ام لقمان و جنان
مقادير السردين فالكوكوط
تناخدو الروز مسلوق وتناخدو السردين رجعوه كفتة بالماكينة ديالو .تكون كمية الكفتة اكبر من كمية الروز. نضيفلهم معدنوس وقسبر مقطعين و2 فصوص ثومة محكوكين ونصيف العطرية الملح الكمون ابزار شوي سكينجبير وشوي خرقوم وشوي عطرية الحوت الي كتشرى واجدة
كوكوط ندير فيها واحد المطيشة كبيرة او 2 محكوكين ونضيفلهم شوي زيت ورشة ملح وشوي خرقوم ونص معيلقة صغيرة من مطيشة الحك
وتناخد داك السردين نشكلو كويرات ونحطهم فالكوكوط ونشعلو عليهم العافية غير تشوفو الصوص كيغلي ولونهم تغير وشدو راسهم تنضيفو كاس ماء غير بشوية بلش منشتوش الكورات ونضيف ورقة سيدنا موسى ونسد الكوكوط 10 دقايق. ونحل الى شفتها باقي فيها صوص بزاف نزيدلها 5 دقايق وبالصحة والراحة😊😊
