منوعات

السفة بالكسكس و الكوك بطريقة جديدة

السلام عليكم و رحمة الله و بركاته
موقع بسمة لكل ما يهم المرأة العربية يقدم السفة بالكوك بطريقة جديدة
السفة بالكوك بطريقة جديدة
مكونات و طريقة تحضير السفة بالكوك بطريقة جديدة
مكونات و طريقة تحضير السفة بالكوك بطريقة جديدة من الاخت خديجة جزاها الله عنا كل خير
طبق اليوم سيكون عبارة عن السفة بالكسكسو والكوك

باش نكونو واضحين هاد السفة جربتها بالسميدة الغليضة وبكسكسو الرقيق دلبكية (داري او ثريا) وبجوج جاو زوينين ويني من الاحسن كسكسو دلبكية
المهم انا درت كيلو كسكسو.الكوك عيني ميزاني تقريبا زلافة ونص وقد ماكان كتر كتجي فنة رطبة ومفشفشة.ايترو دالحليب و 2 صاشيات فاني بالزهر والسكر كلاصي طبعا والزبدة والملح والزيت والما وبالنسبة للتزيين ختارعت واحد اللعيبة وجات واعرة ولذيذة والضياف بقاو يسولو عليها حتال لتحت نقوليكم السر

بسم الله
كنصبو البرمة تغلى فيها الما مع عويد القرفة و كنرطبو كسكسو بالما بلا زيت (نصيحة عكوزتي) باش يشرب مزيان ويجي رطب الزيت كيحبس الما حتال الفورة الاخيرة عاد نديروه
ملي يفور نزلوه نسقيوه بالما 

ونعاودو نفوروه ونسقيوه مزيان بالما (المهم الطريقة المعتادة دكسكسو) والفورة الاخيرة نسقيوه بلترو دالحليب ونزيتوه ونملحو 

نزيدو لكوك وفاني بالزهرعاد نطلعو الفورة الاخيرة


صافي ونديرو الزبدة وسنيدة ونقدمو ونزوقو حسب الذوق 
ايوة دابا ندوزو للسر او الاختراع لي بسييييييط ويني نتيجة غزالة كيف شفتو وحمق الضياف وهو غي 3 الدراهم كاوكاو مكلي عند مول الزريعة وشوي كوك محمر وزبيدة والسكر كلاصي 


شديت كاوكاو (ممكن ديرو لوز) نقيتو وطحنتو مزيان هو والكوك محمر والسكر وجمعتو بزبيدة وسرحتو بين جوج ميكات وقطعتو دواور جا هائل فالمذاق يعني ممعرفوش واش لوز ولا شنو معاه
نتمنى تعجبكم وتجربوها لانها كتجي هائلة
في امان الله

ترك تعليق