حلويات طورطات وكيك

الكيكة العادية لكـــن كتجي غير كل الكيكـــات

السلام عليكم و رحمة الله و بركاته
 
موقع بسمة لكل ما يهم المرأة المغربية يقدم الكيكة العادية لكـــن كتجي غير كل الكيكـــات
كيكتــي العادية لكـــن كتجي غير كل الكيكـــات
من الاخت سكينة ام ادم جزاها الله عنا كل خير
الكيكة العادية
الكيكة العادية
ليوم بغيت نشاركم كيكة ديالي العاديــة
بسم الله كنحتاجووووو
 
4بيضات
كاس سنيدة
كاس زيت
كاس لحليب
كاس عصير البرتقال
كاس دانون
3 خمارات
3 كيسان لفورص واكثر بشوية
فاني او قشور لحامض او البرتقال
 
الطريقة عادية كيف كل الكيكات
كنطرب البيض مع سنيدة و الفاني مزيآآآآآآان
من بعد كنضيف الزيت 
كنضيف الحليب ودانون وعصير ليمون بتدريج
 
من بعد كنبقاو نضيفو في الدقيق بشوية بشوية ويكون مغربل
ونضيفو الخمارات في الاخير
كنديروها في مول يكون مدهون ونرشوه بدقيق وندخلها للفران يكون مسخن من قبل
 
 
 
 
فاش ندخلها الفران نشعل عليها غير لتحت ونقصو العافية على اقصي حد ونخليوها حتا تبان لينا تنفخات وريحتها عطآآآت هههه وتكون تحمرات من جناب عاد نحلو عليها الفران ونقلبوها بموس واش طابت ولا باقي،،من بعد نشعلو عليها العافية من الفوق باش تحمر
 
 
هنا فاش خرجتها من الفران.شوفو كيف جات ماشاء الله
 
الكيكة العادية
 
دهنتها بمربى ورشيت عليها الكوك
 
الكيكة العادية
 
ها هي كيف جات من لداخل.خفيفة وهآآآآائلة
 
الكيكة العادية

ترك تعليق

error: المعذرة