منوعات

بسبوسة بالكوك هشيشة و لذيذة


السلام عليكم و رحمة الله و بركاته

موقع بسمة لكل ما يهم المرأة العربية يقدم بسبوسة بالكوك هشيشة و لذيذة

البسبوسة خفيفة و كتجي لذيذة

بسبوسة بالكوك هشيشة و لذيذة

هاد البسبوسة من اعداد الاخت ام اسامة و ايمان جزاها الله عنا كل خير

قبل ما نبدا الوصفة بغيت نقول ليكم أنا مكيعجبنيش الكوك نهائيا كنت معروضة وحد النهار وكانت البسبوسة من ضمن الشهيوات المقدمة

قالت لي جارتي دوقي هادي مزيونة وأنا شميت فيها ريحت الكوك قلت ليها باينة عليها غزالة لكن أنا مكيعجبنيش الكوك قالت لي غير دوقي

وغير باش منردهاش فوجهها قلت ندوق ونهبطها بالزز هههههههههه لكن المفاجئة كانت أنها عجبتني بزااااااااف كليت الطرف الأول والتاني وحشمت نزيد هههههههههه

ومن يومها كتبت الوصفة واعتمدتها

لله يجازي بالخير جارتي ويفرحها ربي بلي تتمنى إن شاء لله

صافي نكتب ليكم المقادير والطريقة قبل ما نكتب شي جريدة بلا مانحس هههههههه

بسم لله على بركة لله 


مقادير البسبوسة

  500 غ سميدة غليضة 
 نصف ليتر حليب 
 خمارت حمراء 3
 1 فاني 
 1 دانون فاني 
( كاس دانون نعبربيه ) 1 سكر 
 1 زيت
100 غ كوكو ( جوز الهند ) 
 2 بيضات 
 م ك زبدة

لسقي البسبوسة : 2 كيسان كبار سكر + 1 كاس كبير ماء + عصير ليمونة: حامض

لتزيين البسبوسة : نحتاج الى اللوز

طريقة تحضير البسبوسة:

 نخلط جميع المقادير مزيان ونضيف عليهم الحليب ونخلط مزيان

نفرغ الخليط في مووول ونخليه وحد 20 دقيقة

هنا بعد 20 دقيقة الخليط شرب شوية نعمل بالموس خطوط كيف غادي نقطعها ونعمل في كل مربع حبة لوز وندخلها للفران


كيف تخرج من الفران نسقيها بالسيرو لي وجدت وهو باقي سخون

نخليها تبرد مزيان عاد نقطعها كتجي هاد البسبوسة فنة ماشاء لله إن شاء لله تجربوها وتعجبكم كيف عجبتني أنا

ترك تعليق