البيتزا المعجنات

خبيزات محشيين او ميني بيتزا عجينة رائعة غادي تستعملوها ف كاع وصفاتكم

  خبيزات محشيين او ميني بيتزا ( عجينة رائعة ح تولوا تستعملوها ف ڨاع وصفاتكم )

العجينة : كاس حليب دافئ ،نص كاس ماء دافئ مغرف كبيرة خميرة الخبز ، مغرف كبيرة سكر و كاس فرينة ، نخلطهم و نخليهم يخمرو، كي تخمر نزيدلها ربع كاس زيت، واحد بياض بيض ( و الصفار ندهنوا بيه) ، مغرف كبيرة خل، نص باكي خميرة الحلوى و نلموا بالفرينة و لازم تكون تتلاصق، نخلوها تخمر في عقلها ممبعد نشكلوها بالكاس،

الحشو : انا قليت نص حبة بصل و زوج سنينات توم و فيونداشي كي تقلاو راپيت عليهم زوج حبيبات طوماطيش متوسطين ملح فلفل كحل و شوي كمون ، كي قريب تشرب طفيت عليها و لازم تبرد ،
شكلتهم و درت فالوسط لاصوص و فرماج راپي ملفوق و زيتونة، و هاذاك صفار البيض زدتلو قرصة ملح و قطرات زيت و قطرات قهوة ( باش تمدلك هذاك اللون الشباب😉) و زيدو ا الزرارع لي تحبوهم ،انا نحبه‍م ڨاع ألوغ نديرهم ڨاع ( سانوج ، جلجلان، حبة حلاوة ، اعشاب عطرية😉) و كي يطيبو ادهنوهم بشوية زيت زيتون ،و شهية طيبة

هذه الوصفة هي من cuisine_bent_dz اضغطي هنا لزيارة حسابها

ترك تعليق

error: المعذرة