عجائن المعجنات مختارات

بان سويس بكريم باتسيير

بان سويس بكريم باتسيير 

بان سويس بكريم باتسيير 

مقادير بان سويس بكريم باتسيير

3 كيسان د الطحين
3 معالق كبارين سكر
1 ملعقة كبيرة خميرة د الخبز
1 خميرة د الحلوى
بيضة واحدة
3 معالق كبارين دانون مسوس
قبصة ملح
لفاني
حليب دافئ لعجن العجين
2 معالق كبارين زبدة

طريقة تحضير بان سويس 

نخلط الطحين والخميرات وسكر والبيضة ودانون وملح ولفاني

ونعجنو وادا بقا قاسح بزاف نزيدو شوية د الحليب

ونعجنو خصو يكون قاسح شوية حيت عنزيدو الزبدة كيخفاف ملي نعجنوه

نزيدولو الزبدة ونعجنوه مزيان ادا بقا خفيف بزاف نزيدولو شوية د الطحين

من بعد نخليواه يخمر ساعة

طلقت العجينة مستطيلة وعمرت الكريم باتسيير وذهنتا في نصف المستطيل في الحاشية خليت غير شوية في الطرف ماش يلصق فيه الطرف الي عنغطيو بيه

ذهنت دك الحاشية بالماء و رشيت شوية د حبوب الشكلاط

ويمكن تترش بالمكسرات مهرمشة او الزبييب الي كان موجود او تبقى غير الكريمة

بان سويس بكريم باتسيير

من بعد غطيتا بالطرف اخر د العجين وضغطت عليه في المكان الي مذهون بالماء ماش مايتفتاحشي من بعد 

بان سويس بكريم باتسيير

قطعتا مستطيلات وخليتا تخمر  و ذهنتا بالبيض ملي كتحمر خرجتا وخليتا تبرد عاد رشيت عليها السكر 

كريم باتسيير:
نصف لترو د الحليب
3 معالق كبارين سكر او اقل على حسب الذوق
بيضة واحدة
2 معالق كبارين مايزينة
لفاني
نخلطو كلشي ونعملوها فوق البوطا مع التحريك المستمر حتى يعقد 

بان سويس بكريم باتسيير

بان سويس بكريم باتسيير

بان سويس بكريم باتسيير

بان سويس بكريم باتسيير

وهذا الشكل النهائي ل بان سويس بكريم باتسيير

بان سويس بكريم باتسيير

هذه الوصفة هي من zohra_cuisine.be اضغطي هنا لزيارة حسابها

تعليق واحد

ترك تعليق