أطباق رئيسية اقتراحات للغداء اللحموم الحمراء

طاجين الكفتة بالبيض مسلوق

  طاجين الكفتة بالبيض مسلوق

طاجين الكفتة بالبيض البلدي و*بيض السمان
طاجين مغربي🇲🇦 لا يقاوم😍😍😍
شهية طيبة لكن جميعا🌹.

ناخد كمية من البيض المسلوق البلدي (انا ضفت بيض السمان كلمسة خاصة واجتهاد مني ولكن جا اكثر اكثر من رائع )،تبقى الكمية حسب أفراد الاسرة،نفس الشيء بالنسبة للكفتة.
نسلقو البيض ونقشروه،ناخد الكفتة،نضيفولها معدنوس،بصلة محكوكة،ملح،ابزار،خرقوم،شوية بابريكا،اسكنجببر،ثم نغلفو البيض بيها،الطريقة موضحة اكثر في البوست السابق.بالنسبة لبيض السمان كنغلفو بيضة كاملة لأنها صغيرة الحجم وكيجي الشكل ديالها دائري،وبالنسبة للبيض البلدي نقسمه انصاف على الطول ونغلفوها حتى كنحصلو على شكل طويل وجميل،كما هو واضح في الصور.
في طنجرة او طاجين نشلظو بصلة كبيرة او اكتر حسب الكمية ديال البيض والكفتة،نضيفو المعدنوس مفروم،ملح،ابزار،اسكنجبير،خرفوم،راس ملعقة قرفة،ومزيج من زيت زيتون وزيت المائدة،نحرك اابصلة حتى تتشحر،تم نضيفو البيض المغلف،وقطيرة ماء،ونغطيو عليها حتى تطيب،بالصحة والراحة🥰

هذه الوصفة هي من une_touche_de_ma_cuisine اضغطي هنا لزيارة حسابها

ترك تعليق

error: المعذرة