منوعات

كيكة لكسكاس

السلام عليكم و رحمة الله و بركاته


موقع بسمة لكل ما يهم المرأة المغربية يقدم: كيكة لكسكاس


من الاخت ام دعاء جزاها الله عنا كل خير






مقادير كيكة الكسكاس

حاجتنا بيضة كاس قريب لعمارة عصير البرتقال نصف كاس سنيدة ربع كاس الزيت قشوربرتقالة محكوكة خمارة الحلوى كاس وربع الدقيق (حسب الخليط)




طريقة تحضير كيكة الكسكاس

فمولينكس نوضعو بيضة +الزيت عصير البرتقال وقشورها سنيدة نخلط الكل نضيف في الاخير الدقيق مع الخمارة نوضعو الخليط فكؤوس مدهونين بالزبدة مرشوشين بالدقيق او فناجين القهوة او زليفات نوضعوهم فكسكاس نكونو وضعنا الماء غليان فلبرمة



نغطيو لكسكاس بثوب باش ما يقطرش البخار على لكيك ونغطيوه بغطاء البرمة نوضعوها فوق النار لمدة نصف ساعة


هذا شكل كيك الكسكاس مين وجد



لتزيين كيك الكسكاس

استعملت كريمة البرتقال (كاس قريب لعمارة عصير البرتقال اصفر بيضة معلقة صغيرة الزبدة معلقة صغيرة بودرة كريم باتيسيير معلقة كبيرة سنيدة نخلط الكل فكاسرول نوضعوه فوق النار مع التحراك حتى تعقاد) رشيت من فوق الشكلاط الابيض و الاسود محكوكين



بالصحة و الراحة



ترك تعليق