أطباق في الفرن اطباق بالبطاطس اطباق جانبية عجائن

كرتان البطاطس و الخضر

  (وصفة بدون غلوتين) كراتان بالبطاطس والخضر:

بطاطا مسلوقة مع شوية دالملح
ملي كتطيب كنصفيها و نعجنا بالشوكة ولا الملعقة الي كتعجن البطاطا من بعد كنزيدلا ملعقة دالزبدة وشوية دالابزار وشوية دالزعتر وكنخلط وكنعمل نصف الكمية في القالب د الكراتان وكنعمل الحشوة دالخضر

من بعد كنزيد الكمية دالبطاطس الي بقات من فوق وكنعمل من الفوق البيشاميل والجبن المحكوك وكندخلا نالفرن حتى يتحمر الجبن.

الحشوة :
بصلة مشلضة كنقليها في شوية دالزيت وكنزيدلا فلفل احمر مقطع والسبانخ مقطعين ولا مثلجة وشوية دالملح كنخليهم شوية من بعد كنزيد الكفتة ملي كتقلى شوية كنزيد القرع محكوك والجزر محكوك وشوية ابزار خرقوم سكنجبير وشوية د المعدنوس مقطع ملي كيطيب كلشي كنزيدلا شوية دالجبن محكوك او الجبن مربع ملي كيدوب الجبن كنطفي عليها النار .

البيشاميل انا عملت كأس كبير دالحليب وملعقة كبيرة دالزبدة وملعقة كبيرة د مايزينا وشوية دالملح وابزار و2 قطع دالجبن المثلث خلطت كلشي بالخلاط الكهربائي او ممكن غير اليدوي وكنعملا في كاصرونة فوق النار مع التحريك المستمر حتى كتعقد شوية. ملاحظة:هي كيكون فيها الطحين ماشي مايزينا انا عملت مايزينا حيت بغيتها بدون جلوتين

هذه الوصفة هي من zohra_cuisine.be اضغطي هنا لزيارة حسابها

ترك تعليق