موائد رمضانية مغربية وصفات رمضان

فطور رمضان مغربي الاقتراح 12

 
اقتراح اليوم للفطور بروشيت تالدجاج بخلطة لذيذة
وايبلي بالخضر

وبطبوط العشر دقائق بالحليب عملتو على شكل باكيط كيجي غزااال

اللهم أدمها نعمة واحفظها من الزوال🤲🏻🤲🏻

✅مقادير ايبلي بالخضر :

بصلة مشلظة+فلافل ملونة مقطعة رقيييقة+جزر مطحون رقيق
انا شلظت كلشي فالطحانة ديال الخضر
كنعملوهم فانية يتشحرو مع شوية زيت الزيتون ملح والابزار تم نضبف الخرقوم التحميرة سكينجبير عطرية المعجنات أعشاب منسمة مطيشة الحك ومطيشة تالقرعة ديال الحبق الا مكانتش متوفرة عملو مطيشة مطحونة بدون زريعة قطرات من الصوجا
نرويو بالماء غليان ونضيف ايبلي ونخليوه حتى يطيب وينشف من المرق هو كيطيب بسرعة وكيتنفخ ونعملوه فمول مدهون ونقدمه بالصحة والراحة 😋😋😋👌👌👌👌

✅بطبوط العشر دقائق على شكل باكيط:
كاس حليب
كاس ماء
ملعقة كبيرة خميرة
ملعقة كبيرة سنيدة
ملعقة صغيرة ملح
كاس دقيق قمح فينو
كاس فورص
كنخلطو المكونات المذكورة أعلاه بالفووي👆👆👆 ونخليوهم يرتاحو ويتفاعلو عشر دقائق
تم نضيف دقيق الفورص تقريبا تلات كيسان تالعنبة حسب الخليط اللي يجمع لينا عجينة تكون مرخوفة
نخليوه يخمر
نعملو كويرات صغار من العجين مع رش الدقيق فوق سطح العمل ونسرحوه بالدلاك على شكل طولي على منكملو الكريات كاملهم نسخنو المقلة ونبداو نطيبو البطبوط ديالنا بالصحة والراحة

✅ الماريناد تالبروشيت تالدجاج:
بصلة صغيرة مشلظة
معلقة كبيرة توابل الدجاج(بسيبيسة قعقلة زعفران حر قرنفل)
ملح ابزار سكنجبير
شوية زيت العود
2معالق كبار صلصة الصوجا
شوية بودرة التوم
قزبر ومعدونس
نخليو ها تترقد ملي نبداو نطيبو البروشيت ديالنا ندهنوه بشوية الزيت والصوجا كيعطيو لوين غزال للبروشيت 😉 بالصحة والراحة😋👌

هذه الوصفة هي من cuisine_art_loubna اضغطي هنا لزيارة حسابها

ترك تعليق

error: المعذرة