عجائن

فطائر حليمة الفيلالي

  فطائر حليمة الفيلالي لي كلشي جربهم من إعداد و تقديم الغالية و المبدعة الأخت الزوهرة

مقادير الكريب:
نصف لتر دالحليب
2 بيضات
شوية ملح،ابزار،سحتر
2 جبن مثلث
الطحين حسب الخليط حيت كل طحين وكيفاش انا كيدخلي 2 كيسان المهم العجين يكون ماخفيف ماتقيل

نخلطو كلشي فالخلاط ومن بعد نخليواه يرتاح شوية من بعد نعملوه في شي قريعة د كيتشوب ولا مايونيز و لا قريعة صغيرة د الماء نتقبوها من الغلاقة وندهنو المقلاة د الكريب ماتكونشي كتلصق ونبقاو نعملو دوائر بالعجين كما مبين في الصورة ( مرر الصور )

وتكون العافية متوسطة ماشي حانية ماشي طالعة من بعد نقلبوه وشوية نحيدوه ونبقاو حتى نكملو الكريب نخليواه يبرد ونعمروه ونطويواه فحال القنينطا ونعملواه في السينية وندخلواه نالفران غير يجمع راسو شوية ونخرجواه

مقادير الحشوة:
في مقلاة نضع الكفتة و البصلة مشلظة وفلفل اخضر واحمر وشوية دالزيت وشوية دالثوم محكوك وشوية دالملح ملي يتشحر شوية نزيدو الابزار الخرقوم سكنجبير الكيمون الفلفل غبرة وشوية قصبور حبوب مطحون وشوية د المعدنوس والقصبور وشوية سحتر ومن بعد نزيدو الجزر محكوك ونخلطو ونخليوها شوية ونزيدو القرع محكوك وملعقة دكبيرة د صالصا د طماطم(طماطم مصبرة) ملي تطيب نزيدولا شوية د كريمة سائلة و شوية د الجبن محكوك ملي تعقد الحشوة نطفيولا ونخليوها تبرد ونعمرو بيها الكريب.

هذه الوصفة هي من zohra_cuisine.be اضغطي هنا لزيارة حسابها

ترك تعليق