السلام عليكم و رحمة الله و بركاته
موقع بسمة لكل ما يهم المرأة العربية يقدم للحفاظ على الخس والربيع والنعناع طري لاطول مدة متفلتوهاش
للحفاظ على الخس والربيع والنعناع طري لاطول مدة متفلتوهاش
موضوع للاخت: ثروتي ديني جزاها الله عنا كل خير
اليوم حبيت نقتارح عليكم الطريقة لي اكتاشفتها للحفاظ على الربيع والخس والنعناع باش كيبقاو طريييين اطول مدة (اكتاشفتها انا عالم فيزيائي) .
هي طريقة بسيطة ولكن فعالة
1)كنغسلو الربيع ولا النعناع ولا الخس 2 مرات
2)كنديروه يتسقطر شوية فشي شبكة ولا كسكاش ولا غير پلاطو.
3)كنجيبو فوطة نقية او زيف مقطن وكنحطو عليه واحد القدر من الحاجة لي غسلناها(ربيع/نعناع/خس) ونغطيوها بالنصف الثاني ديال الفوطة ونبقاو نضغطو عليها شوية باش الفوطة تشرب الماء.
4)كنديرو الربيع لي نشفناه فبواطة ناشفة ونسدو عليها وندخلوها للثلاجة.
وقدما ڭلس عندكم هاد الربيع ولا الخص ميخسرش.
