حلويات حلويات غريبة

غربية البهلة التقليدية ناجحة سهلة و مضمونة

 
غربية البهلة التقليدية ناجحة سهلة و مضمونة

مقادير غربية البهلة التقليدية ناجحة سهلة و مضمونة :

500 غ الدقيق
رشة ملح
معلقة كبيرة قرفة
كاس عنبة سكر سنيدة
كاس عنبة لوز محمر ومطحون مزيان

كنخلط الكل جيدا

كناخد 125 غ زبدة حيوانية كندوبها على عافية مهيلة ونخليها فوق النار حتى يولي لونها ذهبي غامق شوية هاذي هي لي كنقولو ليها زبدة البندق حيث كيجي فيها مذاق البندق

كنرمل بيها الخليط جيدا ومن بعد كنظيف كاس عنبة زيت

وكندلك العجين مزيان مزيان حتى كتولي العجينة مجموعة ومنين كنشكلها كرة كتشكل بلا ما تفرتت صافي كنحبس الدليك

وكنزيد خمارة ونص وكندخلها فالعجين

فهاذ الاثناء الفران مسخن

وكنشكل الكرات كندير فيهم 27 غ وكنشكلها ونبسطها شوية ونحطها فالاطة الخاصة بالبهلة

لي ما عندوش يديرها فلاطة عادية وبلا ما يبسط الكرة يخليها شوية مكركبة هكا باش تشقق مزيان

منين كنسالي كنقص العافية مزيان
وكندخل الاطة العافية تكون فوق البهلة يعني على وجهها حتى تشقق وكنطلعها للفوق طيب من التحت وكنخرجها ونخليها حتى تبرد عاد كنحيدها وبالصحة والراحة

هذه الوصفة هي من ghita_adam09 اضغطي هنا لزيارة حسابها

ترك تعليق

error: المعذرة