مقادير خضر معمرة في الفرن
3حبات طماطم
حبة قرع اخضر
حبة باذنجان
جبن أحمر
4حبات جبن مثلث
ملح،إبزار،كمون،زعتر مطحون
ثوم
ملعقة خبز محمص
قزبر وبقدونس
طريقة تحضير خضر معمرة في الفرن
ناخد حبات طماطم نقسمها من الفوق ونخويها من الوسط ونتركها جانبا نحضرو الحشوة كناخد جبن أحمر و2فرماجات مثلثين ،ملعقة خبز محمص القليل من الملح والإبزار والزعتر مطحون والمعدنوس تقريبا 2ملاعق نخلط المكونات جيدا ونعمر مطيشة اللي عندنا نرشها بزيت الزيتون وندخلها للفرن حتى تطهى جيدا
ناخد الدنجال والقرع الأخضر نقسمه من النص بالطول ونخويهم من الوسط نرشهم بالملح،الإبزار والزيت ندخلهم شوية للفرن
ناخد داك القلب ديال القرع والدنجال نقطعهم مربعات صغيرة ونضيف ليهم القلب ديال مطيشة اللي زولنا نوضع الكل في مقلاة بها زيت نضيف ملح ،إبزار، كمون،ثوم بودرة أو 2 ضروس نشحر كلشي فوق النار نضيف الزيتون مقطع والربيع و2فرماجات مثلثين ونزولها فوق النار
نخرج الدنجال والقرع من الفران نعمرهم بالحشوة ندخلهم يكملو الطياب ونخرجهم نزينوهم بالقليل من الجبن الأحمر نقدموهم بالصحة والراحة
