منوعات

مربى الفريز بالنعناع

السلام عليكم و رحمة الله و بركاته
موقع بسمة لكل ما يهم المرأة المغربية يقدم مربى الفريز بالنعناع
مربى الفريز بالنعناع

من الاخت: امة الله بديعة جزاها الله عنا كل خير



السلام عليكم ورحمة الله وبركاتهاهلا اخواتي ان شاء الله تكونو بالف خير يارب
ليوم حبيت نشارككم هاد الوصفة البسيطة ولكن لذيذة حيت كتجمع بين الحلاوة والحموضة وخلاص منسمة بالنعناع امممممممم انا ماعنديش مع مربى الفريز بزاااف ولكن بهاد الطريقة عجبني ان شاء الله يروقكم كيفما راقني هههههه
اوا ندوزو المقادير والطريقة ان شاء الله
مقادير مربى الفريز
ناخدو 1كلغ من الفراولة نغسلوها ونقطعوها دوائر (للامانة انا استعملت اكثر من كيلو بشوية على حساب انا ماعنديش مع الحلاوة بزاااف هههههه ولكن الوصفة فيها 1 كيلو فريز)
من بعد كنخلط مع الفريز 500غ سكر سنيدة ونغطي عليه بالبلاستيك الغدائي

وكندخلو الثلاجة لمدة 24 ساعة مهم جدا باش يطلق السيرو ديالو وفي الطياب يجي ساهل ومعلك وشفاف ملي يطيب


من بعد نوجدو باقي المقادير واللي هي حامضة + 12 ورقة نعناع

كنقطع النعناع ونعصر الحامضة


نوضع الفريز من بعد مادازت 24 ساعة في وعاء على النار حتى يغلى ونضيف ليه النعناع المقطع


ونخليه على نار متوسطة لمدة 30 دقيقة تقريبا ومرة مرة نحرك بملعقة خشبية وبحال الى نورك عليه باش يتمعسثم نضيف ليه بعد ذلك عصير الحامض وانا نحرك
ونخليه يغلي شي 4 دقائق



وهاهو واجد بالصحة والراحة




ترك تعليق

error: المعذرة