طورطات و كيك

[طورطات و كيك][bsummary]

حلويات الصابلي

[حلويات الصابلي][twocolumns]

حلويات اللوز

[حلويات اللوز][bleft]

اروع ما في السلطات

[اروع ما في السلطات][bsummary]

العناية بالجسم والبشرة

[العناية بالبشرة و الجسم][bleft]

العناية بالشعر

[العناية بالشعر][bleft]

سيروم لشعر جذاب بلا تساقط ورطب حرير من صنع ايديك بلا مواد كيماوية

السلام عليكم و رحمة الله و بركاته

موقع بسمة لكل ما يهم المرأة المغربية يقدم سيروم لشعر جذاب بلا تساقط ورطب حرير من صنع ايديك بلا مواد كيماوية

سيروم للشعر جذاب بلا تساقط ورطب حرير من صنع ايديك بلا مواد كيماوية



من الاخت ذاكرة جزاها الله عنا كل خير
طبعا كلنا تنعرفوا المشكلة الي بزاف تيعانيوا منها والي هي تساقط الشعر والقشرة 
والى دخلنا في اسباب هاذ التساقط ما غاديش نساليوا ولكن الي خاصنا نعرفوه 
هو ان الشعر ملي تيبدى يتساقط راه مريض والزغبة ما بقاتش تستحمل 
والاسباب عديدة وابسطها عدم الاهتمام بتغذية فروة الراس والزغبة والى مشطناه
نمشطوه بعنف والسيشوار والترطيبة والصبايغ والديميلورات والمشيط وهو فازك 
والغسيل بالماء الحار او الساخن بزاف والمساكات الكيماوية والشامبوانات
الي لا تخضع لاي صفة من الجودة ايوا بالسيف الشعر مسكين ما يفقد اللون 
والحياة ويولي طالب الشرع وتقول الزغبة اللهم الموت ولا هاذ الحالة كاينا ولالا 
وكما تنعرفوا ان نصف الجمال هو الشعر الصحي ماشي تخرجي به مكشوف
كمسلمة عليك بالحجاب والستر، وهكذا شعرك يبقى محفوظ 
لراسك ولزوجك واهلك ان شاء الله 

واصلا ما تنشوفوش بالعين المجردة ما تعانيه الزغبة من اضرار
ايوا باش نتفاداوا كل هاذ الاعراض ونعالجوا الشعر قبل ما تبقى 
غير زغبة وحدة وذيك الساعة ما ينفع معاك لا دوا ولا غيره
طولت عليك ياك ولكن باش تعرفي ان الوقاية افضل من 
العلاج خاصك تعتني بشعرك بحال ملي
تتعتني بوجهك واكلك اليومي.

اليوم جبت لك السيروم الي غادي تصاوبيه بيديك 
ومن الطبيعة طبعا ندخلوا في صلب الموضوع هاذ 
حمام الزيت مغذي للشعر الجاف جدا والمتقصف
الي تنقولوا مكرد ومجعد وما عندو حتى لون
يعني تيبان لونه موسخ وما عندو لا بريق 
ولا لمعان بمعني انه يغذي ويعالج ويرطب
الشعر بصفة عامة ويحارب التساقط 
ان شاء الله .

المواد الي نحتاجوا للسيروم الطبيعي هي كالتالي :

2 دراهم خزامة مطحونة
2 دراهم تارة مطحونة
2 دراهم زريعة الكتان مطحونة
2 دراهم بابونج مطحون 
2 دراهم جنجلان مطحون
2 دراهم حبة سوداء مطحونة
معلقة الزعتر مطحون
طريف من الصبار مطحون
نشريوا المواد عادية ونطحنوها

2 دراس الثومة محكوكين في الجهة الرقيقة
100 غ كوك 
لوزة الافوكا 
كاس زيت نوارة الشمس 
كاس زيت الزيتون 
كاس مخلط بين زيت الخروع وزيت اللوز 
نطحنوا الكوك ولوزة لافوكا مع كاس زيت نوارة الشمس 
وتخليه لمدة 3 ايام في مكان مظلم ومن بعد تاخذي فقط 
الزيت الي يكون طالع صافي الفوق والتخت غادي تحتافظي به 

وزيت الزيتون نعملوا فيه الثومة محكوكة ونسخنوه 
ماشي حتى يتحرق غير يطلق شوية 

زيت الخروع نسخنوه نزيدوا لو زيت اللوز وزيت الزيتون 
وزيت الكوك ولوزة لافوكا و نعملوا الاعشاب كلها الي
طحناها ونخضوها مزيااااااان في قرعة الزاج
وها السيروم ديالك قرب يوجد تقفلي عليه
وتغلفي القرعة بورق الالمنيوم وتخليها
في البلاكار بعيد على الضو لمدة 7 ايام

وهاذ السيروم تبداي تستعمليه 
ملي يكون شعرك مغسول وناشف تاخذي قطيرات
منو ماشي تزيتيه لا عادي بحال شي دهنة
وصافي تبداي من الاطراف الى الجذور
وانت تدلكين بحركات خفيفة على جلدة الراس
باش تحرك الدورة الدموية وتغذى المسام 
واكبر خطا انك دهني وتمشطي شعرك وهو فازك
خليه حتى ينشف بطريقة عادية ودوري الباتشا 
بلا فيليلات وشوفي الشعورات كيف غادي تبان لك
شعر جميل وجذاب 

وملي تبغي تغسلي شعرك خذي التخت الي بقا لك
من الاعشاب وزيدي عليه شوية السيروم الواجد 
هو الي تشقي به شعرك بقطنة وانت تتحكي بشوية 
فروة الراس مرة في الاسبوع تخليه 3 ساعات
وتعملي البوني ديال البلاستيك ومن بعد
تغسلي وتبعيه لمدة شهر وردي عليا الخبار 
وتشوفي الشعورات المسبسبة والسوالف الرائعة
وقوية وصحيحة بلا تساقط
وبالصحة والراحة



هناك 37 تعليقًا:

  1. Safaa7/12/14

    Llah y3tik saha ana dart sirom diyal lwssfa tanya hiya li3ndi moujouda hiit ana flghaba mal9ahch tara ou lkhzama llah yssahal 3lik ou yrhm lik lwlidin hadi ahsn d3iwa ou yhfdak mn koul char

    ردحذف
  2. السلام عليكم ورحمة الله وبركاته اريد الإستفسار عن ماذا تعني الأخت في وصفتها ‹‹سيروم لشعر جذاب بلا تساقط ورطب ›بلوزة الافوكا هل هي النواة التي تكون بدخلها ام شئ اخر من فضلكم وذكرت ايضا زيت الكوك كيف نحضره ام نشتريه جاهز شكرا لك جزكم الله كل خير .

    ردحذف
    الردود
    1. غير معرف20/1/15

      Oui

      حذف
    2. غير معرف22/6/15

      Hhhh

      Hhhhhj

      حذف
    3. غير معرف22/6/15

      Hhh

      حذف
  3. غير معرف29/12/14

    شعري ضعيف وبي تقصف ويتصاقط قربت للصلع ارجو منكم اساعدوني

    ردحذف
  4. غير معرف29/12/14

    شعري ضعيف وبي تقصف ويتصاقط قربت للصلع ارجو منكم اساعدوني

    ردحذف
  5. نونو29/12/14

    شعري ضعيف وبي تقصف ويتصاقط قربت للصلع ارجو منكم اساعدوني

    ردحذف
    الردود
    1. غير معرف17/9/15

      عليك اختي بالسدر او السدرة مطحونة مع مء داقئ و ملعقة زيت خروع وملعقة زيت سمسم حطيه على شعر نقي اى بعد الغسل وغطيه بغطاء بلاستيكي مدة 4ساعات ثم شلي شعرك جيداا بدون استعمال شامبوا وبعد ما ينشف استعملي قليل من زيت اللوز داوميعلى هاذا مرتين في الاسبوع وبالتوفيق اختي وللمزيد شوفي على قوقل السدر للشعر

      حذف
  6. غير معرف31/12/14

    انا بحث على تارة ولقية انها كتقتل بصيلات الشعر او كتليق لإزالة الشعر الزاءد عفاك إلى كانت الوصفة مجربة او تارة مفيها حتاضرار جوبينا الله إجازيك بخير

    ردحذف
  7. غير معرف2/1/15

    jrbtha o kanat al natija haila lah y3tik sha

    ردحذف
  8. غير معرف2/1/15

    عفاكم إلى ماجوبني واش تارة كتليق للشعر رأنا موجد المقادير أكنتسنىالله إخليكم.

    ردحذف
  9. غير معرف18/1/15

    chkran bzaf khti basma layhfdk ana jrbtha ortahit ch3ri rtab omab9ach kaytih bhal lwal

    ردحذف
  10. غير معرف20/1/15

    Bravo

    ردحذف
  11. KHALATO IKRAM WA YASMIN4/2/15

    ASALAMO ALAYKOM INCHA ALAH NJARABHA OU NRED ALIKOM ALKHBAR

    ردحذف
  12. غير معرف6/2/15

    WACH LWASFA MJRBA O NAJ7A 3AFAK LAMA JAWBINI A O5T BASMA CHOKRAN

    ردحذف
  13. غير معرف16/2/15

    oui mjrba

    ردحذف
  14. غير معرف16/2/15

    osfa zwna

    ردحذف
  15. غير معرف11/3/15

    WACH MJARBA ANA CH3RI NACHAF BAZA WBRIT NDIRHA

    ردحذف
  16. غير معرف17/3/15

    ana sam3a ana tara wahiya nabat saad kaydiroha f wasfaat l izalat caal ana mansahkomch biha

    ردحذف
  17. غير معرف20/3/15

    ana mazal madartha kantmana tkon maziana

    ردحذف
  18. تومة واش تخلط مع الاعشاب او نحتفض بها بوحدها وشكرا لك

    ردحذف
  19. غير معرف23/3/15

    waw wa waw waw waw waw waw waw ma la nihaya wa

    ردحذف
  20. غير معرف7/4/15

    ana kachokrek 3La had lwasfa likont m7etajala bzaf omli njarba ida jat m3aya 3ande3i m3ak okhti basma wahd d3iwa rzala

    ردحذف
  21. غير معرف7/4/15

    chokra habibti basma hanjarb had lwasfa rada onrod 3lik lkhbar inchaa lah mirsi boko

    ردحذف
  22. Romayssaa11/4/15

    Allh ijazikom bi 5ir wach had alwasfa majarba

    ردحذف
  23. غير معرف13/4/15

    هادشي كتير بزاف

    ردحذف
    الردود
    1. غير معرف22/7/15

      وي بزاف

      حذف
  24. غير معرف24/4/15

    سلام عليكم تارة خطيرة بزاف كتحيد شعر وعندها بزاف سميات هي نجم وسعد وتارة وتيموسيت بشلحة وراه قلها دكتور الزقلي باش تحيدو شعر

    ردحذف
  25. غير معرف21/6/15

    offfffffffffff

    ردحذف
  26. غير معرف14/7/15

    Haba nsaksi 3la 2 draham hal ta3ni 2kissan wala 2 hafnat ? Min fadlik haba ijaba

    ردحذف
  27. غير معرف14/7/15

    2dirham=kam min dinar

    ردحذف
  28. مريم6/8/15

    جزاك الله خيرا اخت بسمة، اريد الاطمئنان فيما يخص نبتة تارة.
    هل انت متأكدة من انه لا خطورة من استعمالها؟
    اخاف الصلع عوض الشعورات المسبسبة

    ردحذف
  29. غير معرف10/8/15

    Ham9atni hadra dyalaak bazaaf hit hadi hiya ha9i9a ana cha3ri b9owat makandir lih mawad rayr tabi3iya tgarad liya ltaht kolo okantmana tnashini bchi chompwan linasb liya cha3ri hit rah nachaf okitih

    ردحذف
  30. غير معرف13/8/15

    khda3touni rabi youhkrje fike

    ردحذف
  31. غير معرف13/8/15

    vite

    ردحذف
  32. غير معرف30/8/15

    ana ch3ri nachf argkm

    ردحذف