منوعات

الكرص باللبن و نكهة الحامض

السلام عليكم و رحمة الله و بركاته
موقع بسمة لكل ما يهم المرأة المغربية يقدم الكرص باللبن و نكهة الحامض
الكرص باللبن و نكهة الحامض

من الاخت : وردة مغربية جزاها الله عنا كل خير

مقادير الكرص باللبن و نكهة الحامض

1 بيضة
2 كيسان(العنبة) لبن
1 كاس صغير زيت
1 كاس صغير سكر
ملعقة كبيرة خميرة فورية
1 خمارة الحلوى
قبصة ملح
قشرة حامضة
الدقيق حسب الخليط

لتزيين الكرص باللبن و نكهة الحامض
أصفر بيضة + قطرات خل
جنجلان
سنيدة
نباج + لوز محمر و مهرمش


طريقة تحضير الكرص باللبن و نكهة الحامض:
فزلافة العجانة كندير القشرة الحامضة محكوكة و سنيدة و الزيت و اللبن يكون بحرارة الغرفة أو ندفيه شوية

نزيد البيضة و الخمارة و الخميرة الفورية و الدقيق و نخدم العجانة و أنا كنزيد الدقيق بشوية بشوية حتى نحصل على عجينة مرخوفة بزاااف و كتلصق فاليدين

ندلك العجينة واحد 10 دقايق و نغطيها و نخليها حتى تخمر و يتضاعف حجمها

ندهن يدي بالزيت و نخرج منها الهوا 
و نعمل منها كويرات صغار أو متوسطين حسب الرغبة
نخليهم يخمرو شوية 
و نسخن الفران
ندهنهم بأصفر البيض مع قطرات الخل 
جزء زينتو بالجنجلان و جزء بسنيدة و جزء خليتو عادي
و من بعد ندخلهم للفران حتى يطيبو و يتحمرو

هدا شكلهم ملي خرجتهم من الفران و الجزء اللي خليتهم بلا تزيين دهنتهم بالنباج و رشيتهم باللوز محمر و مهرمش
و بالصحة و الراحة

ترك تعليق

error: المعذرة