منوعات

سلطة مشكلة مع جمبا رويال وسيجالا

السلام عليكم و رحمة الله و بركاته
موقع بسمة لكل ما يهم المرأة المغربية يقدم سلطة مشكلة مع جمبا رويال وسيجالا
سلطة مشكلة مع جمبا رويال وسيجالا
مقادير و طريقة تحضير سلطة مشكلة مع جمبا رويال وسيجالا

من الاخت ام اسامة و ايمان جزاها الله عنا كل خير
السلام عليكم ورحمة الله وبركاته 
أتمناكم جميعا في أحسن حال 
سلطة مشكلة مع 
جمبا رويال
carabineros marisco
وسيgالا cigalas

هادو الأسماء ديالهم بالإسبانية

هاد الوصفة ممكن نقدموها فالعراضات والولائم كسلطة وطبق أول في نفس الوقت يعني ممكن نعتبروه 2 في 1 

نتوكلو على الله ونبداو بالمقادير لي هي عينك ميزانك 


مقادير السلطة غادي نكتب لكم كل وحدة شنو كنعمل فيها 


سلطة الفلفل : فلفل اخضر وأحمر وأصفر ودائما الأخضر يكون زايد مثلا أنا هنا عملت 3 فلفل أخضر و1 حمرا و 1 صفرا مشوي ومقشر ومقطع + 1 حبة طماطم مقطعة + بصيلة صغيرة مشلضة 

+ شوية زيت + شوية الخل + رشة إبزار + ملح 

سلطة البطاطاس : بطاطا هنا انا عملتها مبخرة ماشي مسلوقة + 2 بيضات مسلوقين + علبة تون + ملح + مايونيز 

سلطة القرعة الخضرا : القرعة مبخرة دوزتها فشوية الزيت والصويا صوص والقزبور والكامون وشوية الملح 

سلطة الجزر : حتى هي مبخرة دوزتها فشوية الزيت والقزبور وشوية إبزار ممكن تعملو ثوم محكوك كتجي غزالة انا الخبار فراسكم علاش معملتهاش هههههه

سلطة اللوبيا الخضرا : لوبيا مسلوقة + إبزار + زيت + شوية الخل 

سلطة الروز 
وطبعا الخص


بعد ما خلطت كل حاجة مع بعضها فرشت الخص فالطبق لي غادي نقدم فيه وبديت كنزل السلطات


خديت سيgالا وقسمتها من الظهر إبتداء من الرأس وننزل حتى للذيل وفتحتها 

إدا طيبنها وهي ماشي مفتوحة القشرة ديالها كتزيد تقصاح وكتكون صعيبة فالتقشير وعملتها تشوى فوق مقلة مرشوشة بكمية من الملح


جمبا حتى هي عملتها تشوى فوق الملح هاد الطريقة كيعملوها فالمطاعم وكتكون الملح لي خشينة بزاف


هذا كان الغدا د أسامة باش يرجع للمدرسة


ممكن تعملو أي نوع من الأسماك او ممكن تعملو دجاج محمر أو بريوات أو أو أو المهم كل واحد والإستطاعة ديالو المهم فالعراضات هو التاويل والصواب


ترك تعليق