أطباق تقليدية

سفة الكسكس بالزبيب

  سفة الكسكس بالزبيب خفيفة و لذيذة..رافقتها بعسل النحل بدل السكر

الوصفة كالتالي: تاخدي كسكس الباكية الرقيق ..مثلا كيلو تدهنيه مزياان بنصف كأس زيت و تكبي عليه تقريبا لتر الا ربع ماء و تخليه يشرب الماء و تحليه مزيان بيدك و تحطيه يفور الفورة الأولى

فالفورة الثانية تديري الملح و تزيدي الماء او الحليب حتى يفزك و خليه يشرب و فوريه

الفورة الثالثة نفس الشيء فقط زيدي عليه زبيب مرطب من قبل فالما و شوية ماء الزهر

مني يوجد دهنيه بالزبدة و زيدي له السكر حسب الذوق او سقيه بالحليب المحلى بلاصة السكر حطيه فصحن و ممكن تستعملي قالب بالشكل الي بغيتي و زينيه باللوز مقلي و القرفة و نرافقوه بالعسل الحر اذا وجد و بالصحة و الراحة

هذه الوصفة هي من matbakh__om__anas اضغطي هنا لزيارة حسابها

ترك تعليق