حلويات طورطات وكيك

بريوش على شكل كاب كيك

  وصفة رائعة، بريوش على شكل كاب كيك بالمذاق الحقيقي، يعني وصفة اصلية لي كاااينين و متشبعييييش منو خفيييف بزاف 😊☺️

مقادير بريوش كاب كيك :

350غ دقيق ابيض
3بيضات باردين
فانيلا
6غ ملح
15غ حليب دافئ
120غ زبدة شوية باردة
6غ خميرة طرية او 4غ جافة
40غ سكر

للتزيين بريوش كاب كيك :
200غ شكلاطة بالحليب
60غ لوز مهرمش محمر
2 معالق كبار زيت نباتية

طريقة تحضير بريوش كاب كيك :

اولا، ناخدو الحليب ندبو فيه الخميرة

ثم فاناء العجن نوضعو المكونات الجافة مع البيض و الفانيلا و نخلطو الكل

ثم نضيفو الحليب مع الخميرة ونعجنو مزيااااااان ثم نضيفو الزبدة تدريجيا و نعجنو (العجين خاسو يتعجن مزيان و كيكون فالاول كيتلصق بزاف لكن مع العجن كيولي لين و مكيتلصقش لي عندها العجانة من الاحسن تستعملها)

منين يتعجن مزيان نوضعوه فاناء و نخليوه يخمر

ثم نفرغو منو الهواء و نرجوه للاناء و نوضعوه فالثلاجة 8 ساعات او ليلة كاملة

من بعد نخرجوه و نقسموه على 9 كويرات متساوية الحجم و نوضعوهوم فديك القوالب لي باينين فالصور او فقوالب الكاب كيك من بعد ما ندهنوهوم بالزبدة

نخليوهوم يخمرو مرة اخرى ندهنوهوم بالبيض و ندخلوهوم للفرن مسخن على 180د كياخدة تقريبا 17د

منين نخرجوهوم نخليوهوم يبردو نحيدوهوم من القوالب و نغطسولهوم الوجه فالشكلاطة مذابة. لي خلطنا معاها الزيت و اللوز محمر (نخليو الشكلاطة حتى تبرد شوية باش تلصق على الوجه ديال البريوش). و بالصحة و الراحة ☺️

هذه الوصفة هي من kaoutar_corner اضغطي هنا لزيارة حسابها

ترك تعليق