مسمنة كبيرة فالفرن كتجي مورقة او مقرمشة او لذيذة كنت تعلمتها من ماما الله يحفظها ليا او شحال هادي مدرتها تفكرتها ليوم او قلت نشاركها معاكم او دغيا كتوجد 👌 مع شي بريريد ديال اتاي
بسم الله
المكونات 500غ ديال دقيق الابيض . او 300غ دقيق الفينو . معلقة كبيرة ديال السكر او الملح . او الماء دافئ لجمع العجين
للتوريق 👇
زبدة دائبة . الزيت . دقيق الفينو أو السميدة الرقيقة
الطريقة .
غادي نوضع الدقيق فقصعة ندير السكر او الملح فقط او نجمع بالماء الدافئ نعطيها وقت فالدلك او تجي مرخوفة شوية من بعد ما جمعتها غادي نغطيها فبلاستيك نخليها ترتاح شوية
ثم بمساعدة الزيت غادي نشكل كويرات نغطيهوم واحد الشوية
ثم كنشكل المسمنة كنبسط الكورة الاولى ثم ندهنها بالزبدة المذابة او نرش السميد أو الفينو او نطويها على شكل مربع
ثم نعاود نبسط كورة اخرة نفس الشيء ندهنها او نرش السميد او نوضع فيها المسمنة لي صاوبت قبل كنبقاو نديرو وحدة وسط وحدة حتى تولي مسمنة كبيرة
نخليها طلق شوية عاد نبسطها مزيان ثم ندخلها للفرن لي مسخن قبل نخليها طيب من لتحت ثم نشعل عليها من الفوق باش تحمر كتجي رائعة بززاف
التزين كيبقى اختياري انا دهنتها بالعسل اوضعت فيها اللوز مهرمش 😋يسلام على القرمشة 👌
