حلويات حلويات الصابلي

صابلي الحلزون

صابلي الحلزون ساهل فالتوجاد بمقادير جد اقتصادية بكمية وفيرة
كيصبر بحال البيسكوي ديال المحلات التجارية ممكن نحتفضو به فعلبه محكمة الغلق و يتقدم للكوطي للوليدات او ياخدوه معاهم للمدرسة

مقادير صابلي الحلزون :

ثلاث بيضات
كأس كبير زيت
كأس كبير سكر
كيس سكر فانيلا
ملعقتين كاكاو مر
ثماني غرام خميرة حلويات
الدقيق حسب الخليط
رشة ملح

طريقة تحضير صابلي الحلزون :

فإناء نخدمو البيض مع السكر و الفانيلا جيدا حتى يصبح اللون افتح ، نضيفو الزيت و نخلطو مزيان حتى نتحصلو على خليط متجانس نضيفو الدقيق مع رشة الملح و الخميرة بالتدريج ميكونش العجين قاصح، اكون كيتجمع و ممكن نشكلوه .
نقسمو العجين نصفين، النصف الأول نوضعوه فبلاستيك غدائي، و النصف الثاني نضيف ليه الكاكاو نخدموه مرة أخرى مزيان حتى يصبح ذو لون بني ، نغلفوه بلاستيك غدائي و نحتفضو بالنصفين فالثلاجة مدة نصف ساعة.
نطلقو النصف الابيض بالحلال او الدلاك على ورق الطبخ او البلاستيك سمك متوسط و نطلقو النصف البني بنفس الطريقة نوضعو النصف فوق الاخر و ندوزو مره او مرتين بالدلاك بشكل خفيف باش التاصقو نلفوه على شكل دائري او حلزوني وبسكين حاد نعبرو زوج اصبع و نقطعو، نستفو قطع البيسكوي فطاوة الفرن مباشرة للفرن مسخن على 180 درجة حتى يتحمر ، كيجي مقرمش بحال ديال المحلات بالصحة والعافية

هذه الوصفة هي من _cooking_with_najoua اضغطي هنا لزيارة حسابها

ترك تعليق

error: المعذرة