اطباق جانبية تحليات ومشروبات

تحلية بالتفاح معسل

 
تحلية بالتفاح معسل

مقادير تحلية بالتفاح معسل :

اولا نحتاج البيسكوي يكون مهرمش كنديرو كطبقة اولى فالكؤوس

من بعد كناخد جوج تفاحات كنقيهم ونقطعهم لمربعات كنديرهم فمقلة كنضيف عليهم معلقة ك زبدة ساشي فاني جوج معالق سكر كنخلط مزيان ونحط الخليط على عافية متوسطة مع التحراك مرة مرة حتى كيتعسل التفاح ونطفي عليه وكنديرو فوق من طبقة البيسكوي وكنخليهم على جنب

كناخد نصف لتر حليب كنظيف ليه 2 معالق كبار دقيق ساشي فاني جوج معالق كبار سكر ممكن اقل او اكثر لكن هاد القياس كتجي الحلاوه معقولة

كنخلط الكل وكنحط الكاسرول على نار متوسطة مع التحراك المستمر حتى كتعقاد الكريمة كنظيف ليها ملعقة صغيرة زبدة كنحرك مزيان ونطفي على الخليط وكنظيف فرماجة ونحرك مزيان وها هي الكريمة واجدة

كناخد معلقة وكنبقى نخوي الكريمة فوق الطبقات لي درت حتى كنوصل للنصف ديال الكؤوس و كنعاود ندير بيسكوي مطحون والتفاح وكنعاود نخوي الكريمة حتى كنعمر الكؤوس

كنخليهم يدفاو وندخلهم للثلاجة يبردو منين كيبردو كنزينهم باليسطاش مطحون والورد البلدي التزيين اختياري وبالصحة والراحة

هذه الوصفة هي من ghita_adam09 اضغطي هنا لزيارة حسابها

ترك تعليق

error: المعذرة