منوعات

كوكلي محمر مرفوق بالسفة الكسكس بالحليب والتفاح معسل

السلام عليكم و رحمة الله و بركاته
موقع بسمة لكل ما يهم المرأة المغربية يقدم كوكلي محمر مرفوق بالسفة الكسكس بالحليب والتفاح معسل
كوكلي محمر مرفوق بالسفة الكسكس بالحليب والتفاح معسل


من الاخت ام اسامة و ايمان جزاها الله عنا كل خير
نتمنى تكونو جميع في أحسن حال 
وصفتي اليوم لذيـــــــــــــذة جــــــــــــــدا ههههههههههههه غادي تقولو مين يشهد للعروسة ههههههههههههه


غادي نقول لكم وغير جربوها وحكمو خصوصا لي كيبغي الحلو مع المالح والحار مع الحلو إختلاف النكهات لي كيميز المطبخ المغربي هو لي كيعطي اللذة لأطباقنا المهم بلا مانطول عليكم نخليكم مع الوصفة وإن شاء الله تنال إعجابكم 
على بركة الله 


مقادير كوكلي محمر

لكل شخص 1 كوكلي أنا عملت 6 + 1 بصلة ونصف + ربيطة معدنوس + 6 حبات ثوم + م ص الحار + نصف م ص سمن + م ص موطارد أو صلصة الخردل + 1 زعفرا ن+ نصف م ص كمون + 1 م ص سكنجبير +عود قرفة + 1م ص إبزار
+نصف م ص خرقوم بلدي + 3 حبات نويويرة + 3 حبات قعقلة +  شوية زعفران حر+ نصف كأس صغير زيت بلدية ورومية مخلطة

طريقة تحضير كوكلي محمر

 شرملت الكوكلي فالليل بكل المقادير إلا الزيت وبيتو فالثلاجة



في الصباح ضفت عليهم الزيت ورديتهم وكاس د الما ورديتهم يطيبو دازت 10 دقائق ضفت لهم 2 بصلات مقطعين جوانح وخليتهم يطيبو على خارطهم

ملي طاب كوكلي حيدتو وخليتو ينشف مزيان وخليت المريقة تتدغمر 
ذهنت كوكلي بالعسل ودخلتو للفرن يتحمر

قدمتهم مع سفة الكسكس بالحليب والتفاح معسل 


هذا رابط مقادير و طريقة تحضير سفة الكسكس بالحليب


http://www.01basma.com/2015/01/blog-post_49.html




ترك تعليق