صابلي بعقدة اللوز
بزاف منكم بغاو وصفة الصابلي بعقدة اللوز😉نعطيكم الوصفة مكتوبة✍🏻✍🏻
بالنسبة لعجين الصابلي ممكن ديروا أي وصفة اللي تتنجح معاكم
نعطيكم مقادير وطريقة العقدة اللي تتكون فوق الصابلي
تناخذ 250غ من اللوز من بعد ما نحيدو ليه القشرة،نشفوه ونهرمشوه في الروبو،من بعد تنطحنوه مع 200غ من سكر سنيدة،شوية ماء الزهر،ملعقة كبيرة من الكوفتير الجاري ديال المشماش،وتنضيف القليل من نكهة الحامض.
من بعد ما تنحصل على عقدة مثل العقدة اللي تنخذموا بيها الكعبة،تنبدا نضيف أصفر البيض حتى نحصل على كريما(تقريبا زوج صفار بيض)
تنضيفوا صفار البيض على العقدة وحنا تنطحنوا فيها.
من بعد ما تنطبعو الصابلي بمرشم دائري،تنطيبوه نصف طيبة،تنخرجوه ونبوشيو فوقو عقدة اللوز،ونسدوا بحبة من اللوز أو البيسطاج،من بعد ما ندوزوها في بياض البيض باش تلصق مزيان
ونعاودوا ندخلو الصابلي يكمل الطياب.
تنعمرو الحفيرة اللي وسط الصابلي بشوية العسل أو شوية الناباج والكليكوز تنخلطوهم ونسخنوهم ونضيفوا عليهم القليل من نكهة الحامض
الفران مشعول من الفوق والتحث ومنقوص مزيان
وبالصحة والراحة❤️
