طورطات و كيك

[طورطات و كيك][bsummary]

حلويات الصابلي

[حلويات الصابلي][twocolumns]

حلويات اللوز

[حلويات اللوز][bleft]

اروع ما في السلطات

[اروع ما في السلطات][bsummary]

العناية بالجسم والبشرة

[العناية بالبشرة و الجسم][bleft]

العناية بالشعر

[العناية بالشعر][bleft]

طريقة تحضير الخوخ و المشمش المعلب او المصبر او المرقد في البيت

السلام عليكم و رحمة الله و بركاته

موقع بسمة لكل ما يهم المرأة المغربية يقدم طريقة تحضير الخوخ و المشمش المعلب او المصبر او المرقد في البيت

طريقة تحضير الخوخ و المشمش المعلب او المصبر او المرقد في البيت


من الاخت ام سعد و رميساء جزاها الله عنا كل خير
لخوخ مرقد حلو كيجي غزااااااااال وحنا كنشروه بالدقة من المحلات الكبرى و هي طريقة تحضيرو ساهلة بزاااااف.انا ها السيمانة علبت الخوخ و السيمانة الجاية ان شاء الله المشماش و لكن الطريقة راه واحدة.

لتحضير السيرو قياس الماء دوبل قياس السكر. انا استعملت كاس ديال السكر سنيدة و جوج كيسان ديال الماء. و 6 خوخات كبار خرجولي 3 قرعات صغار.


في كاسرونة غادي ندوبو السكر و الماء حتى يولي سيرو ونحطوه على جنب.

القراعي طبعا خاصنا نغسلهم مزيان و نغلوهم في الماء طايب و ن قلبهم فوق فوطة ديال الكوزينة نقية.



في كسرونة كبيرة او طنجرة نسخنوالماء حتى يغلى و نحطو فيه الخوخ دقيقة واحدة.و في زلافة كبيرة نكونو عمرناها بالماء و التلج نحطو فيها الخوخ باش يبرد 




و نستفوه في القراعي ونخويو عليه السيرو لي وجدنا من قبل. و نسدو القراعي و يا اما نحطهم في الماء يغلو واحد دقيقة او نطلقو عليهم الماء سخون. 

و نمسحوهم مزيان ونحطوهم في بلاصة مضلمة بحال ش بلاكار



و هاد اخوخ ممكن يقى عام كامل ماشي بحال الفريكو 3 اشهر و صافي.
و بالصحة و الراحة و متنساوش تدعو معاي و مع جميع الاخوات لي محتاجين دعائكم.
السلام عليكم و رحمة الله تعالى و بركاته.



هناك 13 تعليقًا:

  1. om adam3/9/14

    Machaelah 3lik hadchi ghzal,ghadi njrbo inchaelah wachokran

    ردحذف
  2. Radi njarbo ichae alah merci

    ردحذف
  3. Tbarkallah 3lik .allah ya3tik saha.

    ردحذف
  4. om adam4/9/14

    Asalamo3alaykom,dirt alkhokh mo3allab obghit n3raf fo9ach n9dar nstahlko wachokran

    ردحذف
  5. غير معرف24/10/14

    siri akhti allah ysahal 3lik

    ردحذف
  6. أم التوأم16/11/14

    السلام عليكم،جربت رقدت الخوخ بنفس الطريقة،وسديت القراعي بعد معقمتم،وحتفضت بهم لمدة 4 أيام ملي شفت القراعي لقيت الغطاء ديالهم منفوخ،وملي فتحت عليهم بدى غير كيفض وريحتو ومضاقو خايب،معرفتشي السبب.وشكرا

    ردحذف
  7. غير معرف10/1/15

    ربما بقا محلول ودخلو الهوى

    ردحذف
  8. غير معرف13/4/15

    khasak taybi dak siro wtkhalih yabradb

    ردحذف
  9. غير معرف28/4/15

    شكرا هنيتيني من شريان الخوخ معلب اصلا ماشي صحي وهادي طريقة ساهلة و شكرا

    ردحذف
  10. غير معرف19/5/15

    تبارك الله عليك و ربي يحفظك

    ردحذف
  11. غير معرف19/5/15

    شكرا بزاف الله يجزيك

    ردحذف
  12. سارة11/9/15

    الله يعطيك الصحة حتى أنا غنجربوا

    ردحذف
  13. غير معرف4/1/16

    salam wa3alaykom chokran 3la mjhodk li at9omi bih ama bnisba li kayb9a ytklm hadi masd9atch hadi matl3atch sabab mnha machi mnk hit nti maradich thti chi haja ralta bla mnfa3a wachokran

    ردحذف