منوعات

رايب او ياغورت منزلي

  السلام عليكم البنات كيف راكم صليتو التراويح كنتمناو من الله سبحانه يرفع عنا هذا الوباء عاجلا ليس اجلا يارب 🤲

رايب او ياغورت منزلي روعة فالمذاق
بسم الله

المكونات 👇
لتر حليب . 4 ملاعق سكر . ياغورت فاني عاقد . ساشي فاني

طريقة التحضير 👇
فكسورنة غادي نضيف الحليب نقص منو كأس معامرش ديال الحليب نضيف السكر ثم نوضعو على النار حتى طلع الغلية ثم فإيناء غادي نوضع ياغورت مع ساشي فاني ثم الحليب لي نصقت غادي نخلط المكونات مزيان حتى يناسجمو ليا العناصر مع بعضهم

غادي نخلي الحليب لي غلا حتى يدفا شوية ميكونش كيحرق او فنس الوقت ميكونش دافي بززاف من بعد غادي نضيف عليه داك الخليط ديال ياغورت او كنخلط بالطرب اليدوي ثم كنصفيه

مباشرة نبقا نخوي فالكيسان وضعتهم فبواطة كبيرة أو من تحت منها مانطة صافي او كنغطيهم بمنديل ورقي ثم بلاستيك غدائي أو كندير من فوق منهم مانطة كنخليهم 7 ساعات حتى يعقد ثم نوضعهم فالثلاجة يبردو واحد 30 دقيقة أو نقدمهم بالصحة والعافية

هذه الوصفة هي من cuisine_najwa اضغطي هنا لزيارة حسابها

تعليق واحد

ترك تعليق

error: المعذرة