تجربتي مع الكيراتين بالتفصيل الممل

السلام عليكم و رحمة الله و بركاته
موقع بسمة لكل ما يهم المرأة المغربية يقدم تجربتي مع الكيراتين بالتفصيل الممل
تجربتي مع الكيراتين بالتفصيل الممل

من الاخت SweeT-Rose جزاها الله عا كل خير
السلام عليكم
انا اليوم جيت نعاود تجربتي مع الكيراتين
حيت حتا انا كنت شحال هاذي كنسول البنات و ملهوفة نعرف غا شي تجربة لشي انيقة باش نزعم
و بعدها توكلت على الله سبحانه و زعمت و درتها 
انا شعري من النوع المشوك شوية و مدرج و طبيعي ما مصبوغش و مكندير ليه والو من غير شمبوان فيشي للقشرة و مي كنصوبو بالبروشينغ يبان بحال رطب بصح
زعمت و مشيت درتتها لكن بعد ما تاكدت من الصالون و سولت و شفت البرودوي و درت دبحة و لا ربحة و قبل كلشي درتها في يد الله
مشيت اليوم الاول غسلو لي شعري بشمبوان ديالهم و نشفاتو شوية و و بدات طلس لي في شعري ب برودوي دارت لي انوار الاسود ريحتو بحال الشكلاط
و خلاتو شي ساعة في شعري و يبساتو شوية تاني ب شوشوار
و عاد بدات بالبلاك زغبة زغبة تقولي كتخدم شي 3 ساعات و هي بالبلاك رجع شعري فن فن فن فن و قالت لي سيري تا اليوم 3 عاد اجي دازت 3 ايام غا في الدار لا خروج لا والو حيت شهر 6 كان الحال سخووون و مكانش عليا نعراق 
رجعت عندها ولات صوبات لي بلاك و غسلات ليا غا بالما و نشفاتو الصراحة و تبارك الله رجع روعة روعو و لله الحمد فرحت الشوشوار من شهر 6 تا لدابا مكنمشيش للصالون تا دازت 3 شهور و بدا يبان لي لي غاسين شوية بديت نقيسو بشوشوار غا في الدار و صافي و دابا كنهبطو غا في الدار بشوشوار اما التالي مازال شاد الحمدلله في شهر 12 نكمل 6 اشهر بالظبط

اعراض الكيراتين
في الاول ديك 3 ايام الاولى مي كنت دايرا البرودوي جاتني قشرة بحال بلاستيك
زولاتها لي بالمشطة و غسلاتو لي و ماولاتش رجعات 
شعري انا اصلا كيطيح شوية يعني مكاين حتا تغير ف هاد الناحية بقا كيف هو
درتو بي 28 الف 1400 درهم حيت شعري طويل فايت نص ظهري 
و شريت شمبوان و كريم و سروم ب 600 درهم دابا بدلت شريت مجموعة اخرى عاد غا نبداها غدا ان شاء الله مي ندوش 
هادي تجربتي بكل امانة بدون زيادة بدون نقصان هو رحمة والله 
ان شاء الله نحس بيه بدا يزووول نعاودو ان شاء الله


كيكة تيفال بالصور
سولتها اشمن لون دايرة لشعرك وهي تصدمني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

سلة التسوق الخاصة بي
قائمة الرغبات
شوهدت مؤخرا
قارن بين المنتجات (0 منتجات)
قارن المنتج
قارن المنتج
قارن المنتج
قارن المنتج
فئات