حلويات منوعات

حريشات بالتفاح و القشدة بشكل و مذاق جديد

السلام عليكم و رحمة الله و بركاته
موقع بسمة لكل ما يهم المرأة المغربية يقدم حريشات بالتفاح و القشدة بشكل و مذاق جديد
حريشات بالتفاح و القشدة بشكل و مذاق جديد

من الاخت كزاوية جزاها الله عنا كل خير 
الحرشة بكل انواعها


هد الحريشات درتهم اليوم وكانت فكرتهم وليدة اللحضة 
جاو غزالين في شكلهم وروووعة في مذاقهم

الحرشة بكل انواعها

مقادير الحرشة
كيلو سميدة رقيقة شوية سميدة غليضة 
6 معالق سنيدة 
2 بيضات
200 مل قشدة طرية
2خمارات (30غ)
قريصة الملح
كاس صغير زيت نصف ديالو ماء
فاني
ملعقة كبيرة زبدة نسيت ماصورتهاش 
2 تفاحات كبار معسلين 

الحرشة بكل انواعها

اول حاجة كنقشرو تفاح ونقطعوه مربعات صغار كنضيفو له 3 معالق سنيدة وملعقة حامض و3 ماء

ونديروه فوق بوطة على عافية مهيلة حتى يدبل ويتعسل لنا

الحرشة بكل انواعها

من بعد كنرملو سميدة مع زيت وزبدة 

تم كنضيفو ملح وسنيدة عاد بيض وقشدة تم خليط تفاح معسل وفاني وخميرة ونكملو نرخفوها بنصف كاس ماء خاصها تكون مرخوفة نغطيها ونخليها على جنب ربع ساعة

كندهن لاطة ونرشها بالسميدة ونبدا نشكل فيها كويرات كبار او صغار على حسب ذوق كل وحدة ندوزهم في سميدة غليضة

الحرشة بكل انواعها

ونعاود نشكلهم بإيدي فحال هكا

الحرشة بكل انواعها

نستفهم في لاطة من بعد كنبدا نزين فيهم انا استعملت غطاء قرعة الخل هاهو صورتو لكم كنبدا ندير دائرة في وسط ونبقا غادة وحدة وسط وحدة كنحصلو على هد شكل كيجي عاطي لعين فحال وريدة

الحرشة بكل انواعها

كندخلها للفران حتى تطيب وتتحمر وكنقدمها بالصحة وألف عافية

الحرشة بكل انواعها



الحرشة بكل انواعها

ترك تعليق