طورطات و كيك

[طورطات و كيك][bsummary]

حلويات الصابلي

[حلويات الصابلي][twocolumns]

حلويات اللوز

[حلويات اللوز][bleft]

اروع ما في السلطات

[اروع ما في السلطات][bsummary]

العناية بالجسم والبشرة

[العناية بالبشرة و الجسم][bleft]

العناية بالشعر

[العناية بالشعر][bleft]

الدجاج محمر بطريقة الاخت ام اسامة و ايمان

السلام عليكم و رحمة الله و بركاته

موقع بسمة لك ما يهم المرأة المغربية يقدم الدجاج محمر بطريقة الاخت ام اسامة و ايمان

الدجاج محمر بطريقة الاخت ام اسامة و ايمان


مقادير و طريقة تحضير الدجاج محمر




مقادير الدجاج محمر
 دجاجة متوسطة + 2 حبات بصل 1 متوسطة و 1 كبيرة + ربيطة معدنوس + 4 حبات ثوم + نصف م ص ماعمراش سمن + زعفران + شوية زعفران شعرة + نصف م ص سكنجبير + ربع م ص إبزار + ربع م ص كمون + ربع م ص قرفة مطحونة + رشة خرقوم + عويدات قرفة + نصف كأس تقريبا زيت بلدية + ملح حسب الدوق + حفينة زيتون أخضر مقطع + قشرة نصف حامضة مصيرة

طريقة تحضير الدجاج محمر

 كنطحن البصلة المتوسطة مع الثوم والمعدنوس ونضيف عليهم جميع التوابل ونشرمل بيهم الدجاجة وندخل 
الشرمولة بين الجلد واللحم وفالفراغ بين الفخد والجوانح وكنعمل ثقوب باش تتشرب مزيان 

نخليها تترقد أطول وقت ممكن ونهار كنكون مزروبة كنطيبها مباشرة 

كنقلي الدجاج من جميع الجهات ونعمل فيها ثقوب مرة أخرى ونضيف بصلة مشنفة وغير تدبال نضيف الماء غليان ونخليها تطيب على خاطرها 




غير تطيب الدجاجة نضيف الزيتون و الحامض ونغطيها ونخلي الدجاجة تتشرب طعم الزيتون والحامض ونحيدها ونخلي المرش تتشرب وتختر مزيان

ندخل الدجاجة للفرن تتحمر مزيان 




رافقت الدجاج بالسفرجل معسل والبيض مسلوق 

طريقة السفرجل : 1 حبة سفرجل + من 3 إلى 4 م ك سكر حسب دوقكم + ربع م ص قرفة + قبصة رشة ملح + ماء 

كنعمل كلشي فخطرة ونغطيه ونخليه يطيب منين نتأكد أنه طاب كنحيد الغطا ونخليه يتعسل الما لي كنعمل كيجي هو هدا مع الطياب مع التعسيل يعني مكنضطرش ننقص من الما 


وهاهي وصفتنا جاهزة نتمنى تنال إعجابكم




بعض الملاحظات والنصائح : فجميع وصفات اللحم أو الدجاج أو أي حاجة كيخصها تتمرق كنضيف الماء غليان كيساعد باش تغلي بسرعة والأهم أنه من الأفضل الحاجة لي سخونة تتمرق بماء ساخن

كيف سبق وقلت في وصفة سابقة أنا مكندهنش الدجاج باش يتحمر بل كنعتامد على الدهن الموجود فالجلد 

وكيف كتشوفو الدجاجة محمرة مزيان وهاد الصور كلها طبيعية يعني ماكنعملتش عليها تأثيرات بالفطوشوب أو بيكاسا 

الدجاج منين كنكون مزروبة كنطيبو فالكوكوط كنسد عليه من 20 ل 30 دقيقة حسب حجم الدجاجة وحسب الوقت لي خليتها تتقلى 

الصدرة دائما تكون لتحت 

وباش الرجيلات يبقاو مجموعين وقت تتحمر كنطيب الدجاج بوقت كافي قبل ما نبغي نقدمها ونهزها من المرق ونخليها تنشف مزيان ودائما تكون منزلة الصدرة لتحت 

وهي غير كتنشف كتبقا شادة راسها مزيان

والأفضل الإناء لي نعملها تنشف فيه يكون إناء ضيق شوية باش يخليها مجموعة وهو نفسه لي ندخلها فيه للفرن 




هناك 18 تعليقًا:

  1. om taha yassn18/12/14

    tbarklah 3lik bayn bnin bzaf

    ردحذف
  2. lah y3tik saha a khti 3la had lwsfa

    ردحذف
  3. غير معرف18/12/14

    mmmmmmmmmmmmmmmmmmmmmmmmmmmmmmmmmm ldiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiiida llah ya3tiksahaaaaaaaaaaaaaaaaaaaaaaaaaaaaaaaaaaaaaaaaaaaaaaa

    ردحذف
  4. غير معرف18/12/14

    Lah ya3tik saha bayrn dak xi bniiiin mais o madaihax manni 9alat sbwAb djaja khasha that 3la dharha o sdar lfo9

    ردحذف
  5. ام اسامة20/12/14

    السلام عليكم تبارك الله عليك شهتيني فيها وانا كنتوحم الله يعطيك الصحة

    ردحذف
  6. غير معرف21/12/14

    Tbarakallah 3lik a kheti Allah ye3dik saha

    ردحذف
  7. غير معرف22/12/14

    merci 3lik bayna tchahi lazam njarabha

    ردحذف
  8. غير معرف22/12/14

    merci 3lik bayna tchahi lazam njarabha

    ردحذف
  9. غير معرف22/12/14

    merci bcp pour cette receeeeette manigfique

    ردحذف
  10. غير معرف26/12/14

    الله شهتيني و انا حاملة وكنتوحم على دجاج

    ردحذف
  11. غير معرف27/12/14

    hadchi bnin lah i3tik sha

    ردحذف
  12. غير معرف28/12/14

    Had chi benin ou zewin

    ردحذف
  13. غير معرف31/12/14

    Lah ybarek khti ya3tik sa7a

    ردحذف
  14. غير معرف2/1/15

    alah y3tik saha jak mndakchi

    ردحذف
  15. غير معرف2/1/15

    Tbrklah 3lik

    ردحذف
  16. غير معرف23/2/15

    svp goli liya kif tadiri bach ib9a djaj b jlda dyalo ana 3ndi mochkil

    ردحذف
  17. om doa325/4/15

    chokran 3la lwasfa jarabtha lyom jat wa3ra ghir ana dart lafrit 3iwad sfarjal chokran

    ردحذف
  18. غير معرف5/6/15

    Choukran lah y3tik sa7a hadchi bnin wzwin lah y3tik sa7a ldouk lidin akheti njrbha inchallah

    ردحذف