طورطات و كيك

[طورطات و كيك][bsummary]

حلويات الصابلي

[حلويات الصابلي][twocolumns]

حلويات اللوز

[حلويات اللوز][bleft]

اروع ما في السلطات

[اروع ما في السلطات][bsummary]

العناية بالجسم والبشرة

[العناية بالبشرة و الجسم][bleft]

العناية بالشعر

[العناية بالشعر][bleft]

الكسكس الملكي خاص بالمناسبات والعراضات

السلام عليكم و رحمة الله و بركاته

موقع بسمة لكل ما يهم المرأة ة المغربية يقدم الكسكس الملكي خاص بالمناسبات والعراضات


الكسكس الملكي خاص بالمناسبات والعراضات

مقادير و طريقة تحضير الكسكس الملكي خاص بالمناسبات والعراضات


من الاخت ام نسرين جزاها الله عنا كل خير
السلام عليكم ورحمة الله وبركاته حبيباتي اليوم جبت ليكم الكسكس الملكي بالنسبة يلا عرضتي على شي حد كيحمر الوجه وكيجي رائع نتمنى تقبلوا علي ههههههههههه
بلا منطول عليكم ندخل فالموضوع انا نعطيكم مقادير 2 كيلو وانتما يلا بغيتوا ضوبلوا المقادير

مقادير الكسكس الملكي خاص بالمناسبات والعراضات

2كيلو اللحم الملج+2كيلوالكسكس متوسط+2البصلة حمرة +1كيلو الكرعة حمرة+1الجزر+قبطة الربيع معدنوس




4\1اللوز محمر ومهرمش +4\1الكركاع +4\1البرقوق+ 4\1المشماش+ 4\1الشريحة + 4\1الزبيب الابيض+ 4\1السنيدة




2معالق ص البزار+2م ص سكنجبير+2م ص الخرقوم+الزعفران شعرة+السمن+القرفة+الملحة+2\1م ص بسيبية +2\1قعقلة2\1م ص نويويرة+ضامة البنة الزعفران+الزيت




طريقة تحضير الكسكس الملكي خاص بالمناسبات والعراضات:

اولا ناخد 3 البصلات قياس واحد وشوية الربيع مقطع واسكنجبير والابزار والخرقوم وبسيبيسة وقعقلة ونويويرة والملحة وضامة الزعفران وكا س الزيت والسمن نص كاس الماء ونخلط كلشي مزيان ونرقد اللحم ونتقبوا بموس ونخليه من الاحسن ليلة كاملة 
الصباح نردو فالكوكوط ونكب الترقيدة ونزيد الماء ونسد عليها.
ناخد شويةالشحمة ونردها فالطنجرة ونزيد 2 بصلات مقطعين شرائح ونفس التوابل اللي درت فاللحم ونزيد خيزومقطع على زوج وقبطة الربيع وشوية الزيت والماء فاش يطيب ملي نحس بيه طاب نزيد الكرعة مقطعة طراف ملي يطيبوا نحيدهم ونصفهيم وداك المرقة اللي بقات لي نزيدها على ديال اللحم.
ناخد الكسكس ونفورو بالطريقة العادية.
ناخد البصلة اللي بقات ونقطعها شرائح ونزيد الملح والابزاروالزيت حتى تدبال ونزيد 2مغارف المرقة ديال اللحم و4معالق سنيدة ومعلقة ص القرفة ونبدا نعسلها ونكب الزبيب من بعد ما رطاب حتى يتعسلوا مزيان ونحطهم جانبا.
ناخد الفواكه الجافة كنسلق كل حاجة بوحدها حتى تنشف من الماء ونزيد على كل حاجة مغرفة المرقة والسنيدة والقرفة حتى يتعسلوا.
من بعد نحيد خيزو ونحطو وناخد الكرعة ونشفها مزيان ونكورها ونمرمدها فاللوز مهرمش ونحطها بحال الصورة



ناخد الكسكس فالفورة الاخيرة ونحلو بالزبدة واللوز مهرمش اللي بقا لي.
الطريقة النهائية:
ناخد فصرية ونكب الكسكس ونبدا نسقي والمرقة نزيد فيها السمن والزعفران شعرة والوسط نحط اللحم وفوق منو البصلة معسلة بالزبيب وفوق منها نحط الشريحة والمشماش وفوق كل حبة نحط كركاعة والحاشية ديال اللحم ندورها بلبرقوق والجناب نحط خيزو وبين كل وحدة نحط الكرعة مكورة فاللوز وشوية البصلة معسلة.





هناك 7 تعليقات:

  1. غير معرف22/9/14

    Ammm dkachi azwin atbarklah akhti ana zina

    ردحذف
  2. غير معرف22/9/14

    Ghzaal tbrklah 3lik akhti

    ردحذف
  3. غير معرف22/9/14

    WACH AKHTI 2 BASLAT WALA 2 KILOS BASLA

    ردحذف
  4. غير معرف22/9/14

    Merci c'est très élégant

    ردحذف
  5. زوين بزاف كانو جايين عندي ضياف و درتو ليهوم هماقو عليه الله يعطيك الصحة و يرزقك كل ما تمناي

    ردحذف
  6. زوين بزاف كانو جايين عندي ضياف و درتو ليهوم هماقو عليه الله يعطيك الصحة و يرزقك كل ما تمناي

    ردحذف
  7. غير معرف8/1/15

    oui zwine hake lkoskose

    ردحذف