أطباق تقليدية اطباق جانبية

المقرونية باللحم و العدس

  مقرونة باللحم و العدس على الطريقة المغربية ..لذيذة و مشبعة …بالصحة عشاكم

المقادير:
قطع صغيرة من اللحم – بصلة محكوكة فحكاكة غليظة – 2 مطيشة محكوكة فحكاكة غليظة – 2فصوص ثوم محكوكين- مقرونية من حجم نصف كيلو – قزبر و معدنوس مقطعين- ملعقة من مطيشة الحك – ملح -ابزار – سكينجبير- خرقوم – شووية من توابل المروزية (اختيارية) – شوية من العدس منقي و مغسول

الطريقة : فطنجرة فيها زيت عادية و زيت الزيتون نحطو قطع اللحم و نشحروه مزيان ثم نضيف البصلة و الثومة مع التحريك ثم مطيشة و مطيشة الحك و التوابل..مني يتشحر كلشي مزيان نزيدو العدس و نصبو الماء الكافي يكون ساخن و نسدو الطنجرة و نخليوه يطيب ..مني نحلو الطنجرة نحطو فيها المقرونة و القزبر و المعدنوس و نخليوها تطيب و نقدموها.. و بالصحة

هذه الوصفة هي من matbakh__om__anas اضغطي هنا لزيارة حسابها

ترك تعليق