حلويات طورطات وكيك عجائن

بريوش بالزبدة خفيف مثل الكيك

  بريوش بالزبدة خفيف مثل الكيك

مقادير بريوش خفيف :

500غ دقيق ابيض
10غ خميرة حبيبات
130غ سكر
سكر فانيلا
100غ زبدة لينة
200غ حليب دافئ
2 بيضات
120غ عنب مجفف
قبصة ملح

الطريقة:
غاناخدو وعاء نوضعو فيه الحليب الدافئ مع الخميرة و 2 معالق كبيرة من الدقيق انخلطو مزيان و نخليوهوم حتى تتفاعل الخميرة

ثم ناخدو وعاء آخر فين انعجنو نوضعو المكونات كااااملة ما عدا الزبيب و الزبدة نعجنو الكل مزيان ثم نضيفو الزبدة اللينة و نعجنو حتى نحصلو على عجين لين (العجينة تتكوف خفييفة) ثم تنضيفو الزبيب لي نكونو مرقدينو فالماء و الشوية من ماء الزهر و نصفيوه (انا رقدتو مدة ليلة كاملة)

و نخلطو الكل حتى يدخل الزبيب فالعجين ثم نوضعوه يخمر حتى يتضاعف الحجم ديال العجين

ناخدو مول ديال kouglof (كيكون عالي بالشكل لي فالصور) كندهنوه بالزبدة مزيان و كنستفو لوز فاسفل المول (اختياري لكن هكذا كيمتاز هاد البريوش)

ثم كنخويو العجين فالمول و نخليوه يخمر حتى يتضاعف الحجم نسخنو الفرن على 180د شاعل فقط من الاسفل حتى يتنفخ و نحسو بالبريوش طاب من التحت و نشعلو من الفوق باش يتحمر، ثم كنزينوه بالسكر كلاصي. و بالصحة و الراحة 😊

هذه الوصفة هي من kaoutar_corner اضغطي هنا لزيارة حسابها

ترك تعليق

error: المعذرة