حلويات طورطات وكيك

باسطيلي بالفلان معروفة بيه منطقة الشمال

باسطيلي بالفلان معروفة بيه منطقة الشمال

باسطيلي بالفلان معروفة بيه منطقة الشمال

باسطيلي

باسطيلي

 مقادير الجنواز :

5 بيضات
1 كاس سكر (180 g )
2 كيسان ماعمرينشي طحين (200 g) كل كأس ناقص واحد الصبيع☝️
2 معالق كبارين مايزينا (نشا) ( 30 غ)
1 لفاني
قبصة د الملح
خميرة د حلوى (7 غ)

الطريقة

كنطلع البيضات مع السكر و الفانيلا بالطراب الكهربائي حتى كيرجع الخليط فحال الكريم تقيل

من بعد كنغربل الطحين والخميرة و النشا وكنضيفم شوية شوية وانا كنحرك بالاسباتولا ولا ملعقة خشبية وضروري كتخلط من تحت نفوقي

باش ما كاتنزلشي العجينة ملي تخلط مزيان كنعملا في المول مدهون بالزبدة ومغطي بورق الطبخ وندخلا نالفران على 160 درجة غير من تحت حتى تنفخ عاد كنشعلا من فوق غير باش تتحمر

انا عملت القالب فيه 27 سنتمتر ،ملي تتحمر كنطفي عليها الفران ونخليها تبرد مزيان

من بعد كنقسما على 2 طبقات

اشكال كيكات

مقادير الفلان

كنعمل كأس د السكر في مقلاة فوق النار هادئة حتى يدوب السكر ويرجع كراميل

كنعملو في قالب يكون فيه نفس القياس ديال الجينواز المهم يكون القالب ماشي الي كيتفتح من الجناب

وكنخليه يقساح وكنخلط : 4 بيضات و نصف لترو د الحليب 4 معالق سكر واحد فلان شينوا

كنخلط كلشي بالخلاط اليدوي وكنخويه فوق الكراميل ضروري الكراميل يكون يابس وكنعمل القالب فواحد الصينية فيها الماء (حمام مريم) وكندخلو الفران يطيب نصف ساعة

اشكال كيكات

نخليو الفلان حتى يبرد مزيااان من بعد نعمل عليه واحد طبقة د كريمة و كنعمل طبقة د الجنواز وكنسقيها بالسيرو

وكنعمل طبقة اخرى د الكريمة و ونسقي الطبقة د الجنواز الثانية وكنعملى فوق الكريمة

وكندخلى الثلاجة تبرد شوية من بعد كنقلبا فطبق التقديم و كيجي الفلان هوا الفوقاني وكندهنلا الجوانب ب الكريمة ونرش عليها الكوك وكنقطعا مثلثات

الكريمة عملت:

400 كريمة سائلة (2كيسان)
3 معالق كبارين د سكر كلاصي
كنخفقا مزيان بالطراب الكهربائي حتى كتعقد (اذا كانت الكريمة حلوة مكيتزدلاشي السكر).
السيرو كنعمل كأس د الماء و نصف كأس د السكر كنخليهم يغليو فوق النار حتى يغليو مزيان وكنطفيلم وكنخليهم يبردو 

اشكال كيكات

اشكال كيكات

باسطيلي

باسطيلي

هذه الوصفة هي من zohra_cuisine.be اضغطي هنا لزيارة حسابها

ترك تعليق