المعجنات شهيوات و مملحات رمضان عجائن وصفات رمضان

وصفات للفطور في رمضان

  وصفات للفطور في رمضان

بصحة فطوركم حبوباتي الحادقات🌷🌷🌷🌷
سندويش البيغل بفيلي الدجاج المقرمش كيجي غزااال كاقتراح لمائدتكم الرمضانية😋👌😍

✅ اليكم مقادير البيجل :

🟠زلافة قمح كامل
زلافة فورص
ملعقة صغيرة ملح
ملعقة متوسطة خميرة فورية
كاس كبير الحليب دافئ
وماء دافيء حسب الخليط
زوج ملاعق زبدة بحرارة المطبخ

🟠كنعملو الدقيق الملح الخميرة الحليب فالعجانة او نعجنو بيدينا
وهي كتعجن نضيف الماء اللي يجمع لينا العجين تكون مرخوفة شوية
وفالاخير نضيف الزبدة
نخليو العجين يخمر

🟠نعملو كويرات صغار ونحاولو نتقبوهم فالوسط بعود خشبي تم نوسعوهم بيدينا نخليوهم يخمرو
نعملو طنجرة بيها ماء مغلي مملح مع زوج ملاعق صغار بيكاربونات فوق نار متوسطة ونعملو البيغل ديالنا يتسلق لمدة دقيقة في كل جهة تم نعملوه فطاوة وندهنوهم بالحليب وندردرو عليه الشوفان تم الفرن
مرورا الصور👉🏻👉🏻👉🏻

فيلي الدجاج المقرمش بخلطة ولا اروع😋👌:
🟠قطع من الدجاج
دانون مسوس
ملعقتين صلصة صوجا
ملعقة توم بودرة
ملعقة بصل بودرة
بابريكا مدخنة
قريصة الهيل
قريصة القرفة
ابزار
سكنجبير
نشرملو الدجاج ونخليوه يرتاح

🟠خلطة الدقيق:
كاس دقيق
ملح ابزار توم بودرة بصل بودرة قرفة هيل بابريكا مدخنة ابزار نصف خمارة

🟠خلطة الدقيق والبيض:
زوج بيضات
ملح ملعقتين دقيق نصف كاس حليب نصف خمارة
🟠كنعملو الدجاج من بعد ما شرملناه فخلطة الدقيق تم خلطة البيض تم الشابلور والدوريتوس مهرمش
تم نقليوهم ونعمرو بيهم السندويتشات
بالصحة والراحة
متنساونيش بشي دعيوة تالخير

هذه الوصفة هي من cuisine_art_loubna اضغطي هنا لزيارة حسابها

ترك تعليق

error: المعذرة