طورطات و كيك

[طورطات و كيك][bsummary]

حلويات الصابلي

[حلويات الصابلي][twocolumns]

حلويات اللوز

[حلويات اللوز][bleft]

اروع ما في السلطات

[اروع ما في السلطات][bsummary]

العناية بالجسم والبشرة

[العناية بالبشرة و الجسم][bleft]

العناية بالشعر

[العناية بالشعر][bleft]

نصائح لتكوني طباخة ماهرة

السلام عليكم و رحمة الله و بركاته

موقع بسمة لكل ما يهم المرأة المغربية يقدم نصائح لتكوني طباخة ماهرة

نصائح لتكوني طباخة ماهرة


الكيك باش يجي طالع وبنين السر ماكندير لادانون لاحليب كاندير كاس ديال الماء بارد

الدجاج المحمر الا كانو جايين عندي الضياف كنشريه على تساع ونرقدو في العطرية ونديرو في الفريكو كيجي لديد وهشيش

الطياب بكل انواعو لي كيطيب داغيا او لي كيشد الوقت كنقص عليه العافية بزاف مثلا الكرعين او لحم الراس كنقص عليهم العافية كيجيو لداد ودغيا كيطيبو

باش اللحم يطيب دغيا ولا اي حاجة كتاخد الطياب مكنديرش فيها مطيشة في الاول حتى الاخير الى كان طاجين متلا نحكها ونرميها مع الخضرة .

وباش تجي الكيكة طالعة الخميرة كنديرها حتى للاخير اي حتى ندير الدقيق ونخلط ونضيفها ونعاود نخلط

الحرشة كنضيف لها 2 معالق كبار نيدو ونقص شوية من الزيت باش مضرش وكتجي هشيشة وبنينة .

الحريرة كندورها بمايزينة كتجي بنينة وخفيفة ومكضرش في المصارن بحال الفرينة

واحد الخلطة تاع العطرية ، رائعة بمعنى الكلمة، كنديرها في اللحم و حتى الدجاج، كتاخدي نفس المقدار من سكينجبنر و القرفة و الهيل (قاعقلة)، مطحونين، خلطيهم مزيان و ديريهم في قرعية دالزاج.

الدنجال مقلي الى بغيتيه يجي بنين مرمديه في الشرمولة ديال الحوت ثم في الدقيق او شابلير لي متوفر و من بعد قليه انا كنقطعو اصابع طوال بحال الفريت

لحريرة مني طفي عليها زيديها معلقة كبيرة قزبر مكرد.

كولشي كيقولي اش كديري الدجاج كيجي كيف ديال العراس و السر هو مللي كتبقى المرقة قليلة كنهز الدجاج كان صاين و لا مقطع في الفران يتحمر و ديك المرقة كنقطر فيها قطيرات الخل كتولي عاااقدة و غزالة عنداااااااااكم تكثروه .جربوها و دعيو لي...

المسمن باش يجي مورقة هشيش كندير مع زبدة خميرة الحلوى

اللحم او القطنية ايلا بغتيهم يطيبو دغيا كنزيد ليهم شوية ديال الخميرة د الحلوة دغيا كيطيبو .

ملي تبغي تزيدي الماء للطاجين ديال اللحم او الدجاج أولا خاصو يكون ماء مغلي باش ميطرطقش ليك طاجين و متكثريش الماء ومتكبيش الماء فوق اللحم مباشرة وانما فالجاناب ديال الطاجين او الطنجرة.


ايلا كنتي كتقلي اي حاجة فوق البوطة جهدي للعافية عاد منبعد نقصي عليها.

القزبور حبوب مطحون كيجي لديد بزاف مع اللحم انا ديما كنديرو فاللحم كيعطيه واحد المداق غيييييييييييير.

ايلا بغيتو الكيكة تجي طالعة مزيان ملي تكونو كتفرغوها فالمول هز يدك الفوق بحال ايلا كتكبي اتاي حتى تفرغيها كاملة و هكا غتسمحي بدخول الهواء المؤدي لإنتفاخ الكيك.

فاش نبغي ندير اللحم واللوبيا البيضاء كانعمل معاهم 4 أولا 5 د عضوما
(النوى) د التمر .. اللحم كاتجي فتييييييييية ومعتبرة.

منقول للافادة



هناك 25 تعليقًا:

  1. غير معرف3/9/14

    chokran aokhti allah i3tik matemniti baina fik tabbakha mahira

    ردحذف
  2. غير معرف3/9/14

    Tbrkalah 3lik lah ikhalik lina dima ta3tina ljadid

    ردحذف
  3. imane3/9/14

    Jazaki llaho khayeran 3ala koli hadihi al ma3elomat

    ردحذف
  4. om hajar3/9/14

    salam 2o3alikom jazaki llaho khayran 3ala had lma3lomat

    ردحذف
  5. غير معرف3/9/14

    alham bach etib darya 7asna ndiro lmalha fla7aire hya le katkasho machi maticha

    ردحذف
  6. ام اسماعيل3/9/14

    شكرا اختي بسمة، الله يعطيك كل خير وحسن الخاتمة وكل مكتمناي .الموقع ديالك كل غزاااااااااااااااااااااااااااااااااال .ام اسماعيل من اسبانيا

    ردحذف
  7. aicha3/9/14

    lah yjazik khayran chi haja man hadchi ana kandirha tbarek lah alik o khlass !!

    ردحذف
  8. aicha3/9/14

    brit nsawlek ala kif kadiri lih wach katjamdih lah yjazik bikhir djaj li kadir f lefrigo

    ردحذف
  9. Chokran 3la nasaih.w tbarkallah 3lik.chati kharij 3la blad taybi li taybi w tcharmli w matjich bhal lmakla fost lblad . B khodratha w lhamha lbnan.

    ردحذف
  10. غير معرف3/9/14

    salamo ralikom chokran bzaf rla maw9i3 .momkin thato lina
    tarikate tfsil 3abaia li randha khbra fi khyata ofsala .chkran

    ردحذف
  11. شكرا الله اعطيك الصحة

    ردحذف
  12. أم سليم دنيا4/9/14

    جزاك الله خيرا أختي على هذه النصائح القيمة.

    ردحذف
  13. غير معرف5/9/14

    lay3tik sa7a

    ردحذف
  14. asmaa5/9/14

    salamo alikom ana fatat omri talatata achara sanatan ohibo mawkiaki wa atabkha katirannnnnnnnn wa achekoraki jazila achokri wa atamana laki hayatan maliatan bi al khayri wa al iman

    ردحذف
  15. asmaa5/9/14

    ana fatat omri talatata achara sanatan ohibo mawkiaki katirannnnnnnnnnnnnnnnnnnn li anaho manahani mawhibata atabkhi bi itekanin achekoraki jazila achokri wa atamana laki hayatan maliatan bi al khayri wa al imani wa al imano an taaboda allaho ka anaka taraho fain lam takon taraho fainaho yaraka

    ردحذف
    الردود
    1. ghizlane5/9/14

      Thank you very much

      حذف
  16. غير معرف8/9/14

    شكرا نصائح قيمة لجميع المبتدئات بحالي الله اجازك بكل خير ام عمران

    ردحذف
  17. غير معرف8/9/14

    شكرا بزاف على هذه المعلومات

    ردحذف
  18. غير معرف12/9/14

    Slm ach ghangolik dart lma fkika jat haltha ach dar lia baba blm3yor hram 3likom walah

    ردحذف
  19. غير معرف12/9/14

    chokran bezaf 3la had ma3loumat al9ayima

    ردحذف
  20. غير معرف15/9/14

    Ytawal 3amrak hada kamal zayn

    ردحذف
  21. شكرا أختي شي حوايج كنت عارفاها و حوايج أخرى عرفتيها ليا شكرا مرة أخرى الله يوفقك.

    ردحذف
  22. غير معرف20/12/14

    جزاكي الله خيرا اختي ♥

    ردحذف
  23. غير معرف6/10/15

    shokranbzaf

    ردحذف
  24. غير معرف6/10/15

    shokran

    ردحذف