت نفسياً وليت كنفكر غير فلفراق هو أنسب حل.يارب فرج همي و هم كل الأخوات

    ردحذف
  14. غير معرف5/6/14

    khti l 7a2ira sem3i lklam om mohamed rida hdertha s7i7a fekri f bentek 9bel matfekri frassek ofekri fdakchi lijay fkerchek, akhti sebri sebri sebri rah tla9 sahel ghi blfom. nti ma3endek hta mochkil hadi ghi ghema otzol surtt raki hamla. hta ana bach kont hamla makontch kanhmel rajli omakanhmelch hderto ghir igol hedra kanjawbo b 10.matakhdich wahed l9arar lighadi tnedmi 3lih hyatek kamla obnatek dima igolo lik nti sbab nti linasbertich, hsabek ghatkherji mn dar ghayteb3ek i9leb 3lik rah rjala lmgharba 3ndhom nefs hiya daraja lowla mwakha maybghich itel9 mrato mnin kaychofha kherjat mn dar kayched ded fiha okay3aned okay9sseh rasso. howa rah kaymchi idrebha btezwija olma lowla kaykheli liha lwlad owahed chwi dlmassarif okatbka wahla hyatha kamla mnha rajel mnha mra mahiltha lwladha mahiltha lhedra dnas mahiltha okatndem flekher katgol ana limasbertch bhal l3yalat. rajel kayt3eyeb ila makanch kaysref 3la daro ze9ram bzf ola tabe3 ghi l3yalat oma lmona9acha odrib rah rjalatna sab9inhom idihom. wala hawla wala 9owata illa billah, hawli tfaday lmachakil okheli imkanek 9wi blah dima selli odima d3i m3ah lah ihdih omadey3ich mosta9balek omesta9bel bntek omosta9bel dakchi lifkerchek. lahkach rajel mnin kaytele9 lmra okaytzewej katweli 3ndo hayat okhra owlad kherin makayb9a isewel flowlin ga3 mera mera , olewlad lowlin kayweliw bhal litama wakha bahom hey. hawlidehki m3ah olebilo talabat dyalo otfechechi 3lih raki hamla hadi hiya lwkita omatbkaych mghobcha omatbkaych chedliya n9te3 lik. hadi nasi7ti lik, walaho almo3in. mona usa

    ردحذف
  15. ام محمد رضا6/6/14

    سلام اختي الحائرة لي ننصحك بيه حاولي تتغلبي على مشاكلك والباب لي يجيك منو الريح سديه بحال مثلا علاش كيضربك مكنضن يدو خفيفة غير هكاك اكيد كاينة اسباب غير هو من الاول ما كانش لازم تزعميه عليك حينت لي ضرب مرة يضرب عدة مرات وكدلك الاهانة وكاع الاشياء لي تجيب ليك الخصومة حيديها مثلا عاونيه فالمصروف الى فيك شي عادة او سلبيات حاولي تتغلبي عليهم بحال مثلا النكير او الغيرة او تبقاي غير حاضياه فين ماشي ومالك ولاش وهكا الرجالة متيبغيو التحكار ومتيبغيو تبقاي تابعاه وتحزريه ندير قيمة لراسي ونتصرف على قدر المطلوب ما ندبرش راسي ما مسوقاش يعني منحس بيه وبضروفو واحوالو ومشاكلو وكدلك منلغيش شخصيتي ويكون همي هو نرضيه بكل الوسائل الزواج فيه حقوق وواجبات خاص الطرفين يلتزمو بهم ماشي يكون الثقل غير على واحد ولكن فالواقع ديما المراة هي لي هازة الصبروزايدون علاش تغضبي هاديك دارك شدي فيها بيدك واسنانك وقوليه انا مكبرت فبيئة ناسها كيغضبو ويخويو ديرورهم الى باغي اغضب انت وسير عند ماماك او بدل الجو مثلا بشي سفر حتى تتفش وتتوحشنا ورجع تلقاني كنتسناك يا الحمقة وسمحيلي عليها قالك الحلحالة غلبات السحارة دائما نكون دكية فتعاملي اما الى غضبت ومشيتي ومع الشيطان غيوسوس ليه تصدقي فشلا كلام اش نقول ليك بما انك خدامة وقادة براسك وبغيت ترتاحي من الهم مزيان ولكن ديري فبالك اولادك هانتي بنتك من دبا متعلقة بباها فما بالك الى تفرقات عليه غتدمر فنفسيتها وتتراجع فسلوكها وقرايتها وتبقاي انت دائما الملامة وفنفس الوقت هازة هم اكبر وشكون لي باقي اقدر اقرب اتزوج بامراة كلها مشاكل الا القليل لاش كتصدق اما كاع لي كنعرف كتبغي ترتاح من الراجل كتصدق فهموم اخرى اما الراجل عاد تهنى وغيجيب امراة اخر ى وما اكثرهم متسول كاع عليه الله يستر ياك غير خدام صافي ما شغلها فماضيه او اولادو السابقين يا اختي مع الاولاد صبري وزيدي فالصبر وحاولي تديري معاه واحد جلسة مصالحة تخويو قلوبكم على بعضكم وتبداو من جديد وتفكرو ايام الخطوبة والعسل وكل ما هو جميل ورسمو جميع حلول وافاق للمستقبل يا اختي ممكن اجيك كلامي فضفاض ولكن كنترجاك تحاولي تعملي بيه حينت الطلاق ما فيه خير والله كون ماعندك اولاد من الدقة والحين نقول ليك ياك خدامة اوا طلقي عليك المرض وتهلاي فراسك ولكن ب2 اولاد ومتعلقين بباباهم منصحك رجعي لله فهاد الايام المباركة صلي ودعي وقولي مع راسك زواج واحد هانا فيه لاش نيتم اولادي بالحياة وديري فبالك بلي مع هاد العام خاصني نتبدل ونعطي معنى لحياتي بعيد على الصداع والغم وصومي رمضان ايمانا واحتسابا والله مغديش يخيبك رجعي للاجزاء السابقة للطلاق وقسم التاويل والقسم الديني واش وجدتي لرمضان 2014 اكيد غتدعمي نفسك وتستافدي من كل الافكار وسمحيلي على الاطالة والله يصاوب ليك نتمنى نسمع عليك اخبار مفرحة بحق هدا اليوم الجمعة وهده الايام المباركة ياااا رب

    ردحذف
  16. غير معرف6/6/14

    السلام عليكم ورحمة الله وبركاته .الله يبارك فيك الحبيبة ام محمد رضى ويدخل عليك هاد شعبان بالصحة والعافية والرزق انشالله انتي وكل أمة محمد عليه الصلاة والسلام.والحبيبة ام ندير مبروك عواشرك اونتمنى نتواصلوا مع بعضناونخففوا هموم بعضناووبالنسبة لللسيدة اللي كتسأل على موضوع الزواج هانتي اختي سولي بناتك كيفما قالت لك ام محمد رضا وتبارك الله راهم بداو يكبروا يعني غيعطيوك رأيهم فموضوع الزواج.وحاولي تدرسي المسألة من جميع الجوانب والى كان هاد السبد مزوج او عندوا وليدات حاولي تسوليه واش هما موافقين باش متوقعيش فمشاكل من بعد.اوحتى يلا كان ارمل او مطلق حاولي تعرفي واش الابناء ديالوا موافقين على زواجه وواش غادي تسكني بوحدك او معاهم وفالاخيرغتوصلي بادن الله للقرار الصائب.والله يوفقك.ويالنسبة احبيبة للزواج فعلا ما عيب ما حرام غيرحنا كمطلقات خاصنا نفكروا بزاف لان معندناش مجال للخطأ مرة اخرى والله يصاوب للجميع.ام البنوتة

    ردحذف
  17. غير معرف6/6/14

    وبالنسبة ليا احبيبة ام محمد رضا قررت نتزوج بهداك السيد حيت فعلا كنخس براسي محتاجة لراجل فحياتي خصوصا انه هو ماش انسان كيقلب على المشاكل او شبخاكة وانما شخص هادئ بزاف وانشالله فرمضان قررت نعرض على عائلتي ونعرفهم عليه ونواجه ردة فعلهم كيفما كانت والله يدير اللي فيها تاويل ديال الخير.وشكرا ام محمد رضا اللي سولتي فيا احبيبة الله يخلي ليك وليدك وصحيحتك .او متغيبيش حاولي تبقاي ديما معانا راه فعلا كلامك تبارك الله موزون ومنطقي وكلنا كنستافدوا منوا.ام البنوتة

    ردحذف
  18. غير معرف6/6/14

    وبالنسبة للاخت تللي كتبات التعليق الاخير.انا بحالا فهمت شوية علاقتك مع راجلك نتوما زعمتوا على بعضكم بزاف لدرجة مبقاش نوعا ما حدود بيناتكم فوصلتوا للضرب والمشاكل لاتفه الاسباب .وهاد المشكل كيعانيوا منوا بزاف ديال المزوجين خصوصا اللي كيكونوا باقين صغار فالسن يعني فالعشرينات .وزيد على هادشي نتي حاملة دابا والحمل كيخلي لمرا معصبة بزاف.واللي بغيت نقوليك منهادشي احبيبة هو تصبري شوية راه غير مع الوقت انتي وزوجك غتوليوا هادئبن اكتر ومفاهمين اكتر وزيد على هادشي هو باين انسان مزيان لانه كون مكانش مزيان بنتوا كاعما غتعلق بيه بزاف لدرجة متبعيش تخرج معاك انتي للي ماماها وتخليه.داكشي علاش كنقوليك اختي صبري شوية وحاولي تجنبي اسباب المشاكل بيناتكم وحترميه باش يحتارمك وميقدرش يمد يدوا عليك .وانشالله غتعيشوا هانيين وسعداء.وهادي غير وجهة نظر اختي وتقبلي مروري.ام البنوتة

    ردحذف
  19. الحائرة7/6/14

    سلام حبيباتي.ربي يخليكم ويجازيكم بألف خير على نصائح لي حسيتها نابعة من القلب.ويحقق لكم كل ما تمنيتو.ختي أم محمد رضى كلامك كلو حكم.الله يخليك لرجلك ولوليداتك وسعدتهم بيك تمنيت لو كان عندي شي حد في عائلتي بحالك نفرغ عليه قلبي إلى عييت ويفيدني ونرتاح ليه كيف رتحيت لكلامك وشكراً على دعيوة زوينة راها وصلت تصالحنا البارح وتصفات لقلوب من جديد

    ردحذف
  20. الحائرة7/6/14

    شكراً بزاف أختي منى كلامك ريحني وكذلك أم البنوتة .راه عندك لحق تلقينا صغار شوية بنسبة لينا حيت كنا حضين غير لقراية حتى توظفنا وتلقينا صدفة وبحال إلى تقولي حلينا عيننا على بعضنا.كان عمري23.وهو 25.مشي لخصام عد دبا راه من نهار تلاقين وحنا بحال دراري صغار تخاصم صالح وخى منخليو منديرو.الله يفرجها وصافي.والله يكمل لكم بخير وشكراً على اهتمامكم بموضوعي أحبكم في الله جميعاً

    ردحذف
  21. الحائرة7/6/14

    ونسيت ما قلتش لكم راه 7 سنين دبا وحنا مزوجين ولحماق هو هو ههه .عواشركم مبروكة والله يصايب لكل وحدة

    ردحذف
  22. ام محمد رضا9/6/14

    سلام اكرام اتوحشك الخير اوا على سلامتك احبيبة ر اه فايت كتبت تعليق فقسم التاويل وقلت ليهم بما ان اكر ام غبر ات فجاة اكيد جابت ولي العهد ههه يتربى فعزكم انت وابوه ويكبر كيف تمنتيه وفي طاعة الله

    ردحذف
  23. ام محمد رضا9/6/14

    سلام الحائرة اولا بلاش عينا من الحيرة لقاي لقب اخر جميل بحال ام كدا وثانيا مبروك عليكم ملي درتو عقلكم ههه وتصافيتو ونعلتو الشيطان شوفي ديري فبالك دائما ديك العبارة دتجنبو اسباب الحريق ادن نطبقوها حتى فحياتنا الزوجية نتمنى اوصلك المعنى والمضمون والله يكملك بعقلك ويفكك على خير

    ردحذف
  24. ام محمد رضا9/6/14

    سلام ام البنوتة يا اختي توكلي على الله والله يسر ليك ما عندك مناش تخافي انت باغا الا الحلال والستر والرفيق فحياتك ومادام انت متاكدة من اخلاقو ودرستو بعضكم مزيان ادن اكيد مر يتو من مجموعة من الصعوبات وعرفتو بعضكم عن قر ب بلا نفاق غير وضعو النقط على الحر وف من دبا وما تحشميش ها لي عليا هالي عليك والحياة تعاون والحمد للله عندك الدار انت تكلفي بالتريتة وبنتك وهو بالمصروف وديما عاونيه وهزي بيه بلا متحسيه ولا متتنازلي كدلك بزاف يعني التصرف بدكاء لا افراط ولا تفريط وتبارك الله راه الصالير ديالو معقول وزايدون خاص غير القناعة وحسن التدبير رانا نتكيفو مع المبلغ وخى يكون قليل اما الى كان التبدير والواحد يتعلق فين يتفلق وخى يكون عندو مال قارون اصوت فيه والله يا اختي بزواجك من هاد السيد غتسافدي ويستافد انت تفاديتي الوحدة وتلقاي على من تحطي الراس وهو يحصن راسو ويدير مستقبل مع امراة كيبغيها والله يا اختي شحال من حاجة كنغفلو عليها واحينا بالصدفة كننتابهو ليها بلا تفاصيل وبدون دكر اسماء ههه واحد صاحب راجلي كنتعاملو معاه وعند وخوه كيعاونو فالمحل وغير مع راسي قلت شوف شحال زوين وصحيح ورياضي ومؤدب ولكن حينت ماشي موضف ومستقل براسو مازال مامزوج عندو ديك كدا وثلاثين ههه وملي ناقشت الفكرة مع راجلي قالي اوا شكون هادي لي موضفة وعندها الدار والطموبيل لي تقبل تتزوج براجل ما فراس مالو الا دراعو واخلاقو لي هاد الزمان مبقاو من الاولويات اول حاجة اش عندك ولكن دائما كاين استثناءات كيفما كاين حوتة خ نزات شواري يعني شحال من امراة خدات راجل على قد الحال وعطاتو كلشي وكحش ليها كلشي ههه بلا منشائمو استاخري الله وتوكلي عليه واكيد مغيخيبكش وتحياتي ايك

    ردحذف
  25. غير معرف10/6/14

    السلام عليكم الحبيبة ام محمد رضا.لهلا يخطيك علينا والله يكملك بعقلك اختي ويخلي ليك زوجك ووليداتك وصحيحتك.فعلا انا غنتوكل عالله ونتزوج بهاد السيد اوكيفما قلتي خاص غير شوية ديال التفاهم وحسن التدبير والانسان يقدر يتغلب على مصاعب الحياة وانشالله نقوليكم كيفاش كان رد فعل دارنا وشنوا كان موقغهم من هاد السيد ومن قرار الزواج ديالي.وبغيت نقوليك اختي ام محمد رضا راني قريت مواضيعك فتوجاد لرمضان وعجباتني بزاف وفعلا الانسان يفكر فالجانب الديني ويستغل هاد الشهر المبارك فكسب الاجر والتواب.وتبارك الله هداك القسم ديال رمضان 2014 زوين بزاف وراكي منورة فيه تبارك الله عليك احبيبة وعلى كل الاخوات.ام البنوتة.

    ردحذف
  26. غير معرف12/6/14

    khti om lbanouta ana dima kankra ta3ali9 dyalek, khti nti 3ndek bnita ohadik lbent li3ndek rah ma3endha ghi nti fekri mzyan 9bel matjibi liha chi wahed fblasset baha, khti ana 3arfa l ihsas dyalk o3arfa ana kol mra kaykhesha rajel fekri fbentek hiya lowla rah baka sghira o3emrek matgherek lmadahir. chofi chefti rjal rah fihom anwa3 orah kayen wahed no3 likaysayes okay3ref imetel okayt9en dawer kaybeyen rasso mzyan omn ghiro makayen hedo kaywsel ldakchi likaybghi yakategleb. machi hadchi kangolo 3la dak rajel me bghitek tkouni fay9a mateb3ich lmacha3ir ol ahassis teb3i 3a9lek otchawri m3a lifaytek ftejriba o3aref bzf osewli 3la dak rajel ochofi 3a2ilto kidayra 9bel matzewji. rah wa9ila faytlek tzewejti ochefti rjal kidayrin. ohedra khra akhti rah hta lflous kaydiro lmachakil rah 9lil li9ane3 bhad denya matgherekch lmadahir tebti ofekri b3e9lek nti khassek rajel liy7mik nti obntek machi rajel liy3ewel 3lik nti ot3awnih nti. ongolik hedra khera rah lmgharba machi kolchi 9lil likaybghi ytzewej bmra 3ndha drari ohada wa9i3 bla mankedbo 3la rasna. chofi 3a2iltek ach kaygolo chofi lwalida dyalek tchawri m3ara rah mok hadik baghiya lik ghi lkhir madam rah deja ma3jebhach rajlek lowel ohanti tfare9ti m3ah mat3awdich nafs lkhta2. osamhi liya ila dekhelt fmachakilek rah had lmaw9i3 dyal nassa2ih nassihti ila manf3atek maderek. 3la 9bel dik lbnita matzerbich omadey3ihach mn bin idik rah baka sghira omhtaja mha. okhtoki fi l islam

    ردحذف
  27. غير معرف12/6/14

    khti ana deja cheft wahed lokht mn 3a2ilti hiya kant khedama mzyan o9arya o3merha tzewjat oja khtebha wahed kan khedam ghi khedma 3adiya obaha mabghach owakha hakkak tzewjato o3achet m3ah ohowa kaymetel rajol salih lmota9i osla odin olehya dar 3la dherha machro3 owaled m3aha 2 dyal drari odima lmachakil 3ndha flkher jat ldarha ol9ato m3a mra khra fbitha ohsablek b9a fih lhal tal9at hiya wyah omadeklarat bih mawalo mcha drebha btezwija ogleb 3liha o3la wlado. chofi akhti rah kaynin bzf bhal had no3 kayban dreyef om2edeb omta9i lah omakayhezch l3in oymetel 3lik wlah olwkita liytmeken mn l omor takaytegleb kayrje3 bhal lef3a. akhti lah injik mn had no3. okhtok fi lah

    ردحذف
    الردود
    1. غير معرف14/6/14

      السلام عليكم اختي اللي كتبتي التعليق الاخير.اول حاجة شكرا بزاف على انك قريتي المشكل وعطيتيني من وقتك ورديتي عليا ونصحتيني وهدا ان دل على شيء انما يدل على اخلاقك الطيبة والخير للي كتبغي للناس.فعلا اختي انا تعلقت بهاد السيد وهادي تلات سنين وانا كنعرفوا وكيبان ليا انسان مزيان وتعرضت معاه لبزاف دالمواقف وكان انسان طيب وكيحترمني ولكن كيفما قلتي اختي ماشي كلشي الناس مزيانين وبنادم كيتبدل داكشي علاش انا بقيت هاد الفترة كلها كنتسنى وحرت فعلا من واحد الناحية كنقول نربي بنتي وصافي وكنخاف يوصل واحد الوقت نندم وتكون بنتي دارت حياتها ونبقى انا بوحدي بحال الى عمري ماكانوا عندي لولاد ومن ناحية اخرى كنخاف اني يوقعوا ليا مشاكل فالزواج وديك الساعه تواحد مغيرحمني.ولكن فنفس الوقت كنحس براسي متعلقة ببنتي بزاف وكنفكر نأمن ليها مستقبلها باللي قدرت عليه ولكن مكنتخيلش حياتي بلا هاد الشخص كنحس براسي مرا وانا معاه وبوجوده فحياتي كيولي عندي واحد التوازن نفسي وكنحس بالاستقرار.واختي تاواحد مينكر ان الامور المادية تاهيا كتدير المشاكل فاي علاقة وانا كنعترف باني ولو نتزوج بيه غنبقى متحملة الجزأ الاكبر من المسؤولية حيت هو خلاصه قليل بزاف .ولكن غنقوليك اختي واحد الحاجة راه منين تزادت هاد البنية وانا متحملة مسؤوليتها حتى قبل منطلق من باها.والله العظيم وبلاما بباها يطلب مني هادشي يمكن كاع معمرنا تكلمنا فموضوع شكون يصرف على البنت غير منين كنت حاملة بيها لقيت راسي تلقائيا كنشري ليها فالحوايج ونوجد ومنين تزادت نفس الشيء بقيت انا كنديها عند الطبيب وانا كنشريليها لحليب وانا كنشري ليها الحوايج واللعب ومنين طلقت انا للي مشيت للمدرسة وسجلتها وخلصت المصاريف وكلشي ومغنبالغش الى قلت ليك باباها ماعارفش اشمن مدرسة كتقرا وحتى فالحفلة ديال نهاية العام الدراسي كلشي لوليدات كيكونوا جايين امهاتهم واباءهم وهي كنمشي معاها بوحدي .ربما على هادشي انا مجانيش صعيب نتحمل مسؤوليتها لاني اصلا متحملاها قبل ما نطلق.زعما حتى مع طليقي كنت متحملة المسؤولية بزاف ماشي هادشي شيحاجة جديدة عليا .ولكن هاد السيد ربما للي شدني ليه انه العكس ديال طليقي تماما مكيبغيش المشاكل كيحترمتي كيسمع ليا هدرتي .وبالنسبة لماما يا اختي رافضة مسألة الزواج ديالي بشكل عام يعني لابهادا لابغيروا داكشي علاش مقدرتش نواجها ببساطة .وفعلا اختي كلامك صح خاصني ناخد وقتي ونفمر فالموضوع اكتر ياربي يدير ليا اللي فيها تاويل دالخير انا وجميع النساء.وشكرا احبيبة على وجهة نضرك اللي مبخلتيش عليا بيها.ونتمنى نبقاو على تواصل وحاولي تدخلي بشي اسم باش نتعرف عليك منين تكتبي.ام البنوتة

      حذف
  28. غير معرف14/6/14

    اختي وبالنسبة لمسألة اني نجيب ليها واحد فبلاست باباها.فخاصك تعرفي اني طلقت وهي عندها تلات سنوات وقبل منها عام كامل واحنا فالمحكمة.وانا فدارنا يعتي بنتي معاقلاش عليه اصلا منين كانت معاه فالدار منين بدات كتعرف وهي عارفاه غير كيحي مرة مرة يشوفها.اما الدار اللي كنا فيها وحياتنا معاه معقلاش عليها ابدا.وانا ماشي انانية لدرجة نجيب ليها راجل ونقوليها هدا باباك او فبلاست باباك .انا كنقوليها هدا غيكون الزوج ديالي وباباك غيبقى باباك وغتبقاي دايمن عندك نفس الاسم ديالوا واخا اشنوا يوقع .ام البنوتة.

    ردحذف
    الردود
    1. غير معرف17/6/14

      اختي ام البنوة الزواج راه من حقك والا نزوجتي وبتك مزال صغيرة ماشي بحال حتا تكبر وتعقدها قضية زواجك وانك ساينتي 3 سنين كنضن راها كافية انك تعرفي الواحد وتعرفي اخالقو خصوصا انك كتبتي انه وقف معاك ف بزاف الحوايج راه حاجة طبيعية انك تحسي بالتوازن في حياتك وانت دابا تعلقتي بيه توكلي علی الله وعيشي حياتك الله يكمل عليك
      بخير
      ليلی المانيا.

      حذف
  29. غير معرف18/6/14

    شكرا اخت ليلى على الرد ديالك.اختي عندك الصح هي حاليا متقبلة الموضوع بشكل عادي وبالعكس ربما متحمسة كتقولي غتولدي ليا اختي صغيرة نلعب معاها ومغنبقاش بوحدي ونديها معايا للمدرسة يعني واخدة المسأله من جهة مزيانة وانا ماشي خليتها هي ناقصها شيحاجة وكنت انانية ونضت نفكر فالزواج اختي راه الله شاهد عليا كنقريها فمدرسة مزيانة وكنلبسها مزيان وفالدار عندها غرفة خاصة ديالها ومازال كتفكر نوفر والى كتب الله نشريليها شي شقة غير كتأمين لمستقبلها وماشي كتقول هادشي باش نفتاخر على الناس حاشى لله انا عارفة كل واحد عندوا خيروا ولكن غير باش نعطيكن واحد الصورة على حياتي انا وياهاوحتى بالنسبة للأمور المعنوية راه انا مقربة منها بزاف وكنحاول نكون بحال صديقتها وكتسمع ليها وكتجي تعاود ليا يوميا كيفاش داز النهار فالمدرسة وكنسمع ليها وكدخل معايا لكوزينة ونخليها تعبر على اللي لداخل ديالها مع العلم انها كتعرف هاد السيد اللي بغيت نتزوجه وممشكلش ليها الموضوع شي عقدة والدليل ان مستواها الدراسي متوسط وقريب للمزيان وعندها عدد كبير ديال الصديقات وكلهم كيبغيوها يعني كون البنت كانت معقدة او معايشاش مرتاحة غادي تبان عليها .وشكرا مرة اخرى اخت ليلى على الرد ديالك.لهلا يخطيكم عليا لقيت عندكم صدر رحب وعطيتوني اراءكم ومبخلتوش عليا بيها.ام البنوتة.

    ردحذف
  30. غير معرف19/6/14

    khti om lbanouta nti 3ndek ahsen haja fhad denya lihiya dik lbnita lah ikheliha lik. nti m3eychaha mzyan omwefra liha kolchi madiyan wama3nawiyan. okathawli diriha bhal sahbtek okat3awed lik kolchi 3refti 3lach la7kach nti li3endha fhad deniya babaha smeh fiha ohiya 3arfa kolchi lahkach drari sghar kayhesso bkolchi, o surtt daba mnin katmchi lmedrassa okatchouf bnat shabatha kayjiw bawathom 3endhom awla kay3awdo liha 3la babawathom rah ghadi tgol 3lach fin baba ana mcha khelani makayjij 3ndi makaysewelch fiya mawalo, oraki 3arfa bli drari sghar kaybghiw i3icho m3a walidihom. akhti libghit ngolik bentek rak nti aghla chaye 3ndha fhad denya of le fond dyalha rah khayfa latkheliha hta nti chi nhar, wila tzewejti akhti raki ghatbkay m3a bntek fnefs dar walakin hiya ghadi thessek bditi katbe3di mnha hit ghayweli terkizek m3a rajelk okat3erfi rah ghadi tbghi tsafrim3ah bohdkom wakha ga3 matsafrich ghatbghi tkherji m3ah bohdkom ohowa kadalik oghatbghi tguelssi m3ah bohdkom fdar dc ghatweli tseftiha ldarkom mera mera. lmohim hiya ghadi tbda thes bik katbe3di mnha. akhti semhi liya 3la had lhedra likangolik nti mn he9ek tzewji ot3ichi hyatek walakin hta dik lbent mn he9ha anak trekzi m3aha bohdha ot3tiha kol hanan okol hob okol mawada life9datha mn jiht baha lah9ach bentek wakha makatgolikch rah 3arfa ohassa omabaghiyach 3lach babaha makayench m3aha. odak seyed ila kan baghik machi tame3 fik la7ekach akhti nti kifmakatgoli rak 3endek dar obagha tchri dar khera lbentek ye3ni lmostawa lmaddi dyalek mzyan olhamdolilah. kheti hadchi ikheli lwahed itme3 fik. ana om mouna mn amrika

    ردحذف
  31. غير معرف19/6/14

    osemhi liya mera taniya ila guelt lik hadak seyed tame3 fik la7kach lhayat hadi lwahed ikhaf 3la rasso oykhaf 3la wlado ozwaj rah mafihch ghi lhob hhhh rak tzewejti ochefti zwach imeken tni rajlek likonti m3ah machi chi rajel mezyan otkerfes 3lik likhelak tfar9i m3ah, warah makayna hta wehda mzewja fhad zman o3aycha bikhir osa3ida oferhana oma3endha hta mochkil, rah 7 yam dlbakor dghiya kadouz hhhh, ana benti katbka chi mrat kadir chi le3b ochi lsik fbaha hta katele3 lo dem okangol frassi hada ghi baha omma kon makanch baha kighaydir m3aha. akhti ana makankhel3ekch 9assamn bilah ila bentek libkat fiya okheft 3liha wakha makan3erfekch omakan3refhach odertha bhal benti ohtit rassi fblastek dakchi 3lach kangolik hadchi kon machi dik lbnita lah ikheliha lik siri derbiha b3erasiya otel3i fl3emariya omatsewki lhed. walakin fekri mzyan 9bel okangolik tchawri m3a lifaytek ftejriba li3aref chno kayen odewez lhayat. om mouna mn amrika

    ردحذف
  32. غير معرف19/6/14

    obensba lmamak ga3 matgouli mama rah matbghi lahada lawahdakhor bl3eks 9elb l om 3emro makaykhib ila galik bak ola mmok hadchi likadirimachi mzyan 3erfi rah machi ghi nad ogalha raki om okat3erfi, obnesba ldak seyed libaghik khelih it9ereb mn 3a2iltek omn mamak omn khotek okhelihom i3erfoh wit9erbo meno oyhekmo 3lih ila kan insan sadi9 nefsso tayba rah ghadi tban wila kan wossoli rah ghadi tban. oselli selli otelbi lah ila kan fih lkhir lah ijibo lik wila fih cher lah ibe3do 3lik. olah isehel 3lik akhti wijib lik weld nas liythela fik nti o bentek omaykhessek m3ah hta khir wi3ewdek 3la dok lyamat lideye3ti m3a dak rajel limayswach lisameh fbento.om mouna mn amrika

    ردحذف
  33. غير معرف19/6/14

    om lbanouta ana om mouna ana likont ktebt lik 2 ta3ali9 b ism okhtoki fi lah o okhtoki fi l islam. akhti hada tafkiri ohadi wijhat nadar dyali ana kangolik ghi lihassa bih on9der nkoun ghalta, onti laki wasi3 nadar.

    ردحذف
  34. غير معرف22/6/14

    السلام عليكم ورحمة الله. اختي انا متقبلة هدرتك ووجهة نضرك انا ماحطيت موضوعي هنا الاباغا ناخد باراء الناس اللي غيجاوبوني.وبالنسبة لمسألة الطمع هو فعلا غيجلس معايا فداري ولكن مسأبة ياخد من عندي فلوس او يدير من مورايا شيحاجة مكايناش.
    حيت اختي انا اموري المادية مزيانة الحمد لله ولكن راه غير من الخدمة .يعني ماشي عندي شي ورت اولا شيملاكات ممكن نكتب هم ليه هو عارف ان الدارباقا غير كريدي .وفعلا انا كنفكر نشري لبنتي شيدار تلة سهل الله وكنوفر ايها واحد الطريغ دالفلوس من مانضتي قبا ما نطلق كاع وكلت الى جاتني شي ترقية نزيدها علة اللي كنوفر ونشريليها دار غير كضمان للمستقبلها وصافي وبالنسبة لمسألة اني نتزوج بيه وتتغير معاملتي لبنتي او نبدا نحطها عند ماما اختي المسألة غير واردة انا اصلا معمري عولت على شيحد فعائلتي بشدها ليا حتى متين كانت صغيرة قبا ما دخل للمدرسة والواليدة ديالي كتقول اللي ولد شي يربيه ههه يعني مكاتشد لا بنتي لا ولاد خواتاتي مهنية راسها من هاد الناحية.
    وكيفما سبق ليا قلت الأب ديالها مكيجيش تيشوفها وعايش حياتوا .وانا اختي مخايفتش من دابا بالعكس انا حاليا كتنشي للخدمة وكنشوف الناس ونهدر معاهم يعني نهار كلوا كندوزوا مشغولة بالخدمة وبالزملاء ديالي انا خايفة من بعد البنت تكبر وباها اكيد غيتزوج هادشي الى مكانش مزوج اصلا وعيولد ولادوا وانا نبقى بوحدي او نولي ندور فديور خوتي ونغرض راسي عليهم غسر بتش منبقاش بوحدي.انا غنعاود ليك قصة ديال واحد السيدة من العائلة هادي شفتها بعيني ماشي عاودولي عليها. هاد السيدة كانت خدامة معلمة ومزوجة وعندها بنية وعايشة هي وراجلها وبنتها .وقع مشكل بينها وبينه طلقات منه ورجعات لدارهم .بقات مقابلة بنتها وقراتها وكتعرف غير الخدمة وبنتها.وفعلا كبرات هاديك البنت وتخرجات مهندس دولة تبارك الله وطبعا راجلها كان تزوج مكاملش عام مورا الطلاق وولد تلاتة دالبنان وولد. بنتها هي ولات كتمشي لعند باها مع العلم مكانش كيصرف عليها او كيشوفها ومشات تالخدمة فين خدام وهدرات معاه وداها عرفها على مراتوا وولادوا وتصاحبات مع بناته اللي هما خواتاتها وولات مكتحلى ليها الجلسة غير عندهم ووصلات لدرجة منين بغاو شيناس يخطبوها قالت لمها غنديهم لدار بابا باش ميسحابشليهم ما عندي حد ومشات دارت الخطبة عند باها.وهاديك الام مسكينة ولات تاهيا كتمشي لعندعم عير على قبل بنتها بقوة ماكتبغيها ما بغاتش تخسرها وتحرمها من باها وولات غادة جاية لعندهم من بعد داكشي اللي دار فيها .اختي السيد جالس هو ومراتوا وولادوا وهي اشنوا محلها من الاعراب.وولات كتقول ندمت اللي متزوجتش وانا صغيرة كون كاعما يطرتليا هاكا.راه اختي هادشي اللي خايفة منه انا يدوز الوقت وتكبر بنتي ونلقى راسي خديت اكبر مقلب فحياتي باسم التضحية على قبل بنتي مع انه ممكن نتزوج وغادي تبقى معايا وتكبر انشالله وتاحاجة متغير..
    اختي هاد السيد فعلا المدخول فعلا كاين فرق بيني وبينوا فالدخل المادي ولكن كنشوفوا انسان محتا م راسوا ومحتارمني وبنتي كيتعامل معاها بطريقة مزيانة داكشي اللي شجعني.وشكرا على التعليق ديالك وشكرا لاي اخت عطات من وقتها وشاركات برأيها فموضوعي.ام البنوتة

    ردحذف
  35. غير معرف22/6/14

    salam 3likom labas 3likom ramdankom mabrouk . karima 22 ans de marrakéch mochkilti mzawja w mtal9a tzwejt fach kant 3endi 17 w tle9t 3la 19 ans ye3ni f 2010 . 3avakom ila konto t9ado tfidoni ghir bach nsaa rah mazal mansitch wel mochkil li 2ter 3liya ana bzafff hwa tle9nii btari9a syasya w tfla 3liya w mansm7loch la denya la 2akhiraa . db 5 ans bach metla mazal mansiitrch dima kantfkerr 3lach ghderni w chekwa lellah . hmdellah w choukran

    ردحذف
    الردود
    1. غير معرف24/6/14

      اختي كريمة انت دبا كتعيشي اجمل سنوات حياتك ولكن مكتستغليهاش، حيت حبست الزمان هادي خمس سنوات وكتعيشي علی هاديك سنوات الضياع لعشتي معا هداك الراجل واخا كلمة راجل قليلة فحقو، هو دابا متفلاش عليك راه تفلا علی راسو اولا وكيما دارليك غادي يجيبلو الله لغادي يديرلو كتر منهداكشي لدارليك انت كنت عايشة مع غدار وحمدي الله تفكيتي منو وحمدي الله مدرتي دراري منو راه زهر عندك انت دبا خاصك تفكري غير في المستقبل ديالك راه الخطأ لكنديرو هو اننا كنبقاو دايما عايشين الاحباط، راه مل غادي توصلي لواحد السن غادي تندمي علی السنين لضاعت غير في التخمام والزواج يا اما كيصدق ولالا ويقدر ربي يرزقك بشي ولد الناس ليعوضك علی بزاف الحوايج في حياتك نساي الهم وعيشي حياتك راه تلقايه كيتفلا علی وحدة اخرا،محي هداك الجزء من حياتك دريها بحال غلطة والانسان بطبعو كيغلط وبداي حياة جديدة راك مزال صغيرة والله يسهل عليك.
      ليلی المانيا

      حذف
  36. غير معرف25/6/14

    ANA BNTA 3ANDI 18 ANS TZAWJTE F17 ANS TZAWJTE CHHRAYNE DAZO 3LIYA AS3ABE AYAME FHYATI KANTE KNTMANA LMOTE MI LHAMDO LAHE BFDALE LMIMI DYALI ANA 3AYCHA OFRHANA LHAMDO LAHE WAKHA MA3MRNA NSAWE LMADI WALKINE KHASNA NDIRO B7ALA NSINAHE OHWA RAYNSANA

    ردحذف
  37. om nadir27/6/14

    salam akhawati fi llah wa tahiya tayiba mn a3ma9 9lbi kanahdiha likom akhawati twahachtkom kamliiin wrani kont mchrola btashih wtadarib dial lhafl 3ad salit lbarah wgolt ntol 3likom wkantmnna lkol lakhawat lfaraj fhad l ayam lmobaraka nchaellah khti om lbanouta twakli 3la llah wllah m3ak ida kathassi brassak mrtaha twakli 3la llah w om mohamed rida llah ikhallilik shihtak wi yassar lik foladak wmol darak ohibokom fi llah kaaaaaamlin wbdon stitnae whtta lakhawat jdadin mrhba bikom wllah ifarajha 3la kol wahda wkanchakar okht basma 3la had lmaW9i3 lli ki3tina forssa nstafdo mn tajarib lhayat

    ردحذف
    الردود
    1. غير معرف27/6/14

      السلاك عليكم .مبروك عليكم رمضان ونتمنى يدخل عليكم بالصحة والسلامه والرزق .
      اختي الحبيبة ام ندير شحال وانتي غابرة علينا وتوحشناك بزاف .كنت كلما كتبت كنتسناك دخلي ولكن من بعد عرفت ان فترة الامتحانات هي اللي شاغلاك علينا.ودابا صافي العطلة معندك فين تهربي منا هههه.واحبيبة الله ييسر ليا ويسرليك ولكل البنات فهاد الشهر الكريم. ام البنوتة

      حذف
  38. om nadir27/6/14

    lah ibarak fik ahbiba rah 9rit les commentaire kamlin isowal fik lkhir ahbiba iwa daba hani m3akom wnwassiw ba3nda wnstafdo mn tajarib ba3diyatna iwa kif dayra bnita kayan chi nataij mziana ntmnna lbnitak tawfi9 fmassirtha dirassiya ahbiba wtchofi fiha kol matrajiti

    ردحذف
  39. om nadir27/6/14

    iwa wnti oum lbanouta ach khbarak fin wssalti f9adiytak matgolilich ba9a hayra ? ana fraeyi ida konti mtaakda mn akhla9o twakli §3la llah rah lhayat s3iba wsobhana llah htta wahad may9ad i3ich wahid rah rajal wlmra kol wahad kikamal lakhor whtta wahad maygad i3ib blataraf lakhor wlwahda makihas biha rir lli mjarabha ntmnna lik tawfi9 fhyatak wbnitak llah i3awnak 3la tarbiytha

    ردحذف
  40. om nadir27/6/14

    ramadan karim w3wacharkom mbroka wkantmnna mn lakhawat maynsawnach fdo3ae fhad l ayam lmobaraka

    ردحذف
  41. ام محمد رضا28/6/14

    السلام عليكم ورحمة الله تعالى وبركاته على كل الاخوات بدون استثناء مع تمنياتي ليكم باحوال طيبة والله يدخل عليكم هاد الشهر الفضيل بالصحة والرزق والسعد الجيد والله يعوض كل اخت محرومة او مضلومة بزوج طيب يقدرها ويعوضها امييين يا ااارب

    ردحذف
  42. ام محمد رضا28/6/14

    سلام ام ندير كيف الاحوال واش كتعاودي ملي غبرتي عرفت بلي تشطنتي مع الامتحانات والنقط والهم دالحفلة والله الى هم لا ليكم بمعنى شحال وانتما تاطرو وتتبعو وبلا والو وهم لينا من شحال وحنا نقلبو على الملابس شحال خصك باش تلقايهم المهم عندي ليك واحد المسالة نتمنى توضحيها لي الى قدرتي اما احسن تنويه ولا تشجيع ولا لوحة الشرف فالدورة الاولى 9.21 فيها تشجيع ودبا 9.30 فيها تنويه وكيفاش هاد المرة هاد مسار هو لي ولا مكلف بالنتائج علاش حينت دارو لولدي خطا ا عوض فالمعدل العام تكون 9.25 دارو 9.15 المهم راه ماشي شي اشكال كبير غير باش نفهم نتمنى تفهمي قصدي راني معرفتش نوصل ليك المعلومة بشكل اوضح

    ردحذف
  43. ام محمد رضا28/6/14

    سلام ام البنوتة كيفك واش كتعاودي وكاين شي نجاح بالنسبة للبنية نتمنى نسمع عنك اخبار مفرحة ويعوضك الله خير وتعيشي السعادة بكل تجلياتها

    ردحذف
  44. ام محمد رضا28/6/14

    الاخت لي عندها 18 عام فرحاتك بماماك والله يخليها ليك وباش تنسا ي عمري وقتك بما هو مفيد قراية او صنعة او انخارطي فمسجد او جمعية تفيدي وتستافدي

    ردحذف
  45. ام محمد رضا28/6/14

    سلام كريمة بلا مندخل معاك فباب اللوم وعلاش وكيفاش لي بان لي انك رغم 5 سنين باقة واقفة فبلاصتك وكتسناي هدا علاش كتحسي بالشمتة والغدر المهم تحركي كيقولو فالحركة بركة اما باش تبقاي كتحسري و تعيشي على الاطلال غير غتدمري نفسيتك وبلا والو حمدي الله انك باقة صغيرة وبلا اولاد ادن المستقبل كلو قدامك تشبتي بالله وتوكلي عليه ودعي بنصيب احسن ملي فات والاهم كوني راسك و قوي شخصيتك كل ما يمكن نساعدك بيه باش تنساي هو عمري وقتك وكوني دكية فتعاملك وسمحيلي معجباتنيش ديك العبارة دساسني كان عليك تكوني دكية وتحافضي عليه او انت لي تسوسيه ماشي هو المهم سمحيلي على تدخلي ونتمنى تفهميني

    ردحذف
  46. om israe casa28/6/14

    Salam.ramadan mobarak karim liljami3.allah ysayb lkol wahda fikom wyfarj hmomkom wyrzo9kom bkol ma tmanito habibati.ohibokom fi allah

    ردحذف
  47. غير معرف29/6/14

    السلام عليكم ورحمة الله وبركاته. اختي ام ندير فعلا كلامك صحيح سبحان الله اي مرا كتحتاج راجل واي راجل كيخصوا .مرا من ناحية اخلاقه انا متأكدة منها كيحترمني ويحترم بنتي وتعامله هادئ بزاف .غير احبيبة راك عارفة المشكل اللي هو المدخول ديالوا ولكن انشالله فهاد سبدنا رمضان غنعرفوا على دارنا واللي يجيب اللي فيها الخير.ورتلنسبة لبنتي الحمد لله نجحات يعني نتائج متوسطة وقريبة للأوائل الحمد لله .وفعلا كيفما قالت ام محمد رضا يختي ديك الحفلة كتزيد علينا غير المشاكل انا شهر وانا كنطلب فالخدمة ااي بعوضني هداك الصباح اللي غنمشي للحفلة وكنشوف فعلا المدرسات والاداريين دايريم مجهودات كبيرة باش الاطفال يقدموا شيحاجة زوينة ولكن الحاجة اللي كنستافدوا هي ديك الفرحة اللي كنشوفوا فعينين الوليدات فهاديك الحفلة.وشكرا اخت ام ندير واخت ام محمد رضا الله يخلي ليكم وليداتكم ولهلا يخطيكم عليا فعلا كنحس بيكم باغيين تساعدوني ومبخلتوش عليا باراءكم .ام البنوتة

    ردحذف
  48. غير معرف29/6/14

    السلام عليكم.الله يبارك فيك ام اسراء ويدخل عليك الشهر بالصحة والعافية والرزق الوفير انشالله.ام البنوتة

    ردحذف
  49. om nadir29/6/14

    salam om mohamed ridaramadan karim wllah idakhlo "lik bachma tmaniti yarab wbnisba lwaldak tbarkallah wmachaellah rah mzian wlmilahada dial tanwih wtachji3 raha kif kif hadok les meilleures kandirolhom tanwih wtachji3 bjojbihom mzianin wbnnisba lmassar hrah daroh likom ntoma les parents bach tab3o wlidatkom wtchofo lforod dialhom chhal jab fkol fard wbnnisba lina hna lli flprivée masalahlnach matalan ana kan9arri ce1 whna fhad lmostawa kandiro bzaf dial les matières bhal conjugaison grammaire orthographe;;;;;;;;;;; whoma fmassar yallah 3atinna denx matieres conte et contine et expression orale wkandtarro ndiro 3amaliya hissabia bach nkharjo lmo3adal iwa samholi ida tawalt 3likom thallay frassak bzaf om mohamed rida wllah ihfadlik wlidatak d ws

    ردحذف
  50. om nadir29/6/14

    okht karima tla9 machi nihayat l"lam howa mktab bssah kijiw dorof w asbab lli katkhalli lwahad itala9 mais kolchi 9adae w9adar wkhassak tkoni 9wiya wtwa9fi 3la rajlik whahna htta hna mtal9in mais stafadna bzaf dlhwayaj t3allamna roh lmasoliya wt3llamna kifach ntjawzo ssadamat wt3alamna kifach nkono ab w om fnafs lwa9t ya3ni ntti hawli tstafdi mn 3omrak lli ba9i srir whawli t9ray aw diri san3a t3almi kifach t3awdi twa9fi 3la rajlik wdarba lli makat9tolch kat9awi lhayaaat twiiiiiiiila wrjal machi kolhom bhal bhal mazal i3awdak llah wdaiman diri amalak fllah wkoni mtaakda kolchi mn lkhir

    ردحذف
  51. om nadir29/6/14

    oum lbanouta llah ihfadlik bnitak wikhalliha lik ya rab wfhad raùmdan llah ij3allik lmakhraj wisahalik tri9ak ohibokom fi llah

    ردحذف
  52. om nadir29/6/14

    okhti om mohamed rida brit ngollik ana mo3jaba bchakhssiytak tbarkllah 3lik w3la afkarak lli katnawrina biha wllah tmannit nkon bhalak wnti raki 9odwa lina wlmaraa najiha tbarkllah 3lik wllah ihafdak wkhallilik shihtak

    ردحذف
  53. om nadir30/6/14

    om israe llahh ijazik bikhir wchorran bzaaaf 3la do3aek m3ana whtta nti ramadan karim wlla ita9abal mnna wmnnak

    ردحذف
  54. om nadir5/7/14

    akhawati finkom rbarto hiya rlabkom ramdan iwa fin wssalto ftilawat l9orann khtamto wlla mazal? kantmnna tkono f ahssan dorof

    ردحذف
  55. غير معرف16/7/14

    SALAM WACH HAD TALAQ CHI9a9 FIH MODA TWILA JAWBOUNI 3afak

    ردحذف
  56. ام محمد رضا16/7/14

    سلام ام ندير الله اكرم حتى انت نتمنى يدخل عليك رمضان بالصحة والرزق شكرا حبيبتي على مشاعرك الطيبة وعلى شرحك فيما يخص مسار انا كان كيحساب لي لوحة الشرف هي الاحسن وفعلا المدرسة عطاتنا موقع كنتبعو فيه النقط ولي عندو شي ملاحضة يكتبها ونتواصلو عبلر الموقع بلا داك سير واجي بالنسبة للاباء لي متبعين اولادهم وباش يقلو حتى من اللقاءات التواصلية وملي كندخل وغالبا ما فيه الجديد والنقط كيتعطلو كنقول مع راسي حادقين غير يعطيونا السيت ههه والادارة عامرة بالاطر الزيغ قول لي تابع لمسار المهم الله يوفق جميع الوليدات ويعطي الخاطر للوالدين حينت اغلبنا حنا الامهات لي كنسهرو على تفوق اولادنا من الالف الى الياء اما المعلمين فالله هو الواحد لي غيجازيهم على مجهودهم

    ردحذف
  57. ام محمد رضا16/7/14

    سلام ام البنوتة فينك اش درتي متغبريش رانا كنتسناو وعلى اعصابنا اكثر منك اوا نتمنى تدخلي وتقولي كيف داز اللقاء بين السيد وعائلتك نتمنى يكون فيهم رجل رشيد او امراة رشيدة ويفهموك ويدعموك ويكونو معاك

    ردحذف
  58. ام محمد رضا16/7/14

    بالنسبة لي كتسول على طلاق الشقاق مسطرتو ساهلة غير تكون اوراقك مضبوطة واقوالك مركزة يعني تبتي على كلامك وزايدون الى حرامت العشرة الله كيدير الاسباب للفراق والى مازال الرزق محرامش الله كيدير اسباب باش تتجمعو اما شي حد كيدخل بالصلح او فجلسات الصلح الزوجان كياثر عليهم القاضي وكترجع المياه لمجاريها يا اختي نتمنى انك تحكمي بعقلك وبقلبك وباعصابك وتصلحي الى كان ميتصلح وبلا منبقى نكرر فكلامي قراي التعاليق وتفهمي وتستوعبي المهم كتبي مشكلتك وبادن الله نفيدوك ونردو ليك عقلك حينت اي حاجة فالدنيا الا ولها حل ومتستاهلش اننا نخربو حياتنا من اجلها ونكرر كلامي الطلاق ما فيه خير كتبغي المراة تسد باب كيتفتحو ليها عدة نوافد ماكانت كاع فالحسبان نتمنى تساعدينا اننا نديو معاك حسنة وتراجعي على قرار الطلاق

    ردحذف
  59. om jad17/7/14

    Salamo 3alikom albnat .dima kan9ra ta3li9at dialkom w kanhass bmo3anatkom hit hta ana bhalkom.3andi mochkil m3a rajli w kolmara kanwa9fo 3and tla9 walakin ma9adrinch nchato wladna .l3icha walat mostahula binatna .khayfa wladi yatkarfsso w ykabro bla ab .ana f italy .ma3raft wach narja3 lmaghreb w la nab9a hna .rani khayfa w bezaaaaf .nasshoni lah yfarej 3likom

    ردحذف
  60. ام محمد رضا18/7/14

    سلام ام جاد يا اختي تبارك الله عليك راكي بعقلك ملي درت بحساب اولادك فقرار الطلاق فعلا الطلاق راه ساهل ولكن مع الاولاد و العائلة والمجتمع وتحمل المسؤولية صعيب والمراة هي لي كتاكل الدق كتبقي تنقد كتصدق غارقة شوفي ديري هاد المعلومات فبالك الى اولادك مرتابطين بابوهم وانت مخداماش واهلك جافين وما فيهم حنان ننصحك غير بلا متفكري فالطلاق حينت يكونو المشاكل كيف ما بغاو مع زوجك ارحم من الهم والمسؤولية لي كتجني من بعد الطلاق شوفي ديري كيف يدار وحاولي تتصالحي مع راجلك وكبري عقلك وديري عين ميكة على بعض التصرفات لي مكتعجبك حينت حنا النساء اغلبنا نكارات وما يعجبنا العجب وكنجيبوها غير فروسنا وانت فاوروبا خرجي خدمي واستاعني بلي يوقف معاك ويدعمك نفسيا واجتماعيا اما باش ترجعي للبلاد انا منشجعك راكي دبا عزيزة ملي كتجي ضيفة ومحملة ومجملة اوا جربي وقولي لاهلك راني باغا نطلق وشوفي رايهم عاد ترجعي باولادك مولفين نضام عيش معين وتجي انت تدمريهم كيف ما كان الحال حالهم مع ابوهم افضل وسايري وخى غير حتى يكبرو اولادك والى حتى هما متضررين بمشاكلكم هما لي غيقولو ليك يا ماما طلقي باش نرتاحو المهم سمحي لي على تدخلي والاطالة نتمنى تفهميني وتديري كيف يليق وتتحملي اخر حاجة ديري ورقة وكتبي الايجابيات والسلبيات ديالك ودراجلك وبلا كدوب وقارني شي بشي وحاولي تلقاي الحل واكيد كاينة حويجات زوينة جمعاكم رغم كلشي انا بعدا بان لي بلي كتبغيو بعضكم ودايرين بحساب الاولاد ادن فيكم خير كثير واهم نصيحة رجعي الى الله بالصلاة والدعاء وميكون الا الخير

    ردحذف
    الردود
    1. om jad21/7/14

      Chokran bezaaaaf khte om mohamed rida .had chi li rander nchaalah .saraha hna kanbghiw ba3diyatna w raghm lmachakil martabtin ba3dna .lah yfarej 3la ljami3 f had la3wachar ya rabi .

      حذف
  61. om nadir26/7/14

    salam 3la jmi3 l&kh&w&t wbdoun stitnae 3wacharkom mbroka wllah ij3alna blfaizat bljana nchaellah

    ردحذف
  62. om nadir30/7/14

    3id mobarak said

    ردحذف
  63. Bghit na3rf ..w natmana tjawbni oum banouta .wach tzawjt wala ba9i.bghit ghi ngoliha choufi nti daba raki f 50 sana .w machaelah raku f wahad san ili b3a9lak w ta3rfi thakmi f lomour ana w kan jit mnk ga3 mantzawaj khadama 3andi banti kanakhlas .allah omalak llhamd.lach ndir hada rajal.w fwahad nahia bghit ngoulik .rah kayn rjal allah y3amarha dar .adi n3awdlk wahad khaj .khal lwalida diali kan 3ayach f lkharij w 3ando wladi kbar bdaro b kolch .mouhim tbarkallah 3lih jayab raso wakha f 70 sana.lwalida kant katajr f lmaltat .wahad l oustada kbira hata hia 64 sana .hadra mour hadra ghi z3a9a sad9t basah tzawaj biha dalha sda9 milion w nad .howa 3ando daro w hia 3andha darha .b nhar lawal tfahmo 3la kolchi .ya3ni ana manawrtk w nti matawrtini .lmadrouf mat3awnin fih .how kayadiha vaconci lfranca .w kolchi fifti fifti .ma3a l 3ilm hia raha jada.walakin rah 3la janbha w msandha . W yahmiha .w 3aychin bikhir fach tadi vaconci ma3amrha chaft lkharij .daha espania franca turkia beljik .hawas biha kolchi.tawlt 3likom bhad lhikaya yako? Natmana tastafdi oum banouta

    ردحذف
  64. غير معرف5/8/14

    salam lakhawat fin rbartou twahachtkom bzaaaaaf iwa safi 9da 3likom ramdan wlla? ntmnna tkono f ahssan dorof

    ردحذف
  65. om nadir5/8/14

    salam okht nawal kiraki 3amla wkidarti m3a siam brit rir ngol wijhat nadari wsamhili bnissba lokht om lbanouta raha ba9a srira 3andha 34 ans w aslan zwaj ma3andouchi sin mohadad hiya lmra aw rajal s3ib i3icho lwahda darori ay mra khassatan ida kanat tal9at srira katbri t3awad tajriba akhra w akid kathawal tnjah wtstafad mn les lacunes lli kano 3andha hiya om lbanouta khllatna kansayno wtchowa9na n3arfo akhbarha w akid had lriba kaddal 3ala annaha farhana wbikhirdakchi 3lach nsatna llah iwafa9ha wikamalha blklhir yarab4

    ردحذف
    الردود
    1. Salm oum nadir .ana hamdolah.nti lbss 3lik.? Mouhim linsan ghir ydir hadari f hyato hadahowa lmmouhim ama .oum lbanouta 3andha 34 3am ba9a sghira w bzf khti raha 3ad tzawjat awal mara 3andha 36 3am.ma9ritch mlih l age dialha.natmanalha taskhir.wa allah ysahal 3la kol wahda.merci 3la rad dialk

      حذف
  66. oum bilal9/8/14

    salam o 3alikom

    ردحذف
  67. karima9/8/14

    Salam akhawati.achno hia lwata2i9 li nhtajo bach ndf3o talab tala9 chi9a9.allah ykhalikom jawboni bsor3a mhtaja darori

    ردحذف
  68. غير معرف20/8/14

    سلام عليكم انا متزوجة منذ ٤سنوات ودابا رافعة دعوة على زوجي ومقررة الطلاق لاني زوجي عديم المسؤولية تزوجت بيه وتغشيت فيه لاني مكنتش كنعرفو قبل المهم انا ولدت معاه ولد واحد طلعت بيه من الدنيا الحمد لله الراجل معمرو سول فولدو لا مللي كنت لا دابا انا جالسة مع دارنا وخدامة على ولدي باش نوفر ليه كل ميحتاج اما باباه فالله يعوض عليه اوصافي دابا ولدي متعلق بالواليد ديالي بزاف الحمدلله وسبحان الله مكيحملش باه سبحان الله كيحس دابا ولدي عندو تلاث سنوات تقريبا ومكيعرف غي دارنا يعني ماما وبابا انا مازالا صغيرة عندي خمسة وعشرين عام ولكن كنحس بشبابي ظاع بهاد الزواج الفاشل والراجل اللي تغشيت فيه

    ردحذف
  69. houda22/8/14

    Salam 3alikom akhawati f lah ana houda mzawja hadi 3 sanawat walakin Kano 3a du bazaf dyal lmachakil m3a zawj w daba mab9itch m3h ana kan3ich f lafrance kanatmana t3awnoni w tfajiw 3liya w chokran

    ردحذف
    الردود
    1. غير معرف27/8/14

      Lah yfarej 3lina kaaamlin ya rab .

      حذف
  70. houda26/8/14

    Salam aalikom KIF ahwalkom kanatmana tkono kokom bokhir w fin had larborat kol nhar kanadkhol Bach nchof ljadid sa3a makayan jadid ana man lmo3jabat lhad lmaw9i3 rai3 likaykhali lwa7da takhwi chno f 9albha iwa finak om mohamed rida walah il à kaya3jabni klamak bazaf kana9ra ta3ali9 dyalak klamak ma39ol w kharaj man l9alb w fin lakhawat lakhrin .houda

    ردحذف
  71. ام محمد رضا11/9/14

    السلام عليكم ورحمة الله تعالى وبركاته كيفكم اخواتي توحشتكم بزاف نتمنى تكونو في افضل الاحوال ودوزتو احسن الاوقات اكيد كنبغي نوجه تحية كبيرة لكل البنات خاصة ام ندير لي حتى هي غبرات قولي فين دوزتي العطلة واش كاين شي جديد وكدلك ام البنوتة اول مادخلت قلبت على تعليقها مالقيت الجديد نتمنى تكون فاحسن الاحوال وتتيسر امورها يارب ونتمنى من ام جاد تجود علينا بشي تعليق تقول لينا اخبارها اما اختي هدى الله يعزك ويصلح احوالك شكرا على كلامك الرقيق نتمنى انك تكتبي مشكلتك باش يتيسر لينا اننا نساعدوك ونشوفو كيف ممكن نلقاو معاك حل واش ماشي انت هي نفس الاخت لي فات كانت معانا فالاجزاء السابقة باسم ريما او ياسمين بحال هكا تسمح لي مبقيت عاقلة على الاسم اما راها حتى هي ففرنسا وكانت حاملة وتفارقات مع راجلها بالمناسبة الى باقة كتدخل للموقع نتمنى تكتب جديدها وشكرا لتفهمكم وسمحولي على الاطالة

    ردحذف
  72. غير معرف23/9/14

    السلام عليكم ورحمة الله. شكرا ام محمد رضا بزاف لانك كتسولي فينا لهلا يخطيك احبيبة .ايوا اش غنقوليك انا عرضت فرمضان على ماما واخواتاتي وخويا باش يتعرفوا على هداك السيد اللي تكلمت ليكم عليه قبل.نهار اللي كانوا غيجيوا دارنا يفطروا عندي علمتهم بأنه غنعرفهم بواحد السيد انا غادي نتزوج بيه.ماما مبغاتش تجي فالاول وبينات ليا انها مموافقاش على فكرة الزواج بشكل عام وبقات كتقولي راه اي وحدا كتطلق وتعاود تزوح كتوقع فمشاكل.اوبنتك ربما ميعجبهاش الحال المهم بزاف دلهدرا ولكن بقيت كنلح عليها باش تجي.اوجات غير هي او ختي وحدا وخويا حيت خواتاتي لاخرين قالك علاش متقوليش لرجالتنا .وانا مموافقاش طبعا انا بغيت غير نعرفهم عليه فالاول ماشي دايرة الخطبة ومقلتهاش لرجالتهو.المهم هاديك ختي هدرات معاه شوية وسولاتوا على خدمتوا .وانما ماما دارت راسها عيانه هداك النهار ومنين جات اوهي كتهدر غيمعا بنتي يعني تالأسئلة مسولاتوش اوخويا كان رأيوا مزيان فيه قال لماما راه بان ليا انسان مزيان.وانا الله العظيم اوربي شاهد عليا راه ممكن نتزوج بيه ونعلمهم مت بعد اوصافي ولكن انا بغيت الام ديالي تكون راضية عليا.
    اوا فطروا اومشاو .والغد ليه عيطت ليها فالتلفون قالت ليا انا فنضري بلاما تزوجي مالك باغا لولاد راك عندك بنتك .وانا كنضن الرجال فيهم غير صداع الراس نتي دابا راك مرتاحة.وهانيا.
    اوهو حس براسوا بحال شيواحد ناقص بزاف قاليا ماماك محاملانيش قلت ليه تداركم ماشي كيموتوا عليا يعني هادشي شيء طبيعي بلاما نكبروا المشكل .ومنتما وانا مستحملة هدرت ماما وخواتاتي مكيهدروش مباشرة وانما بواحد غير باللا مباشر.
    اوجاب عندي الام ديالوا من بعد وواحد خوه.الام ديالوا معجبها حال او خوه كيضحك فوجهي ولكن حاسة لداخل ديالوا غير كينافق وانا نهار جاو عندي مبغيتش نبالغ فالعراضة باش منطمعهومش فيا حيت كيف غنعاملهم فالاول كيف غيولفوا.ودابا تكاتبت معاه هادي 25يوم وحسيت بالراحة.وخليت علاقتيي مع الاخوات ديالوا والام ديالوا سطحية يعني كندير الصواب ولكن فحدود المعقول وممشيتش زرتهم فديورهم يعني اللي جات عندي كنمشي عندها ولكن باش انا نبادر لا وهو كيعاوني فالمصروف ديال الدار او موافق على كريقتي مع عائلتوا ولكن تاهو كيقوليا منمشيش بزاف عند داركم كنحس انهم مكيبغيونيش.ام البنوتة

    ردحذف
  73. غير معرف30/9/14

    ANA OM AHMED . DERT TLAK CHIKAK W DABA 3ANDI LJALSSA AKHIRA . W KHAYFA BEZZAF MN TLAK W ANA KENT TANBGHI RAJLI BEZAF W KANHTARMO W KANKHAMEM LIH W KAN3AWNO HIT ANA KHADAMA WALAKIN ANA TLAHBT TLAK HIT KAYTSANET L KHTO W DRABNI KODAMHA W DAYMAN KAYHINI B CHI HEDRA KATBKA FIA W KAYGOUL LIA ANA MAKANBGHIKCH . ANA MASAKHYACH BRAJLI W MA3RAFT MANDIR TKHALA 3LINA AN WELDO ANA HASSA BHALI SADIN 3LIA W MA3ANDI MNIN NKHREJ . 3AFAKOM SAA3DONI W GOLOLI CHNO NDIR 3AFAKOM AKHWATATI.

    ردحذف
  74. غير معرف1/10/14

    السلام عليكم حبيبة ام رضا او ام نادر او اي وحدا من الأخوات عندها فكرة على الموضوع اللي غنطرح بغيت متبخلش عليا برأيها .وكنستأدن من ادارة الموقع لان هاد الموضوع بعيد شوية على مواضيع الطلاق والمشاكل بين الازواج ولكن فعلا بغيت الامهات يعطيوني اراءهم.
    فهاد البدية ديال العام الدراسي بنتي طالعة ل cm1 .جات عند واحد الاستادة اللي كتنتقدها من البداية على الخط وكل يوم كتهدر فنفس الموضوع.منين جات بنتي قالتها ليا قلت ليها حاولي تقادي خطك وتكتبي مزيان وفعلا بقات كتحاول ولكن الاستادة كنتاقد فيها لدرجة انه البنات اللي معاها فالفصل ولاو كيهينوها تا هوما وكل مرة كيقولوا للاستادة راه مكتكتبش مزيان.اخر حاجة جات كتبكي وكتقوليا مبغيتش نقرا عندها وليت كنتعصب منين كندخل عندها.
    انا قلت غنمشي نهدر مع الاستادة بطريقة حبية يعني ماشي غنغوت اة لا شيحاجة وانما غنهدر معاها تحاول تفهمها بطريقة من غير الانتقاد لان بنتي هادئة وممكن تسيرها بسهولة يعني هادي هي الفكرة اللي بغيت نوصل ليها وطبعا بطريقة مزيانه.
    مشيت للمدرسة خديت موعد مع الاستادة باش نهدر معاها طلاقيت معاها سلمت عليها ضحكت فوجها يعني باش تعرف اني مجاياش نتخاصم معاها وانماجايا نهجر بطريقة ودية قلت ليها بناي عندها مشكل فالخط وانا معاك غير الطريقى باش قلتيها ليهامكنضنش غتجيب نتيجة حيت خفت انها تولي كارهة المدرسة وحاولي عفاك تفهميني.واقسن بالله وربي شاهد عليا ان الشيجة هاجماتني بطريقة متصورتهاش وقالت ليا لا متدخليش فطريقتي مع التلاميد قلت ليها انا مجيتش كتقوليك مكتشرحيش اولا كنتاقدك لا راه غير قلت ليك حاولي تعاملي معاها بطريقة اهدأ وغتجيب نتيجة فهاديك اللحظة جات المديرة التربوية اللي كانت فالصف ديالها وبالعربية قمعوني انا تصدماظت حيت كنت كنتوقع انهم غيتفهموا الموضوغ بسهولة وانما تفاجأت بيهم دايرين سياسة القمع واتي مخلصنيش نجي نهائيا واخة معرفت اشنوا يطرا .
    مشيت فحالي والليل كله منعستش غير كنفكركيفاش كنخلص مبلغ ماشي صغير او معنديش الحق نهدر .رجعت الغد ليه للمدرسة طلبت نقابل المدير قالوا ليا مكاينش وانما دخلي عند نائبة المدير دخلت لقيتهم قالوليها كلشي بطريقتهم هما وقالت ليا انا بناتي كيقراو فالبعتة الفرنسية او كيغوتوا عليهم .او نا ضت او خلاتني.الشيء اللي خلاني مرضت كتر وحسيت بالاهانه .دابا معرفتش واش نمشي للنيابة التعليم ونقدم شكاية منهم ومن طريقة تعاملهم او نحاول ناخد موعد مع المدير اولا كيفاش نتصرف. حيت متقبلتش نخلص مبلغ اللي كيدي ليا ربع ديال المانظة ديالى وفالاخير ميسمعوش ليا وانما يقمعوني.وكنتمنى ام ندير تحاوبني وام محمد رضا وكل الاخوات اللي عندهم رأي فالموضوع. ام البنوتة

    ردحذف
  75. ام محمد رضا2/10/14

    سلام ام البنوتة اولا بارك الله لكما وبارك فيكما وجمع بينكما في وعلى الخير نتمنى تشوفي ايام زينة مع راجلك والسياسة لي اعتمدتي راها عجباتني انا النيت كندير بها يعني لي كيجي عندي كنمشي عندو ولي شد رجلو حتى انا كدلك هادي من بين الاسباب لي باش تعطي قيمة لر اسك لي نوصيك عليه هو ديري بقول الله عز وجل ادفع بالتي هي احسن فادا الدي بينك وبينه عداوة كانه ولي حميم يعني باش تكسيبهم لابد من شوية السياسة والنفاق الاجتماعي والى جاو تتهلاي فيهم والى مشيتي ادي فيدك ماشي بالضرورة شي حاجة غالية وانما تصايبي غير كيكة ولا تمشي بلاش قلك تهادو تحابو دائما تحسسيهم ليهم انك احسن منهم وبلا تجريح متدخلي فامورهم الا بالخيط الابيض وماتسمحي لحد اتدخل فحياتك او يسير ليك امورك لواه هكا او هكا من الاول يموت المش بهكا كتبقى مكانتك محفوضة اما داك التحزار الخاوي ونتدخل فامور بعيدة عليا بلاش حينت اغلب المشاكل من هكا ومتدخلي فخوتو علاش مبغاوني او مكيجيوش او او انت متاخدتي قرار الزواج حتى كنت معولة على كلشي ادن عيشي حياتك معاه وصافي يكفيك غير تقدي على مسؤولياتك قالك الشهر لي منتخلص فيه منسول عليه ومع الايام غيتقبلوك ويحترموك ملي يشوفو خوهم مرتاح وعلاش لي ميرتاح جاب ليه الله بنت الناس زوينة ومحترمة وخدامة ومعاوناه راه غير بنادم الله يهديه مكيبغيش يشوف النعم لي عطاه الله وزعمة كانو معولين يزوجوه ما احسن منك المهم الله يسر ليك وراني فرحت ليك من القلب ونتمنى كل البنات المطلقات يحالفهم الحض ويعوضهم الله بشي زوج صالح ينيهم ما فات
    اما موضوع مدرسة بنتك انا طاح لي العجب لي كنعرف هو ان التعليم الخصوصي كيتعاملومعاك بالصواب والادب تحشمي وكيكونو التلاميد ولا اولياهم بحال الماء القليل على ود دم قلبك لي كتحطي وبالاخص فالدخول وباش يحافضو على السمعة ويديرو لي ميدار باش يوصلو لنسبة نجاح مهمة اما بالدعم او نفخ النقط وديما عندك الحق انك تجي تسولي وتراقبي امور ولدك كيف بغيتي والحلقة الاضعف هو الاستاد مسكين كلشي كيمسح فيه يديه على ما بان لي هاد المدرسة عيانة ومعندهم لا بيداغوجية داخل القسم لا تعامل جيد فالادارة وزعمة زعمة اولادها فالبعتة قولها بزعتة مال هاد ميسيون كاع شحال غير هما كتخلصي العام كامل وانتما كتقصطوه على الشهور وصافي شوفي متسكتيش على حقك دخلي للادارة بالصواب او بالغوات تكلمي معاهم وهدديهم بالنيابة وانك باغة تخرجي من عندهم كاع مالهم على قلة المدارس ولاو مابين مدرسة ومدرسة تجبري مدرسة بحال التيليبوتيك زمان ممكن يتفاهمو معاك وانت لازم متبدلي لبنتك القسم والاستادة وتبقاي مراقبة واش باقة كيهينوها او متديها فيها كاع ومتتسوق ليها تكتب او تقعد تبارك الله نعطي رزقي ومنتكلم على اش ضارني على هاد الحساب هادو معندهم لا لقاءات تواصلية لا والو عارفين غير يشدو الفلوس ويقمعو وباش يعجبوك فالتلفزة تقريب الادارة والمدرسة من المواطن ومحاربة الهدر المدرسي

    ردحذف
  76. ام محمد رضا2/10/14

    سلام ام احمد يا اختي ياك انت لي درتي طلاق الشقاق علاش كتقولي خايفة دبا كان عليك مادام باقة كتبغيه وماساخياش بيه تعطي لراسك وليه فرصة لعل يتغير ولكن انا فرايي الراجل لي كيضرب ويهين ويعاير يخ منو ومعندك لاش تتحسري عليه الى كنت خدامة ومعاوناه وهو من الفوق ما معتبرك وكيقول ليك مكيبغيك ادن طلقي منو ورتاحي ما عدا الى كان عزيز عليك الهم منعرف مادام اتخدتي قرار الطلاق كملي فيه ومتخافيش الحمد لله راكي خدامة الى كانو والديك حداك وداعمينك راكي تسكني معاهم وتتعاوني معاهم على الزمان وتربية ولدك والى هما كلهم مشاكل ما كاين ما احسن من انك تستقلي بدارك اما كراء او شراء وتتهناي اما باش تتحسري بلاش وزايدون ماكاينش مع من على مفهمت يا اختي اكيد ان الطلاق صعيب كيف مافات وضحنا فمجموعة من التعاليق من حيت نضرة المجتمع ونفسية المراة والاولاد ووو ولكن فضروفك انت كنضن حل وخى مر وانما لا بد منه وحمدي الله انك خدامة ادن معندك علاش تترددي او تخافي اش خليتي لسيدات مساكنات مخداماتش وتطلقو باش يرتاحو وتفتحات قدامهم افاق كثيرة ماكانو كاع متوقعينها رغم الصعوبات وغالبا بالحلال اما الحرام الله ينجينا وينجيكم منو رغم ان بابو ساهل وفيه الفلوس ولكن ماشي دائما كتسلم الجرة المهم ا اختي الله يسهل عليك ماصعاب ومتخافي ديري يقينك فالله واكيد مغيخيبك ومتعرفي الخير فين كاين وعسى ان تكرهو شيئا ويجعل الله فيه خيرا كثيرا اكيد ان لي جات من عند الله خير غير خاص شوية دالصبر

    ردحذف
  77. غير معرف5/10/14

    شكرا ام محمد رضا والله يبارك فيك اختي وكلامك فعلا معقول من الافضل عائلة الراجل نبقى معاهم فحدود يعني الصواب كاين ولكن بلا منداخل معاهم بزاف باش نبقى فالتيقار وبالتالي نبقى عزيزة .
    اما ياختي بالنسبة للمدرسة راه زعما مدرسة مزيانة ومن المدارس اللي معروفين فالدارالبيضاء ولكن اكتشفت ان هادي هي طريقتهم فالتعامل يعني اللي تكلم يقمعوه باش الى معجبوا حال يهز ولدوا ودايرينها مع الناس بزاف قبل مني غير انا واقيلا اللي كنت شادة تيقار راسي ومنين جيت ندوي طرا ليا نفس اللي كيطرا مع باقي الناس .ولكن انا قررت فعلا نمشي للنيابة وكنتسنى غير تفوت عطلة العيد او نمشي . وبالتسبة لام احمد انا اختي حسيت بيك انتي منين بالك الطلاق قريب خفتي بزاف ربما حيت طلبتي الطلاق على اساس راجلك يندم ويتأدب ولكن هو مشى فموضوع الطلاق بالمعقول .اختي الى كان فعلا كيبغيك راه غيتراجع فالجلسة الاخيرة .ولكن الى كمل فالاحراءات بلاما تلومي راسك حيت نتي درتي اللي عليك وعاونتيه او صبرتي وهو كان كيتسنى غالسبة.او فالاخير كنقوليك الله يدير ليك تاويل دالخير والله يهديه ويرجع ليك او لولدوا اوعيد مبارك سعيد ليكم كلكم.ام البنوتة.

    ردحذف
  78. غير معرف9/10/14

    Chokran bezaaaaf khte om mouhamed rida .katfakrina .ana om jad .ba9a f sda3 w lmachakil .mara hanya mara l3afya cha3la.kan3ani man ihana w darb w ma3your f walidiya w sabra 3la wad wladi .mabghitthomch y3icho f na9s .walakin sabri bda kaysali .kheft men tla9 w ana makhadamach wakha rani d italia .walah hta hart .nkamel m3a had rajel li wala khasso man ydouz liya w la natlab tla9 .3awnouni rani antsata .m3a l3ilm ana waliduya msandini 3la tla9 hit chafo halti w chokran

    ردحذف
    الردود
    1. غير معرف12/10/14

      اختي انت كتقولي بلصابرا علی وديت الدراري راكي ديراهم غير سبا حيت خايفة من الطلاق،اختي الكرامة ديالك هي لولة والدراري الابقيتو علی هاد الوضع راه غادي يكبرو معقدين وغادي تلقاي مشاكل معاهم ملي غادي يكبرو علاش مبزا علی راسك هاد العيشة ديال الدل راه الا بقيتي بحال هكا راه غادي طرالك شحاجة الله يستر نودي عري علی كتافك وبداي حياة جديدة راه ربي مكيسد باب حتا كيحل بيبان والله يسهل عليك اختي.
      ليلی

      حذف
  79. غير معرف18/10/14

    الاخت ح..ل
    السلام عليكم ورحمتة الله انا عامين ونا مزوجة وعندي ولد وفهاد العامين دوزها غليا راجلي غايحمقني غايخرجلي العقل ماخليت كيدرت معاه عييت فالتحزار عييت نتعامل نزيال وهو واااااالو اللي فراسو فراسو وفراسو يحطمني يمرضني،،
    موجود الله انا مبقيتش قادة نصبر بالخصوص السيد ماقاري ما واعي ،وباغا الطلااااااااااق غانحماق نطلق ونرتااااااااااح من العيشة دزبل فاش راني
    المشكل هو الولد باغا نطلق ونرجع للمغرب نعيش وخايفة يعكس لي ،
    اللي عارف شي حاجتفيدني لوجه الله ،واش من حقي ندي ولدي ونعيش فالمغرب؟؟؟؟

    ردحذف
    الردود
    1. غير معرف19/10/14

      السلام عليكم الاخت ح.ل الله يصبرك والله يهدي الزوج ديالك عليك .اختي معنديش فكرة على القانون فهاديك البلاد اللي انت فيها واش كيعطيكيوا الحضانه للام اولا لا.ولكن اختي حاولي تتقبلي الوضع وتعايشي معاه على قبل مستقبل ولدك الى جبتيه للمغرب راه غيلقى بعض الصعوبات وربما يكبر ويبدأ يلومك ويقولك انتي البي جبتيني .راه كون كانت الحياة ديال ولدك مغيتغير فيها والوا انا الأولى نصحك بالطلاق حيت تأنا جوزت مشاكيل وطلقت ونقوليك مالك اش خاسرة ونوضي خدمي على ولدك.ولكن الحالة ديالك متعلقة بالحياة ديال ولدك وبمستقبله خصوصا ان راجلك يقدر مباشرة من بعد الطلاق يتزوج وميعطيش للولد حتى النفقة وربما ولدك مولف واحد المستوى معيشي معين وغترجعي لداركم كلشي غيتبدل عليه يقدر الولد يتعقد ويبقى عنده دايما داك الهاجس ديال اوروبا يقول كون بقيت تما كون محابتتيش ماما ويبقى دايما غير راضي على اللي هو فيه.وكنتمنى ربي يفرجها عليك ويحنن قلب راجلك عليك وفالاخير كيبقى هادشي اللي كنقولوا غير كلام وشوف القدر اش غيقول واشنوا مكتب ليك الله مع هداك السيد.ام البنوتة

      حذف
  80. غير معرف23/10/14

    salam o3alikom albnat ana nora 3andi 19ans yalah db 3am onas bach tzawajt o3andi bniya yalah 3andha 3mois lmochkil howa anani bghit ntala9 ms khayfa yakhod liya rajli bnti li 3andha chi tajriba tfidni 3afakom

    ردحذف
  81. غير معرف23/10/14

    Slm o3lykom khwatati ana sara saknaf paris 20ansmtzewja man whad f3omro 53 ans man la famille hadi 1 ans w 2mois bach tzewjto w7mois bach jit lfranca howa . Mteleg w3ndo weld ghadi tgolo 3lacb tzewjt brajel kbir lmakatib chhal man wahd khtebni wftali rebi ktebli nedi had rajl ana mochkilti m3ah makantfahmoch wana makanbghihch hit 3e9liyto fchkel wmakhalanich nwled ana barya ndir wlidati li jat mn moraya tzwjet weldt wana mazal 3yit nhder m3ah flmawdo3 kola mera yddebrli seba lmohim ana kanfker ftla9 walakin 3endi ri la vingnettef chher fevrier tkemli wila tel9na flmaroc wbghit nrje3 l europa wach n9der wllala li 3endha chi fikra 3la l9anondyal franca tjawbni llah yrhem likom lwalidin m3akom sara loujdiya ntmena mankonch twelt 3likom akhwatati

    ردحذف
  82. ام محمد رضا30/10/14

    سلام ام جاد عرفتي حنا فالمجتمع شحال من امر مكنتابهو ليه حتى كنعيشوه ما بغض الله الطلاق حتى فعلا بغيض كنت كنقول فلانة ويلي مالها صابرة عللى الفقراو سوء المعاملة بالرغم من اهلها مرتاحين تمشي وتعيش وسطهم او فلانة خدامة وماباينة عليها كلشي مشى على دارها ووليداتها بالرغم انو راجلها خدام ولكن مبلي وزيد وزيد من عدة قصص اخوات كنعرفهم او سمعت بهم ملي كنسول اي وحدة فيهم كتقول شكون غيهزني انا واولادي خاصة الوالدين مادايمين والخوت مصيرهم لعيالاتهم او تقول اللهم نخدم على اولادي وراجلي او نشتت الشمل وما يطلعني والو اللهم الصبر وعين ميكة واحتساب الاجر عند الله والراجل يحن يحن في يوم من الايام وزيد وزيد ورغم دلك كنقول والله الى شي وحدينات كيعجبهم معيشة الدل ومعندهمش بعد نضر الساعة قولي الدل هو ملي الاخوة كل وحدة تجر راجلها او يجر مراتو وانت تبقى ليك الوحدة القاتلة او الاطفال ملي كل واحد مع باباه الا اولادك كيلوموك علاش مبقيناش مع بابانا وخلاص نضرة المجتمع من ديك مسكينة وكووون غيييير صبرتي وبقيتي مع راجلك الى كل نساء العائلة والوسط خايفات منك انك تجي عليها عشيقة او ضرة لراجلها وخى انت مافراسك والو ولكن ضروري متحسي بهاد الاحساس من خلال تصرفات بقصد او بغير قصد عاد نجيو لهم الاولاد والولد او البنت فمرحلة الطفولة ماشي هو فمرحلة المراهقة والى دبا حاكمة فيهم وهما صغار اوا نهار يتقادو الكتاف انت تشرقي وهو يغرب المخير فالعائلات بابوين منساجمين وشحال دالجهد ووووياالله يالله ممكن الاولاد وصلوهم لبر الامان عاد امراة بوحدها ماحيلتها لراسها او لخدمتها او لاولادها لي هما الحلقة الاضعف وكياكلو الشحط ولو كاع هاد المراة وفقها الله وربات مزيان كتلقى ديما ولد الطلاق نفسيتو مهزوزة
    كنقول هكا من خلال اختي تبارك الله مخاصها حتى خير وكلنا داعمينها وبالاخص هاد العام خرجات وتغلبات على الخوف والخجل باش تتعلم الفصالة والخياطة ولكن ولدها معجباه حتى حاجة من غير انو يكون مع باباه والخوف الاكبر انو يتبلى او يهرب باش يمشي لباباه لي اصلا ممهتم بيه وعايش حياتو والهم بقا لاختي وبلا فايدة من الاخير
    انا عارفة سحال من اخت ومنهم ليلى قالت مالكي على الدل طلقي وخرجي خدمي انا معاهم فهاد الطرح ولكن خاصنا نشوفو بعيد واش نقدر نتحمل المسؤولية دراي والاولاد والمجتمع
    شحال من حالة طلقات وعاود سهل عليها الله بزوج نساها فالماضي المر انا متافقة ولكن قليل فاش كتصدق اما يقول بغيتك بلا اولادك او او كاع قبلهم كيبقاو غير ربايب وشكون هاد الكريم لي يتزوج بمرا كلها مشاكل عهد الصحابة فات الرجال ددبا راه حنا عرفناهم يكفي تديري طليلة على قسم الحياة الزوجية متمشي كاع بعيد وتشوفي معاناتهم الا من رحم ربك
    نجيو للحل فنضري علاش هاد الراجل كيهينك او يسب اهلك او يضربك اما انت كتستفزيه او مافيديكش يعني مقايماش بواجبك اتجاه دارك واولادك وهو النيت
    دائما كنقول تجنبو اسباب الحريق والباب لي يجي منو الريح نسدو ونستريح يعني نقوم بواجبي من كل ومنفرط فحقوقي من كل ولي قلب عليا يلقاني سواء بالخير من نقا وحداقة وانوثة وصبر ووواو بالشر يعني العار راه ماكاين ما اسهل منو
    يا اختي اهم نصيحة رجعي لله والله ماكاين ما احسن من الدعاء وحاولي تراجعي تصرفاتك وتحاولي تستافدي من اخطائك واكيد كاينة وانت مرداش البال
    المهم طولت عليك ولكن كنتمنى تستوعبي كلامي حينت راه الله استر حتى تتفارقي معاه وتواجك مشاكل اصعب غتقولي انا لي معندي العقل كون درت ودرت
    نتمنى تكتبي تعليق فيه توضيحات اكثر لعل وعسى نساعدوك فحل مشاكلك والله ينورك

    ردحذف
  83. ام محمد رضا30/10/14

    سلام نورة لي نقول ليك الى انت صافي ما بقى كيبان ليك حتى حل مع هاد الراجل من غير الطلاق معندك مناش تخافي ماكاين لي يفر قك على بنتك الحضانة من حقك نتمنى تكتبي مشكلتك حينت بقيتي فيا يالله 19 عام وعندك رضيعة ماشي اهل الله يصاوب ليك

    ردحذف
  84. غير معرف1/11/14

    salam om mohamed reda
    ana nora lmohim ana lmochkil li 3andi m3a rajli howa anaho makaykhdamch howa gbass ms makayrdach ykhdam m3a chi wahad kaybghi ykon howa chaf makayrdach yghawt 3lih chi wahad omen ghir lgabs lkhadma li khdam fiha makaytawalch fiha daghya kayt3asseb okaydabz m3a malin lkhadma wana 3yit mangolih khassek tsaghar rassek ila bghiti t3ich khososan db 3andna bnita oraki 3arfa akhti trabya chhal khassha dyal lmasrof haliyan howa makhadam ma walo ghir kantssalfo bach nchriw lbant lhlib olikoch ol3alam kolo kaysalna kant kat3awan m3aya mama okhoti chwiya 3la zman walakin howa jbad liya sda3 m3ahom omab9awch kay3awnoni chaft hta 3yit otlabto bach ykhalini nkhdam omabghach kayt3akas m3aya bezzaf ohadchi howa li khalani nfakar fi tla9

    ردحذف
    الردود
    1. ام محمد رضا10/11/14

      سلام نورة يا اختي الزوج لي مامتحمل مسؤوليتو ومتكبر مامنو فايدة ولكن نحب ندخل بخيط ابيض ونقول ليك الله يصلح الاحوال والى كان غير هدا هو عيبو وهو انسان مزيان وحنون معاك ومع بنتو مافيها عيب انك تتحملي معاه اعباء الحياة وتدبري على شي خدمة وتتعاونو على الوقت بين ما صغر عقلو وشمر على دراعو اما الى العكس تفارقو وخدمي على راسك ديك الساعة

      حذف
  85. أم رنا3/11/14

    سلام عليكم أخوات،أخت أم بنوتة كديرة لباس عليك،مبروك عليك أو الله يكمل عليك بالخير ، أنا ديمة كنقرة تعليقاتك من لول أو حتى أنا مطلقة أو عند بنية أو تعرفت على واحد شخص أو بغينا نتزوجو انشالله، ولكن عند خوف على بنتي ،بغيت نسولك عفاك كيفاش كتعامل زواج ديالك مع بنتك أو كفاش هي كتعامل معه ،أو واش كتعيتله بابا أو سمحليا طولت عليك أو شكراً.

    ردحذف
    الردود
    1. غير معرف5/1/15

      ام رنا سمحي ليا احبيبة جاوبت معطلة.راه وقت اللي كتبتي كنت كنحاول نجاوب وكيمشيش الرد ديالي.اختي بنتك شحال عندها من عام.اة واش عندها فكرة على موضوع الزواج ديالك او لالا.جاوبيني احبيبة وانشالله نتناقشوا فالموضوه ونفيدك وتفيديني والبنات يعطيوا اراءهم.ام البنوتة

      حذف
  86. غير معرف2/12/14

    salam alikoum, kidairn alkhwat fin ghbartou oum banouta , oum nadir oum mohamed rida

    ردحذف
  87. om nadir13/12/14

    salam akhawati fi llah twahachtkom bzaaaf ntmnna lkol ikon f ahssan dorof wfhad lahda kanwajah tahiya lil okhtayn l3azizatayn om lbanota wom mohamed rida kidayrin m3a had lbard wkidayrin wlidatkom ntmnna tkono f ahssan dorof

    ردحذف
    الردود
    1. غير معرف5/1/15

      ام ندير كيدايرة احبيبة لباس عليك او كيداير ندير.واللهيلا توحشتك بزاف او خليتي بلاصتك منين مبقيتيش كدخلي.كيدايرة احبيبة امورك.وكيدايرة مع شي خدمة انشالله تكوني بخير احبيبة .ام البنوتة

      حذف
  88. om nadir13/12/14

    kantmnna mn llah ifaraj 3la kol okht wihfad wlidatha wkono mt akdin anna lkhayra fima khtaraho llah wa sta3ino bissabr wa ssalat

    ردحذف
    الردود
    1. ام محمد رضا15/12/14

      السلام عليكم تحية كبيرة لكل الاخوات على سلامتك اختي ام ندير يا اودي لباس مالكي على هاد الغيبة ان شاء الله يكون خير المهم كيفك وكيف ولدك والخدمة قلت مع راسي صافي معمرك باقة تدخلي للموقع واه من العطلة مابنتي اما البرد هدا وقتو الله يجيب غير الصحة والسلامة اما الاولاد رانا معاهم مرة غوات ومرة مسايسة ههه ميفوتنيش نبلغ سلامي لام رنا وكل البنات

      حذف
  89. om nadir20/12/14

    llah isalmak khti om rida lahla ikhattik rani rir m3a lkhadma w ham donia raki 3arfa lhayat s3iba chwiya wkhassatan lkhadma fl'école privée chwiya dure mais kanhamdo llah 3ala kol hal mais rakom dima fbali wmara mara kandir tlila hnaya wllahila twahachtkom bzaaaf ntmnna sa3ada ljami3 wllah ifaraj 3la jmi3 lmslmat wlmoslimin yarab amiiin

    ردحذف
  90. غير معرف1/1/15

    salamo 3alaykom ana mona mn amrika, sana sa3ida dkhel 3likom bseha osalama oraht lbal. okht om lbanouta mabrouk 3lik maderti lah ikemel 3lik blkhir. kont mera mera kandkhel nsme3 akhbarek chno derti ofin wselti. ntmena tkouni ferhana fhyatek nti obentek ojablikom rebi liy3ewedkom fhyatkom. mona mn amrika

    ردحذف
  91. غير معرف5/1/15

    السلام عليكم .كيدايرين الاخوات لباس عليكم.راني كنت نحاول ندخل ولكن التعاليق ديالي مكايبانوش

    ردحذف
  92. غير معرف5/1/15

    السلام عليكم البنات كيدايرين لباس عليكم .راني كنت كنحاول ندخل وكان شي مشكل كنضن فالموقع بحيت مكيتنشروش الردود ديالي نهائيا.شكرا اختي منى اللي سولتي فيا باراك الله فيك ولهلا يخطيك احبيبة.واللهيلا توحشتكم انتي وام محمد رضا وان ندير وكلشي لبنات. انا الحمد لله اموري غادة مزيان وبنتي ولفات هداك السيد وكنحس تاهيا عمر ليها شيبلاصة فحياتها ولاا كتقوليا خليه يهبطني لطرانسبور دلمدرسة باش نقول للبنات راه هدا بابا. وولات كتعامل مغاه عادي والى تعطل فالخدمة كتبقى تسول عليه.الحمد لله لحد الساعه الامور مزيانه.وانا دايما كندكروا باني بنتي معندها حد من غيري وخاصه يعرف هادشي واللي فيها الخير يقدمها الله. ام البنوتة

    ردحذف
  93. غير معرف9/1/15

    صباح الخير لبنات جمعه مباركة.ام محمد رضا دخلي احبيبة الى شفتي التعليقات دياولي والله العظيم الى توحشتك .ام البنوتة

    ردحذف
    الردود
    1. om sofiya19/1/15

      سلام اختي ام لبنوتة راني كنت نقرا تعلقاتك من اول،مبروك عليك اختي والله يكمل عليك بالخير او يخلي ليك لبنوتة الله يرزقك سعادة في حياتك مع راجلك او يطلع منو غيلخير انشاء الله

      حذف
  94. غير معرف22/1/15

    salamo 3alaykom

    ردحذف
  95. غير معرف26/1/15

    salam 3alaykom ana omm reda mzawja hadi 5ans waldi 3ando 3ans 3amain wana fdarna hta khdina dar ana dakhla ana wiyah flakridi mouhim mouakharan walit kanhas brajli mbadal 3liya hit wla kayatlab manni flous bach isawab chi haja fdar m3a l3ilm anani haza rasi owaldi li3and mama okansraf hta fdar malli ana rfat na3tih flous walla kayt3amal m3aya boroda kaytkallak 3la atfah saba ya3ni kaykallab ghir 3la chi sabba bach idir fiha ka3i mouhim daba ch 2simanat wana fdarna majach ldarna ghir marra wahda makantch waldo machafouch chi 15jour raghma annaho kaydouz hda darna mouhim ana baka fdarna ohowa mabghach itnazal wana mabkitch kadda nastahmlo hit howa kanhas bih baghi ghir laflous 3afakom lama nashouni ana kantsanna ljawab chokran bazaf

    ردحذف
    الردود
    1. غير معرف28/1/15

      يا اختي راكم نتوما لمنكم لفوت تاااااااكتعياو عاد تبدو تشكاو ياختي اشداك تولفيه انتي لتصرفي عليه او تهزي لحمل تقيييييل يااختي راه راجل هو ليكد بمراتو او بولدو ماشي ليتاكل على مرا هي ليتصرف ولكن للخطأ منك نتي لسكتي على حقك او حدرتي راس ايه ما فيها باس تعاونيه على زمان ولكن ماشي تحمل كوووولشي او بسلامة سيدي مولاي سلطان اشنو لمهم ديالو؟؟خاصك تعرفي شنو كديري يااختي او من حقك متعطيهش حيث ماشي واجب عليك يكفيك غيهداك لكريدي لدخلتي لغرقتي فيه راسك او خصوصا الاكان هاد راجل مكيستاهلش الى كان طماع او باغي يدير لاباس على ظهرك لمهيم لينقوليك خاليه يبرد او يثلج كااااع حتى يسخن علللللى خاطرو اما باش تطلق لحمل عليك لا انا كنقولك هادشي حيث شفت بزاااف نمادج فحلك واحدة راه هي ليشرات دار او حتاهي غير كريدي او مولاي سلطان قاليها تكتبيها فسميتي وهههه ايه هي تخلص ايوا وهو يسرح رجيلتو مرتاااح قولة ليها وياك يا الحمق ديريه خصوصا هو مامزينش يضل يدور مع لبنات كتليها هدا اصلا خاصو يتعاد فيه ناظر اصلا مصلحش ليك) اما نتي اختي حاولي تنقصي من لمصروف او بدي تقولي ليه جيب معاك هادي ولدك خاصو هدي جيبها معاك خليه يهز لمسؤلية وانتي عونيه غيشوي او لماباقي خزنيه دريه تحت منك او ديك ساعة شوفي اشنو ردة لفعل ديالو باش تما تعرفيه واش دخل غير على طمع مادام نتي ليهازا راسك او ولدك او لمصاريف دا دار او هو بسلامة فلوسو فين ماشيين الا كانت فيه شي بلية ولا شي قاعدة خيبة نصحك تقطعي عليه لما وداو او ليقصدة هو تجمعي فلوسك اوخليه يحس بمسؤليتو باش نافعك هاد راجل لينتي ليهازاه سمحلي على كلامي وهدي كانت غيوجهة نظر ولكي واسع نظر اختي

      حذف
    2. غير معرف28/1/15

      انسيت اختي مقلتش ليك لاااااش خارجا من دارك تخلصي لكريديات او مخليه مراح فيه رااااااجعي للدارك او جلسي فيه او لمبغاش يتنازل هو ليخرج علاش ليتخرجي نتي داكشي ليباغي او ماهمة متوحش ولدو راه راجل مامسوق لا ليك لا الولد داكشي عندو غي زيادة راه جمعو معاك غيطماع سيري جلسي فدارك او هدري معاه قولي ليه بغتي نتعاونو مرحببببا اجي نديرو ورقة وستيلو ايه ديرو ورقة وستيلو او نتحاسبو مابغاش لله يعاونو او جلسي فدارك ومدام هازا راسك وهزا ولدك وهو غير طماع مافيه خير ولكن متصرعيش طلاق ساااهل خليه اخير حال حتى تجلسو او تهدرو عطيه فورصة باليك غيتقاد داكشي لليبغينا باليك هو هو ومغيتغير واللو وزيد عليك غيبهمو ولفقصة ديري للحل لاخير والله يهديه اختي ويخلي شملكم مجموع او يتاويكم لخير حيت لفراق متبغيه للعدوك لله يسسر امركم ويخل ليك وليدك

      حذف
  96. غير معرف11/3/15

    Alla isaham ma's3ab

    ردحذف
  97. التائهة - الرباط
    السلام عليكم ورحمة الله تعالى وبركاته
    أخواتي أنا مطلقة منذ 3 سنوات ولدي طفل 6 سنوات ومريض بالربو ومشكلتي مع طليقي هي عدم التزامه بأداء النفقة حتى أقوم كل مرة برفع دعوى وأدفع أتعاب المحامي والمفوض في الأخير لا يتبقى لي إلا القليل وهذا هو هدفه. باختصار أنا مللت حياتي والسينين تمر وأنا كل مرة تتكرر المشكلة ومحاميه مشهور بمناوراته ومعارفه مع العلم أنه بدأ حياته من جديد وتزوج وأنا وطفلي نعيش المأساة خصوصا أنه لا يزور إبنه.
    المرجو منكم إفادتي بما يمكنني فعله وكذا إسم محامي معروف لأسترد حقوقي وطفلي

    ردحذف
  98. التائهة - الرباط
    السلام عليكم ورحمة الله تعالى وبركاته
    أخواتي أنا مطلقة منذ 3 سنوات ولدي طفل 6 سنوات ومريض بالربو ومشكلتي مع طليقي هي عدم التزامه بأداء النفقة حتى أقوم كل مرة برفع دعوى وأدفع أتعاب المحامي والمفوض في الأخير لا يتبقى لي إلا القليل وهذا هو هدفه. باختصار أنا مللت حياتي والسينين تمر وأنا كل مرة تتكرر المشكلة ومحاميه مشهور بمناوراته ومعارفه مع العلم أنه بدأ حياته من جديد وتزوج وأنا وطفلي نعيش المأساة خصوصا أنه لا يزور إبنه.
    المرجو منكم إفادتي بما يمكنني فعله وكذا إسم محامي معروف لأسترد حقوقي وطفلي

    ردحذف
  99. غير معرف18/4/15

    السلام عليكم عافكوم اخوتي بغيت كم تعاونوني رآه معالم بيا إلا الله سبحانه تعالى انا امرأة مطلقة تقريبا 6 سنين مقيمة إسبانيا ودائما تنطلق من الله أن يرزقنا الزوج الصالح خصوصا معنديش اطفال وحدة مدة 7 شهور تعرفت على شاب عن طريق العائلة وحتى هو مقيم بإسبانيا المهم تعرفنا وقرروا ندفعو الأوراق في القنصلية وقمنا بكولشي أي دفعنهوم وبقا بنتنا الاتصال وكنت تنمشي عندهم حيت هو مقيم مع اخواتأو تو المهم القنصلية جاورها هي 4 شهور ولكن هو دائما تقولي من بعد فوق بغا الله وماخرا قوتليه خاصنا نقرروا النهار باش نديرو الاكط قالي هاداكشي ديال الله ودابا تنتاصل يبه ومتيجوبنيش عافكوم قولولي اش ندير انا والله اخوتي باغا غير نتستر وندير وليداتي عافاكوم عاونوني

    ردحذف
    الردود
    1. om sofiya21/4/15

      Salm khti ttalbi akhti li fiha lkhir llah yjibha lik ana hassa bik wlkin lkhyr fima khtaraho llah mtb9ych t3ytti lih ttalbi llah goli lakn fih lkhir llah yjibo liya kn fih char llah yb3do mni ou yjib liya mahssann mno bach mt3awdi ttihi fnafss lkhttaa louwal twali 3wtani fmchkil kbar lifiha lkhir llah yssar lik fiha chfti lo kan mazal fih lkhir ou mktbin lb3dkom yji wi3ytt lik wtzwjo llah yfrahk fhad chahr lkbir llah yrz9ak zawj ssalih llah yfrhk llah yssgam lik sa3d nti wga3 lbnat libghin ytsttro blhalal wllah rbi mykhiybak ghisabri daba y3wad lik llah brajl linassik koul mda3 lik llah yssm3ak ahssan khbar yarbi

      حذف
  100. غير معرف25/4/15

    شكرا الاخت أم صوفية ولله إلا خففت عليا نطلب من الله يكون معايا شكرا وجزاك الله خيرا

    ردحذف
    الردود
    1. om sofiya5/5/15

      لا شكر على واجب حبيبة الله يفرحك ويسر ليك لفيها الخير عاجلا غير اجلا الله يرزق بزوج صالح تقي نقي والغني علاش لا الله يسعدك فحياتك حبيبة انا قلت ليك هاكداك حيث انا وراجلي فالخطبة تفرقنا على سبب بسييييط صافي هو قلع حيث مقيم فايطاليا صافي نسيتو جا واحد اخر خطبني مبغيتش قلت ليهم صافي نديها فقريتي ونخلي زواج من بعد صافي دازت شهريين حتى هادك سيد الاول لكان خطبني وراه دوزنا الخطبة كااع صيفط عائلتو صافي عتدرو ورجعنا وها انا جيت معاه لايطاليا وحنا ولدنا بنية متقولي والو لمكتابة ليك كتوصلك واخا معرفت شنو يوقع سمحليا طولت عليك الله يفرحك ويناولك كل مكتمناي فحياتك

      حذف
  101. ام محمد رضا27/4/15

    السلام عليكم البنات توحشتكم وسمحولي على الغيبة ام البنوتة فين راكي هاني دخلت نتمنى تكتبي تعليق تطمنيني عليك وعلى احوالك شفتك حتى انت غبتي يكما حتى انت حاملة ههه . ام نادر تحياتي ليك وراني عارفة مكتدخليش بزاف للموقع بسبب الخدمة الله يكون معاك ويعوضك خير اما الاخت المطلقة لي من اسبانيا سمحيلي مالك على حالتك رانا قبل مكنفكرو فالوليدات كنفكرو في ابوهم واش راجل ومسؤول وحنين عاد واش اصلاح يكون اب متخليش هاجس الامومة يغلب عليك فكري واستاخري الله مرارا والله مكيدير غير لي فيها الخير حمدي الله انك بصحتك وخدامة والباقي يتولاه الله اما التاءهة من الرباط معندك مناش تتوهي وانت امورك بين اصابع الرحمان استعني بالله وتوكلي عليه ولن تخيبي ابدا اش نقول ليك حسبي الله ونعم الوكيل شي اباء الله وحد هو لي غيحاسبهم في الدنيا قبل الاخرة لي نقوليك متسمحيش قحقوقك ولو لي كان والى مخداماش حاولي باش تقدري على متطلبات الحياة ولو غير بالقليل المهم هو الحلال والله كيبارك فيه اما ام رضا انا متافقة مع كل ما قالتو الاخت لي جاوباتك شكرا ليها كانها تكلمات بلساني وفي الاخير تقبلو تحياتي

    ردحذف
    الردود
    1. om sofiya5/5/15

      حبيبة ام رضا الله يكمل عليك الحمل والله ملي عرفتك حاملة فرحت ليك الله يكمل عليك ويسهل عليك طريق الحمل والولادة ويعينك على تربيتهم يارب

      حذف
    2. ام محمد رضا11/5/15

      سلام ام صوفيا يا حبيبتي الله يفرحك دنيا واخرة ويعطيك ماتمنيتي ويسهل امورك داءما وابدا كنقول شكرا لكل الاخوات على دعمعهم وتفاعلهم ودعواتهم معايا وكونو اكيدات بلي لكم بالمثل

      حذف
    3. om sofiya12/5/15

      امين حبيبة والله لعظيم الا راكي عزيز دخلتي لقلوبنا بهدرتك الموزونة وكلامك طيب ونصائح المفيدة مرأة مغربية حرة تستاهلي كل خير ختي الله يخلي لبك وليداتك ويتشوفي البيبي فاحضانك وتكبرهم فعزك يارب اوتشوفيهم في مناصب عليا تهلاي ليا فراسك كولي مزين فشمن شهر دابا الله يكمل عليك بالخير

      حذف
  102. غير معرف17/5/15

    السلام اخواتي في الله.نتمنى نكون خفيفة على قلبكم و نكونو جميعا بخير وراحة و صحة وعافية

    ردحذف
  103. غير معرف18/5/15

    salamo 3alaykom jmi3 al 2akhawat.hbit ndam likom onchark m3akom mochkilti.li anni ta ana raf3a da3wa tlaq okantmna l2akhawat mabkhloch 3liya bnasa2ih dyalhom.ana laila

    ردحذف
  104. غير معرف27/5/15

    السلام عليكم.نتمنى كلكم تكونوا بخير ام محمد رضا مبروك الحباله نتمنى يفكك ربي على خير.ام نادر توحشتك بزاف نتمنى دخلي.ليلى المانيا نتمى تكوني بخير وكاع الاخوات .ام محمد رضا سولتي عليا احبيبة انا بخير الحمد لله ولكن باقا محاملاش ههههه.ام البنوته

    ردحذف
  105. حنان15/7/15

    البنات علاش متتكملش الكتبة شنو مشكل هنا

    ردحذف
  106. سلام انا سميتي اسماء كتب الله وطلقت حاملة و انا فالمحاكيم هادي عام مليت والله وعندي شي اسىلة الى قدرتو تعاونوني الله يحازيكم بخير طليقي عندو ماندة 3800 درهم شكون فيكم لي طلقات بولد او شحال حكمو ليها فنفقة ولدها تاني حاجة طليقي مدخل ولدو ف لاميتييل او انا ولدي الله ينجيكم كيمرد لي بزاف او ديما كنشري دوا بغيت نعرف واش بامكاني ندفع ليه دوا او نستافد منو انا وخا بسميت باه؟؟ حيت حنا مطلقين و بطبيعت الحال باه لا عطيتو دوا لي خسرت غادي ياكلني ف فلوسي كيف ما مولف يدير لي ديما الله ياخد فيه الحق عافاكم لي عارفة شي حاجة متبخلش علية ا الله يفرح كل وحدة

    ردحذف
  107. غير معرف24/11/15

    Salam om rida Siham ga3 lbnat bghitkom dironi khtkom ana mtal9a mn rajl lowl mli Kant andi 18 3am db andi 22 tzowjt sghira o 3ardi nass onba3d mn kelmet mtal9a hit knt kanhes b na9s o chafa9a dyal nass 3liya mskina chof chhal zwina omtal9a lmohim fach waslat andi 19 3am tzowjt b rajl f eurpop kan mzyan f lowl df3li lora9 mn b3d rafdo li db 2 ans f darna o taygoli mn b3de mn b3d o kol mara mochkil o walidih mabaghinich mn lowl o homa saknin kharij lmdina taygolo lo tskon m3ana howa mn wahd nahiya drayf o hnine o dakchu li khalani nsbor walakin 3yit bnadm o hadrto ba9a mamchitich o mli tangolih sobri chhrayn o randf3lik o n9ad omour o mesrouf 9lil afakom gololi chno ndir wach nzide nsbor ola ntlob tla9 mlatni mo khayb lmohim bghit n

    ردحذف
  108. غير معرف27/11/15

    أم منال ،أم لطفلين افترقت أنا و أبوهم لمدة سنة تقريبا في الأول رفع دعوى تطليق الشقاق ثم في الجلسة الثانية دفع بمقال إصلاحي للمقال الأول بعنوان الرجوع لبيت الزوجية،فنفدت حكم المحكمة في الرجوع ،و كان هذا الرجوع هروبا من النفقة فقط ليست نيته طيبة ،علما بأنه كان يسكن في منزل بملكي.لايسأل عن أولاده و لا يزورهم كأنه لم يكن أبا يوما ما.توصلت عن طريق المحامي بنفقة 5 أشهر الأولى و الآن لمدة 6 أشهر لم نتوصل بشيء علما أن الأعياد و الدخول المدرسي و .. و ...من فضلكم أريد أن تفيدونني قانونيا و أن تنصحوني ماذا أفعل ؟

    ردحذف
  109. السلام عليكم ورحمة الله بغيت نقول لجميع ربي كيمتحن وكل وحدة ماكتابلهاش زواج الاول ربي يقسم لها فزواج ثاني انا تزوجت كانت عندي 16سنة لمدة 24يوم ودرت دعوة طلاق شقاق وقعدت حتى درت 23 سنة والحمد الله ربي عودني يولد الناس حسن من الاول وكل حاجة مكانتش فالاول لقيتها فهذا التربية الاداب الاحترام الدين الرزق الخدمة دارو زين لعقل كامل والكمال لله او ياله هذه 20 يوم ملي تزوجت الله يدير الي فيها الخير لجميع بنات المسلمين وكل مغبونة وكل محكورة ومظلومة

    ردحذف