أطباق رئيسية اطباق السمك الطاجين

طاجين السردين بالخطوات المصورة

السلام عليكم و رحمة الله و بركاته
موقع بسمة لكل ما يهم المرأة المغربية يقدم طاجين السردين بالخطوات المصورة
طاجين السردين بالخطوات المصورة
مقادير و طريقة تحضير طاجين السردين بالخطوات المصورة
من الاخت امة الله جزاها الله عنا كل خير

 

بسم الله
 
مقادير طاجين السردين بالخطوات المصورة
1 كيلو السردين منقي
1 بطاطا مسلوقة 
مطيشة محكوكة
بصلة صغيرة محكوكة
ثومة مدقوقة مع لب حامض مصير
معدنوس وقزبر 
م.ك عصير حامضة
معلقة كبيرة مطيشة الحك
زيت بلدية وشوية زيت المائدة
 
عطرية طاجين السردين بالخطوات المصورة :
سكنجبير
ملح
قزبر يابس
كمون
زعتر مطحون
خرقوم بلدي
فلفل حلو
فلفل حار
ورق سيدنا موسى
 
 
طريقة تحضير طاجين السردين بالخطوات المصورة
كطحني السردين مع البطاطا ممكن ضيفي الروز مسلوق
كتشرملي الكفتة بالعطرية وتعمليها فالثلاجة واحد الساعة 
تعمليها كويرات دوزيهم فالطحين 
وتقليهم ماشي حتا يتحمرو غير يشدو راسهم وحيديهم
فالطاجين تتعملي البصلة تشحر مع الزيت ومليحة 
وكتزيدي مطيشة وشوية الما الزيت البلدية والعطرية وباقي المكونات 
تخليها طيب شوية 
وتزيدي كويرات الكفتة 
وتخليها طيب حتا تشحر
ملي طيب دوزي عليها واحد معلقة كبيرة زيت بلدية
هاد الطاجين ديال كفتة السردين تنظن كلشي تيعرف ليه 
غير هاد الطريقة الخاصة تيجي لذيييييذ 
بالاضافة تيجي قابض راسو وميطلقش ديك الكشكوشة وميتفرتتش
ان شاء الله تجربوها وتعجبكم 
وبالصحة والراحة 

ترك تعليق