السلام عليكم و رحمة الله و بركاته
موقع بسمة لكل ما يهم المرأة المغربية يقدم البريوات بعجين الكريب معمرين بالدجاج
البريوات بعجين الكريب معمرين بالدجاج
من الاخت ام البنات جزاها الله عنا كل خير
البريوات الكل كيعجبوه و لكن مشي دائما كتوفر وراق البسطيلة فالدار
و عملها كيتطلب وقت اضافي
لكن الا جربتوها بالكريب غدي تعجبكم و تكون عندكوم نكهة جديدة ووقت ام اتتشهاو البريوات توجدوهم فاقل من ساعة
و هده النتيجة
طبقوا اي وصفة دالكريب كتصدق ليكوم
كل حبة كريب لويوها و قسموها 3 قطع متساوية فحال الورقة تماما
و الحشو عبارة عن
صدر دجاج مقطع مكعبات
بصلة صغيرة مفروومة نااعم
حبتين جزر مبشور
ملعقة معدنوس
ملح و ابزار و سكين جبير
و ممكن تعملوا كفتة و شعيرية صينية او حشوة البسطيلة او اي حشوة مفضلة عندكم
بمقلاة نضع البصل ليتحمر فشوية زيت و نضيف مكعبات صدر الدجاج
و نقلب الكل
ثم الجزر
و الملح و الابزار و سكين جبير
و نترك الخليط لدقائق مع التقليب حتى ينضج
نضيف بالاخير المعدنوس و نترك الحشوة لتبرد
و نبداو تحضير البريوات كيف العادة
اخر طرف نحاولو ندخلوه بين الطيات باش ميبانش
وها بريواتنا جاهزين
عملوهم فبيض مضرب و مرمدوهم فالشابلور
و للاشارة حتى لهنا ممكن تعملوهم فالمجمد لا مشكلة
و لما تبغيو تقليوهم
تجبدوهم و تعملوهم فزيت سخونة و على درجة متوسطة مباشرة
كنتمنى تعجبكوم الفكرة
