منوعات

فضفضة المراهقات و العازبات الجزء الرابع

السلام عليكم و رحمة الله و بركاته
موقع بسمة لكل ما يهم المرأة العربية يقدم فضفضة المراهقات و العازبات الجزء الرابع

فضفضة المراهقات و العازبات الجزء الرابع

بعد الجزء الاول
و الجزء الثاني 
و الجزء الثالث

و صلنا الى الجزء الرابع
اريد ان اقول للعازبات و المراهقات بعض الكلمات:

 الحياة ليست فقط حب بين البنات و الاولاد و لا هي علاقة غرام
الحياة اكبر من ذلك بكثييييييييييييير 
إن للشباب حرارة إن لم تطفأ ببرد الإيمان الصادق؛ أهلكت صاحبها 
ولتعلمي اختي و حبيبتي أن حبائل إبليس اللعين منصوبة حولك إذا نجوت من واحدة منها وضع في طريقك الأخرى، وهكذا اختي حتى تقعي في أسره وسلطانه فاحضري

فالله تعالى حذرنا من ابليس فقال : ولا تتبعوا خطوات الشيطان انه لكم عدو مبين

لم يقل جل جلاله و لا تتبعوا ابليس بل قال خطوات ابليس يعني ان الشيطان كيبدا ليك غير بخطوات كيقول ليك مالكي معقدة و حشمانة صحاباتك كلهم كيخرجوا مع الشباب ما فيها باس حتى نتي تكوني بحالهم و تعرفي على شي شاب يبغيك و تبغيه راه الحب ما هو حرام ما هو عيب 
و يقول ليك انتي اكيد غادي ديري علاقة محترمة حيت نتي بنت الناس و ملي تبعيه شوية يوسوس ليك يقول ليك ما فيها باس تخرجي معاه و شوية يوسوس ليك يقول ليك راه ولد الناس متخافيش منو راه فالاخير غادي يتزوج بيك
حتى تصدقي خاصرة شحال من حاجة و للاسف هادشي لي كيوقع للبنات كيبداو غير بخطوة صغيرة و كيصدقو خارجين على راسهم و نادمين

تمنيت شي اخت في الجزء الاول او الثاني او الثالث تقولي عندي مشكل في صلاة الفجر او فقيام الليل او حفظ القران او فالصوم  واااااااااااااااااالو

 وحدة لي كان عجبني التعليق ديالها قالت بلي عندها طموح كبير و بغات تكمل
قرايتها بتفوق و تميز و تبرهن لكل واحد قلل من قيمتها انها انسانة ناجحة و متفوقة 
اين هي مثل هذه الطموحات بين شباب اليوم 
و للاسف من بين التعليقات لي كانت كتصدمني هي ملي كتقول ليا شي بنت انا كنحشم بزاف و مكنقدرش نهدر معا الدراري و بغيت تساعدوني باش نتغلب على هاد الحشمة لي فيا
قالت أم المؤمنين عائشة رضي الله عنها: (رأس مكارم الأخلاق الحياء)

وراه البنت هي الحياااااااااااء و الانثى بلا حياء مكتبقاش انثى




لي نوصي نفسي و البنات كاااااااملين ردوا بالكم و متنساوش بلي الشيطان كيخطط باش يدمر ليكم حياتكم وكيسعى باش تجمعو اكبر قدر ممكن من الذنوب و المعاصي


لي مكتصليش تجمع راسها و تواظب على الصلاة راه هي عماد الدين
لي كتعرا و كتلبس داكشي لاصق عليها كنقول ليها اتقي الله
لي كتقرا نوصيها تركز فقراتها و تنمي طموحاتها
لي غير جالسة فالدار نقول ليها صلي و ادعي الله يرزقك بالزوج الصالح لي معاه تعيشي الحب الحقيقي لي غادي يكون في طاعة الله




و اخيرا الله يهدينا اجمعين كلنا كنرتكبوا اخطاء و الحمد لله ان الله كيغفر الذنوب بالتوبة و الاستغفار

استغر الله الذي لا اله الا هو الحي القيوم و اتوب اليه

يوما ما سيمر شريط حياتك امام عينيك فجعله مستحقا للمشاهدة 

 كنتمنى من الاخوات و لي كيزورو الموقع يوميا يعونوني و يساعدوا الاخوات لي عندهم مشاكل فحياتهم  بالرد عليهن و لو بالدعاء

ترك تعليق

error: المعذرة