اطباق جانبية اطباق سهلة السلطات

الدنجال فالكوكوط سريع و دغيا كيوجد

  الدنجال فالكوكوط سريع و دغيا كيوجد

مقادير و طريقة تحضير الدنجال فالكوكوت :

تناخذو الكمية اللي بغينا ديال الدنجال(من الأحسن يكون صغير،النصيحة اللي نعطيكم ملي تبغيو تشريو الدنجال خوذو الخفيف لأن الثقيل تتكون فيه الزريعة😜)
تنفلحوه على أربعة من التحث منقيسوش الجهة ديال الطربوش(الدنجال مغاديش يفرط في طربوشو😂😂)

بالنسبة للشرمولة:
ثومة محكوكة(تقريبا تندير 3 ضروس في النصف كيلو)،ملح،ابزار،كامون،تحميرة،قسبر و معدنوس مقطع(نغلبو المعدنوس)،حامض مسير،عصير حامض،ربع كاس خل(أنا استعملت الأبيض)،هريسة،ملعقة كبيرة من مركز الطماطم ،ونصف كاس زيت بلدية(ممكن تخلطو بين البلدية والرومية)
نخلطو المكونات،و ندخلو الشرمولة مزيان في الدنجال،نستفوه في الكوكوط،ونزيدو ما تبقى من الشرمولة،نزيدو شوية من الماء،تقريبا نصف كأس،ونخليوه يطيب على نار مهيلة(تنسدو عليه الكوكوط،تقريبا تياخذ ثلث ساعة الطياب)
نخليوه يطيب حتى يوقف في الزويتة ونقدموه بالصحة والراحة🌷
تيجي واااااااااعر جربوه 🤪

هذه الوصفة هي من asmaefood اضغطي هنا لزيارة حسابها

ترك تعليق

error: المعذرة