أطباق تقليدية أطباق رئيسية

كرعين بالحمص مرافق بإبلي

 
كرعين بالحمص مرافق بإبلي

مقادير كرعين بالحمص :

كتاخدي الكرعين كتغسليهم مزيان وكديرهم فكوكوط كديري الملح الابزار الخرقوم السكنجبير القزبر يابس التحميرة والقرفة شوية من كل حاجة وزيت الزيتون والثوم واحد بصلة صغيرة مشلظة وكظيفي الماء الكافي وكتسدي عليهم يطيبو

مجرد تصفر الكوكوط نقصي العافية وخليه يطيب على مهل

منين دوز واحد ساعة تقريبا حلي عليهم وزيدي الحمص لي مفزك وتاني سدي عليهم واحد نصف ساعة على حسب

وحلي عليهم قلبي الكرعين واش طايبين والحمص كذلك وزيدي واحد معلقة كبيرة العسل وخلي الكوكوط بلا قفالة هكا باش تعلك لاصوص وطفي عليهم وقدميهم بالصحة والراحة

لي كيبغي الزبيب يديرو

سلطة ابلي المرافقة : خديت ايبلي غسلتو ودرتو فكاسرول وخديت لاصوص الكرعين وظفت شوية الماء والملح ودرتو كيطيب مدة 15 دقيقة حتى طاب وكبرات الحبة وتشرب لاصوص وطفيت عليه وقدمتو فطباسل فالجوانب وبالصحة والرحة

هذه الوصفة هي من ghita_adam09 اضغطي هنا لزيارة حسابها

ترك تعليق

error: المعذرة