المعجنات شهيوات للعشاء شهيوات و مملحات رمضان عجائن وصفات رمضان

فطيرة محشوة بالخضر والكفتة بعجين سحري

  فطيرة محشوة بالخضر والكفتة بعجين سحري مزينة بالجبن المنسم والطوماط سوريز👌

اليكم مقادير العجين السحري👌😋:

🟠خمسة كيسان تالعنبة دقيق
ملعقة كبيرة خميرة فورية
خمارة كيميائية
ملعقة سكر
نصف كاس زيت
دانون مسوس
ملعقة ملح
ماء دافئ للعجن

🟠نعملو ملعقة كبيرة خميرة فورية تتفاعل مع زوج معالق فورص+ كاس ماء دافئ +ملعقة كبيرة سكر نغطوها نخليوها تخمر
تم نضيفو خليط الخميرة للدقيق +الخمارة+الزيت+دانون مسوس+والماء الدافئ للعجن نعجنوها مزيان وندلكوها تكون مرخوفة شوية

نخليوها تخمر

🟠نعملو زوج كرات

نسرحو الكرة الاولى فطاوة مدهونة نوزعو الحشو👇🏻👇🏻نرشو طبقة من الفروماج ونطلقو الكرة التانية من العجين بالدلاك ونعملوها كطبقة تالتة فوق الحشو ونسدو الحواشي
ونزينو بالجبن يكون مخفف بكريمة الطبخ او بشوية الحليب ونزينو بطوماط سوريز والزرارع كما هو موضح فالصور👉🏻👉🏻👉🏻

🟠الحشو:
زوج بصلات مفرومين
زوج جزرات محكوكين
فلافل ملونة مقطعة رقيقة
نشحروهم فمقيلة مع شوية الزبدة والزيت نضيف الملح ابزار تحميرة قزبور حبوب خرقوم التوابل الاربعة(سكنجبير قرفةجوز الطيب قرنفل) نضيف الكفتة مع التخلاط حتى كيتشحرو مزيان
تم نضيف قزبر ومعدونس فالاخير
وبالصحة و الراحة

هذه الوصفة هي من cuisine_art_loubna اضغطي هنا لزيارة حسابها

ترك تعليق

error: المعذرة